MŨRANGĨRI Na. 4 2017 | Bibilia Yugaga Atĩa Igũrũ Rĩgiĩ Muoyo na Gĩkuũ?
ŨGWĨCIRIA ATĨA?
Hihi nĩ wendi wa Ngai tũkuage? Bibilia yugaga ũũ: “[Ngai] nĩ ekũmagiria maithori mothe mathire maitho-inĩ mao, na gĩkuũ gĩtigacoka gũkorũo kuo rĩngĩ.”—Kũguũrĩrio 21:4.
Ngathĩti ĩno ya Mũrangĩri yarĩrĩirie ũrĩa Bibilia yugaga ũhoro-inĩ wĩgiĩ muoyo na gĩkuũ.
KUUMA NGOTHI-INĨ
Kĩũria Kĩrigithagia Andũ Aingĩ
Tondũ mawoni megiĩ gĩkuũ nĩ maingĩ na nĩ ngũrani-rĩ, hihi nĩ kũrĩ handũ tũngĩona ũhoro wa kwĩhokeka?
KUUMA NGOTHI-INĨ
Ũrĩa Bibilia Yugaga Igũrũ Rĩgiĩ Muoyo na Gĩkuũ
Hihi nĩ kũrĩ gĩcunjĩ kĩmwe thĩinĩ witũ gĩthiaga na mbere gũtũũra thutha witũ gũkua? Hihi nĩ tũkoragwo na muoyo ũtangĩkua? Akuũ marĩ kũ?
Rĩrĩa Mũndũ Wendete Arũara Mũrimũ Ũtangĩhonwo
Andũ a famĩlĩ mangĩũmĩrĩria na marũmbũiye atĩa mũndũ wao wa famĩlĩ ũrũarĩte mũrimũ ũtangĩhonwo? Arĩa marũmbũyagia arĩa arũaru mangĩhiũrania atĩa na maũndũ marĩa mangĩgerera ihinda rĩrĩa rĩothe mararũmbũiya mũndũ mũrũaru?
Elias Hutter na Bibilia Ciake cia Mwanya cia Kĩhibirania
Mũthomi ũmwe wa karine ya 16 wetagwo Elias Hutter, nĩ aacabire Bibilia igĩrĩ cia Kĩhibirania iria ciarĩ cia bata mũno.
Ũũma Kuuma Harĩ Ndemwa Ĩrĩa Nini Mũno ya Kĩhibirania
Nĩ ũndũ ũrĩkũ Jesu eendaga kuuga rĩrĩa aaririe ũhoro wa ndemwa ĩrĩa nini mũno?
Paradiso Gũkũ Thĩ—Hihi No ya Gwĩcirĩrio Tu
Rũgano rwa ũrĩa paradiso ĩrĩa yarĩ gũkũ thĩ yateirũo nĩ rwendetwo mũno nĩ andũ aingĩ thĩinĩ wa thĩ kuuma tene. Hihi paradiso ta ĩyo nĩ ĩgacokio o rĩ?
Bibilia Yugaga Atĩa?
Mĩtangĩko yonekaga ta ĩrĩ gĩcunjĩ kĩa ũtũũro wa mũndũ. Hihi no ĩnyihanyihio?
Ũhoro Makĩria Intaneti-inĩ
Andũ Makuaga Nĩkĩ?
Macokio ma Bibilia ma kĩũria gĩkĩ nĩ matũhooreragia na magatũhe mwĩhoko.
