Gũtũũra na Thayũ Thĩinĩ wa Thĩ Ĩtarĩ na Thayũ
Ruta:
1. Ndĩ ngaari-inĩ kana barabara-inĩ, thĩ ʼno ndĩrĩ na thayũ.
Andũ aingĩ maratangĩka mũno o mũthenya.
Ngaikara hooreire njetereire na ngonania ũtugi,
No Jehova nĩaheaga thayũ hĩndĩ ʼrĩa ndamũhoya.
(KORASI)
Gũtũũra ũrĩ na thayũ thĩ ʼno, ma ti ũndũ mũhũthũ.
No ũngĩhota rĩu, wĩcirie ũrĩa ũkaigua gũkorũo thĩ njerũ.
2. Ngakinya wĩra o wega ĩndĩ ndagĩka gũgacenjia.
O rĩmwe gũkaumĩra thĩna no ngegirĩrĩria.
Ngaririkana ʼndũ marabatara kũũmagĩrĩrio,
Moritũ nĩ maratũma amwe marakare o na ihenya.
(KORASI)
Gũtũũra ũrĩ na thayũ thĩ ʼno, ma ti ũndũ mũhũthũ.
No ũngĩhota rĩu, wĩcirie ũrĩa ũkaigua gũkorũo thĩ njerũ.
(KĨBUNGO)
Gũikara twĩ na thayũ
Thĩinĩ wa thĩ ʼtarĩ thayũ
Ti ũndũ mũhũthũ.
No Ngai witũ akoragwo hamwe na ithuĩ.
3. Nĩ ndĩrutanagĩria gũthiĩ kũhunjia ũhoro mwega.
No andũ arĩa ndĩrahunjĩria nĩ marakarĩtio nĩ thĩ.
Thimo yugaga haaro ĩtanatuthũka wĩyeherie.
Ngehera tondũ harĩa hatarĩ ngũ mwaki nĩ ũhoraga.
(KORASI)
Gũtũũra ũrĩ na thayũ thĩ ʼno, ma ti ũndũ mũhũthũ.
No ũngĩhota rĩu, wĩcirie ũrĩa ũkaigua gũkorũo thĩ njerũ.
(KORASI)
Gũtũũra ũrĩ na thayũ thĩ ʼno, ma ti ũndũ mũhũthũ.
No ũngĩhota rĩu, wĩcirie ũrĩa ũkaigua gũkorũo thĩ njerũ.
