Rĩrĩa Jesu aarĩ gũkũ thĩ, nĩ oonanirie nĩ eendete andũ mũno, makĩria arĩa maarĩ athĩni na maarĩ na mĩtangĩko. (Mathayo 9:36) O na nĩ aarutire muoyo wake ũrĩ igongona nĩguo andũ arĩa angĩ magunĩke. (Mathayo 20:28; Johana 15:13) Ica ikuhĩ, nĩ arĩonania o rĩngĩ ũrĩa endete andũ, rĩrĩa akaahũthĩra ũnene wake arĩ Mũthamaki wa Ũthamaki wa Ngai kũniina ũthĩni thĩinĩ wa thĩ yothe.

 Bibilia ĩhũthĩrĩte ciugo ici njega gũtaarĩria ũrĩa Jesu ageeka:

•   “Arogitagĩra arĩa matarĩ hinya gatagatĩ-inĩ ka andũ aku, nĩ ahonokagie ciana cia athĩni.”—Thaburi 72:4.

 Tũngĩonania ngatho atĩa nĩ ũndũ wa maũndũ mothe marĩa Jesu atwĩkĩire na marĩa arĩtwĩkĩra? Thĩinĩ wa Luka 22:19, Jesu eerire arũmĩrĩri ake maririkanage gĩkuũ gĩake. Nĩ ũndũ ũcio, Aira a Jehova nĩ macemanagia hamwe o mwaka hĩndĩ ya kĩririkano gĩa gĩkuũ gĩake. Nĩ tũrakũnyita ũgeni ũkaanyitanĩra na ithuĩ hĩndĩ ya Kĩririkano gĩa gĩkuũ kĩa Jesu mũthenya wa Kiumia, Machi 24, 2024.

Etha Kĩririkano