Andũ aingĩ marona ta gũtarĩ na kĩhonia kĩa mathĩna marĩa mekũgũmĩra thĩ mwaka-inĩ wa 2024. O na kũrĩ ũguo, no tũgĩe na kĩĩrĩgĩrĩro kĩa ihinda rĩũkĩte. Tũngĩruta kũ kĩĩrĩgĩrĩro kĩu?

 Bibilia nĩ ĩranĩire atĩ Ngai nĩ arĩniina mathĩna mothe marĩa matũmaga andũ mage mwĩhoko ũtũũro-inĩ. Ica ikuhĩ, Ngai ‘nĩ ekũgiria maithori mothe mathire maitho-inĩ maitũ, na gĩkuũ gĩtigaacoka gũkorũo kuo rĩngĩ, o na gũcakaya kana kĩrĩro kana ruo.ʼ—Kũguũrĩrio 21:4.

•   Nĩguo wĩrute makĩria ũhoro wĩgiĩ ciĩranĩro cia Bibilia ciĩgiĩ ihinda rĩũkĩte, thoma gĩcunjĩ kĩrĩ na kĩongo “Tumaini Bora la Wakati Ujao.”

 Bibilia nĩ ĩtũheaga kĩĩrĩgĩrĩro kĩa ihinda rĩũkĩte kĩrĩa kĩngĩtũteithia gũtiga kũigua ta tũtarĩ na mwĩhoko, na tũgĩe na mawoni mega megiĩ ihinda rĩũkĩte. (Aroma 15:13) Motaaro marĩa marĩ thĩinĩ wa Bibilia ningĩ no magũteithie kũhiũrania na mathĩna marĩa ũngĩkorũo ũgĩcemania namo ihinda-inĩ rĩrĩ, ta ũthĩni, wagi wa kĩhooto, kana mũrimũ.

•   Rora wone ũrĩa kĩĩrĩgĩrĩro kĩa Bibilia gĩateithirie mũndũ ũmwe kũgĩa thayũ na gĩkeno o na gũtuĩka aarereirũo famĩlĩ-inĩ yarĩ thĩni. Wĩrorere video ya Juan Pablo Zermeño: Jehova nĩ Aaheire Ũtũũro Wĩna Muoroto.

•   Bibilia ĩngĩgũteithia atĩa rĩrĩa ũkuĩrĩirũo nĩ mũndũ wendete, kana rĩrĩa ũraigua ũhĩtĩtie, ũrĩ na kĩeha, kana ũgĩtangĩka? Thoma gĩcunjĩ kĩrĩ na kĩongo “Je, Ninaweza Kupata Faraja Katika Biblia?”

•   Rora wone ũrĩa mũtumia ũmwe warĩ mũnjeshi, ũrĩa ũtaarĩirie atĩ aarĩ mũndũ “ũtaarĩ tha na ũteeciragia andũ arĩa angĩ,” aagĩire na kĩĩrĩgĩrĩro kuumana na maũndũ marĩa eerutire Bibilia-inĩ. Wĩrorere video ya Niliweka Bunduki Yangu Chini.

 No ũtũme mwaka wa 2024 ũkorũo ũrĩ mwega harĩ wee na harĩ famĩlĩ yaku. Menya makĩria ũrĩa Bibilia ĩngĩgũteithia. Wĩrute Bibilia na Mũira wa Jehova hatarĩ marĩhi. Nĩ ũkuona ũrĩa Ngai angĩkũhe “meciria ma thayũ” ihinda-inĩ rĩrĩ, na akũhe ‘kĩĩrĩgĩrĩro na ihinda rĩega rĩũkĩte.’—Jeremia 29:11.