Hihi Bibilia no Ĩndeithie Kũgĩa na Famĩlĩ ĩrĩ na Gĩkeno?
Macokio ma Bibilia
Ĩĩ, no ĩgũteithie. Haha harĩ na motaaro manyitĩtwo mbaru nĩ Bibilia marĩa mateithĩtie andũ milioni nyingĩ magĩe na gĩkeno thĩinĩ wa famĩlĩ:
Andĩkithia kĩhiko gĩaku. Gũtũũrania thĩinĩ wa kĩhiko kĩandĩkithĩtio nĩ mũthingi wa famĩlĩ ĩrĩ na gĩkeno.—Mathayo 19:4-6.
Onania wendo na gĩtĩo. Ũguo nĩ hamwe na gwĩka mũndũ ũrĩa mũhikanĩtie nake maũndũ o ta marĩa ũngĩenda wĩkĩrũo.—Mathayo 7:12; Aefeso 5:25, 33.
Wĩtheme kwaria ciugo ingĩtuuria mũndũ. Arĩa na njĩra ya njega, o na rĩrĩa ũrĩa mũhikanĩtie nake oiga kana eka ũndũ ũragũtuurithia. (Aefeso 4:31, 32) O ta ũrĩa Bibilia yugaga thĩinĩ wa Thimo 15:1: “Icokia ihoreri nĩ gũthengia rĩthengagia marũrũ, no njiinũ nĩ gũthombotha ithombothaga marakara.”
Koragwoi mũrĩ ehokeku. Ndũkerirĩrie kana ũgucĩrĩrio nĩ mũndũ ũngĩ tiga o ũrĩa mũhikanĩtie nake. (Mathayo 5:28) Bibilia yugaga ũũ: “Rekei kĩhiko kĩheagwo gĩtĩo nĩ andũ othe, na ũrĩrĩ wa kĩhiko ũigagwo ũrĩ mũtheru.”—Ahibirania 13:4.
Menyeria mwana waku ũrĩ na wendo. Wĩtheme gũtũũnia mwana, na ningĩ ndũkamũrũnge na marũrũ.—Thimo 29:15; Akolosai 3:21.
Icunjĩ Ingĩ Hihi Ũngĩenda Gũthoma
FAMĨLĨ YAKU NO ĨKORŨO NA GĨKENO
Caria Ũtongoria wa Ngai Ũgĩe na Gĩkeno Kĩhiko-inĩ
Kwĩyũria ciũria igĩrĩ tu hũthũ no kwagagĩrie kĩhiko gĩaku.
MACOKIO MA CIŨRIA CIA BIBILIA
‘Gũtĩa Thoguo na Nyũkwa’ nĩ Kuuga Atĩa?
No ũkene ũngĩmenya ũrĩa rĩathani rĩu riugĩte na ũrĩa rĩtoigĩte.
ŨHORO WITŨ
Hoya Ũceererũo
Arĩrĩria ciũria cia Bibilia hamwe na mũndũ ũngĩ, kana wĩrute makĩria ũhoro wĩgiĩ Aira a Jehova.