Job 40:1-24
40 Jehova okwa twikila okunyamukula Job, ta ti:
2 “Mbela omumoni womapuko ota dulu okukondjifa Omunaenghono adishe?
Oo a hala okupukulula Kalunga na nyamukule.”
3 Job okwa nyamukula Jehova, ta ti:
4 “Tala, ame omunhu wongaho.
Nandi ku nyamukule ngahelipi?
Onde likwata komulungu.
5 Onda popya lumwe, onghee itandi ka nyamukula vali;Olutivali, ndele itandi ka tya sha vali.”
6 Opo nee Jehova okwa nyamukula Job okudja moshikungulu shomhepo, a ti:
7 “Alikana, nyatipala ngaashi omulumenhu;Ohandi ke ku pula, noto ka lombwela nge.
8 Mbela oto ka limbililwa* ouyuki wange?
Mbela oto ka tokola nge, opo u dule okukala u li mondjila?
9 Mbela ou na okwooko ke na eenghono ngaashi kaKalunga kashili,Ile ondaka yoye otai dulu okungunguma ngaashi yaye?
10 Alikana, liwapeka noshinge nosho yo nefimano;Djala ounene nosho yo etumbalo.
11 Kufa mo onya yehandu loye;Tala keshe umwe oo omulinenepeki, ndele to mu ninipike.
12 Tala keshe oo omulinenepeki, ndele to mu ninipike,Ndele to lyataula po ovakolokoshi opo va fikama.
13 Aveshe va holeka mondwi;Va* mangela meenhele domilaulu,
14 Opo nee ohandi ka dimina*Kutya eke loye lokolulyo otali dulu oku ku xupifa.
15 Apa ope na Behemot,* oo nda shita ngaashi nde ku shita.
Oha li omwiidi ngaashi ongobe yomhedi.
16 Tala keenghono odo di li meenho daye,Nokeenghono odo di li meenhumba dedimo laye.
17 Oha kukutike omushila waye ngaashi omuti womusederi;Nomifipa domomatundji aye oda tungilwa kumwe.
18 Omakipa aye oo ominino dongopolo;Omaulu aye okwa fa eedibo doshivela shilaula sha pama.
19 Oku li pondodo yotete* mokati koilonga yaKalunga;Omushiti waye oye ashike ta dulu oku mu dipaa neongamukonda laye.
20 Osheshi eemhunda ohadi mu menifile oikulya,Oko haku danauka oinamwenyo aishe yomoixwa.
21 Oha nangala koshi yoixwa,*Momudile weembungu dopomatondokelo omeva.
22 Oixwa oyo ohai mu tula momidile dayo,Nomiti da hapa nawa* domefilu ohadi kala de mu dingilila.
23 Ngeenge omulonga tau kunguluka unene, iha mbadapala.
Oha kala e na omukumo, nonande omulonga waJordan otau ndwafuka wa finda mokanya kaye.
24 Mbela ope na ngoo oo ta dulu oku mu kwata, ofimbo ta tale,Ile okutyuula eyulu laye nongona?*
Eshangelo lopedu
^ Ile “pataneka.”
^ Eln., “Oipala yavo.”
^ Ile “popya kombinga yoye.”
^ Tashi dulika ondjabameva.
^ Eln., “Oye ehovelo.”
^ Oyo oya li oixwa i na omakiya yopomatondokelo omeva, hai ifanwa lotus.
^ Ile “Nomiti domi-poplars.”
^ Eln., “nomwiyo.”
