Jona 3:1-10
3 Ondjovo yaJehova oye uya kuJona oshikando oshitivali, tai ti:
2 “Fikama, inda kuNinive, oshilando shinene, noku ke shi lombwela etumwalaka olo handi ku lombwele.”
3 Onghee Jona okwa fikama, ndele ta i kuNinive, metwokumwe nondjovo yaJehova. Ninive osha li oshilando shinene,* nohashi taululwa oule womafiku atatu.
4 Jona okwa ya moshilando nokwa enda mo oule wefiku, ta udifa ta ti: “Moule ashike womafiku 40, Ninive otashi ka hanaunwa po.”
5 Opo nee ovalumenhu vomuNinive ova itavela muKalunga, ndele tava lombwelafana ve lidilike nokudjala eeshako, okudja koshipuna fiyo okohepele, ile komunyasha fiyo okomukulunhu.
6 Eshi ohamba yaNinive ya uda etumwalaka, oya dja ko kolukalwapangelo layo, ndele tai dula mo oikutu yayo youhamba nokudjala oshako noya kala omutumba momute.
7 Natango oya yandja elombwelo muNinive ashishe, tali ti,“Palombwelo lohamba nomalenga ayo: Hamunhu, ile oshimuna, ongobe, ile odi, ya ufwa i lye sha nandenande. Kai na okulya nokunwa nandenande.
8 Ovanhu aveshe nava djale eeshako, noimuna nai dikwe eeshako, ndele tava ifana Kalunga nomutima aushe nokweefa po oilonga yavo ii nosho yo elongifo leenghono.
9 Pamwe Kalunga kashili ote ke lialuluka* kwaasho a li a popya nokuhanduluka, opo tuha hanaunwe po.”
10 Eshi Kalunga kashili a mona osho va ninga, nghee ve lialuluka keendjila davo dii, okwe lialuluka* omolwehanauno olo a li te ke va etela, noine li va etela vali.
Eshangelo lopedu
^ Eln., “oshilando shinene kuKalunga.”
^ Ile “livela ombedi.”
^ Ile “livela ombedi.”
