Embo laMateus 1:1-25
1 Eli embo li na sha nondjokonona yaJesus Kristus,* omona waDavid, omona waAbraham:
2 Abraham okwa dala Isak;Isak okwa dala Jakob;Jakob okwa dala Juda novamwaina;
3 Juda okwa dala Peres naSera; ina yavo okwa li Tamar;Peres okwa dala Hesron;Hesron okwa dala Ram;
4 Ram okwa dala Aminadab;Aminadab okwa dala Nashon;Nashon okwa dala Salmon;
5 Salmon okwa dala Boas, naina yaBoas okwa li Rahab;Boas okwa dala Obed, naina yaObed okwa li Rut;Obed okwa dala Isai;
6 Isai okwa dala ohamba David.David okwa dala Salomo, naina yaSalomo okwa li omukulukadi waUria;
7 Salomo okwa dala Rehabeam;Rehabeam okwa dala Abia;Abia okwa dala Asa;
8 Asa okwa dala Josafat;Josafat okwa dala Jehoram;Jehoram okwa dala Ussia;
9 Ussia okwa dala Jotam;Jotam okwa dala Ahas;Ahas okwa dala Hiskia;
10 Hiskia okwa dala Manasse;Manasse okwa dala Amon;Amon okwa dala Josia;
11 Josia okwa dala Jekonia novamwaina pefimbo lokutwalwa moukwatwa kuBabilon.
12 Konima yokutwalwa kuBabilon, Jekonia okwa dala Salatiel;Salatiel okwa dala Serubbabel;
13 Serubbabel okwa dala Abiud;Abiud okwa dala Eliakim;Eliakim okwa dala Asor;
14 Asor okwa dala Sadok;Sadok okwa dala Akim;Akim okwa dala Eliud;
15 Eliud okwa dala Eleasar;Eleasar okwa dala Mattan;Mattan okwa dala Jakob;
16 Jakob okwa dala Josef omushamane waMaria, ina yaJesus, Jesus oo a ka ninga Kristus.
17 Omapupi aeshe, okudja kuAbraham fiyo okuDavid opa pita omapupi 14; okudja kuDavid fiyo opefimbo lokutwalwa kuBabilon omapupi 14; nokudja pokutwalwa kuBabilon fiyo okuKristus omapupi 14.
18 Okudalwa kwaJesus Kristus okwa li ngaha: Eshi Maria, ina yaJesus, a li a valekwa kuJosef, okwa ninga oufimba keenghono domhepo iyapuki, ofimbo va li inava hombola.
19 Ndele molwaashi omushamane* waye Josef okwa li omuyuki noka li a hala oku mu fifa ohoni moipafi, okwa li a diladila oku mu efa po meholeko.
20 Ndele eshi a diladila ngaho, omweengeli waJehova* okwe mu holokela mondjodi, ndele ta ti: “Josef, omona waDavid, ino tila okuhombola po Maria,* molwaashi oufimba oo e na owomhepo iyapuki.
21 Ota ka dala okaana okamati ndele to ke ka luka Jesus,* osheshi Jesus ota ka xupifa ovanhu moulunde wavo.”
22 Aishe oyo oya ningwa opo ku wanifwe osho Jehova a popya okupitila momuprofeti waye, a ti:
23 “Tala, okakadona otaka ka ninga oufimba, ndele taka dala okaana kokamati, ndele tave ka luku Immanuel,” olo tali ti: “Kalunga oku li pamwe nafye.”
24 Ndele eshi Josef a penduka meemhofi okwa ninga ngaashi a lombwelwa komweengeli waJehova, ndele ta hombola Maria.*
25 Ashike ina nangala naye fiyo osheshi a dala okaana kokamati, opo nee Josef okwe ka luka Jesus.
Eshangelo lopedu
^ Ile “Messias; Omuvaekwa.”
^ “Panghedi yOshijuda, omuvaleki okwa li ha ifanwa omushamane.”
^ Eshi oshikando shotete shomoikando 237 opo edina laKalunga, Jehova, la holoka mOmishangwa dopaKriste dOshigreka.
^ Eln., “Ino tila okutwala omukulukadi woye Maria keumbo.”
^ Edina olo ola faafana nedina lOshiheberi Jeshua, ile Joshua, olo tali ti, “Jehova oye exupifo.”
^ Eln., “ta twala omukulukadi waye keumbo.”
