KALA OUPAFI! No. 2 2018 | Eenghedi 12 odo tadi dulu okukwafela oukwaneumbo u pondole
Eenghedi 12 odo tadi dulu okukwafela oukwaneumbo u pondole
Luhapu ohatu udu kombinga yoinima oyo hai holoka momaukwaneumbo oo haa teka po. Ndele mbela oo haa kala kumwe oha e shi pondola ngahelipi?
Pokati komido do 1990 no 2015, eteyohombo ola hapupala lwomapa avali kwaavo ve li pomido di dulife po 50 ofimbo kwaavo ve na omido di dulife po 65 la hapupala lwomapa atatu moUnited states.
Ovadali ova ngwangwana: Ovashiivi nawa voinima i na sha nomaukwaneumbo ova yandja omayele e na sha nokupandula ounona, ofimbo vamwe ve wete kutya ove na okupewa outekuduliko opo ve va kwafele.
Ovanyasha otava ende tava ningi ovakulunhu ashike kave na eshiivo olo va pumbwa opo va pondole.
Ashike nande ongaho, oushili oyoo kutya . . .
Ohombo otai dulu okukala ihafifa, noi li elongekido tali kalele.
Ovadali otava dulu okulihonga okuyandja outekuduliko kovana vavo, tave shi ningi pahole.
Ovanyasha otava dulu okumona owino oo va pumbwa eshi tava ende tava ningi ovakulunhu.
Ngahelipi mbela? Oshitukulwa eshi Kala oupafi! otashi ka kundafana eenghedi 12 odo tadi dulu okukwafela oukwaneumbo u pondole.
1:Okudiinina ohombo
Eenghatu nhatu odo tadi dulu okukwafela ovalihomboli vaha topoke.
2: Elongelokumwe
Mbela kaume koye kopahombo okwa fa ashike omunhu oo hamu di naye meumbo?
3: Okufimanekafana
Lihonga kombinga yomaetepo oo taa dulu oku mu kwafela mu kale mu udite mwa fimanekafana ngeenge tashi uya pokupopya nokukatuka.
4: Okudiminafana po
Oshike tashi dulu oku ku kwafela u henuke okuyandja elitulemo komapuko a kaume koye kopahombo?
5: Okukundafana
Eenghatu nhatu da fimana odo tadi dulu okukwafela ovadali va ehene popepi novana.
6: outekuduliko
Mbela outekuduliko ohau ningifa okaana ka kale ke lidina?
7: Eenghedi
Mbela omifikamhango dilipi to dulu okuhonga ovana voye?
8: Okutula po oshihopaenenwa
Ngeenge owa hala okukala ho hange omitima dovana voye, ou na okukatuka metwokumwe naasho to va hongo.
9: Oukwatya womunhu
Ongahelipi ovanyasha tava dulu okupopila eitavelo lavo?
10: Okukala omulineekelwa
Okukala we lineekelwa kovadali voye otashi ku kwafele eshi to ende to ningi omukulunhu.
11: Okulonga noudiinini
Okukala ho longo noudiinini ofimbo u li omunyasha otashi ke ku kwafela u kale ho pondola mukeshe osho to ka ninga monakwiiwa.
12: Litulila po omalalakano
Ngeenge oho wanifa po omalalakano oye, otashi dulu oku ku twa omukumo, okupameka oukaume woye navamwe nokuhapupalifa ehafo loye.
Ouyelele wa wedwa u na sha nomaukwaneumbo
Omayele Ombiibeli otaa dulu okukwafela ohombo yeni i pondole nomu kale mwa hafa.
