Kalunga oye lyelye?
Ovanhu vahapu ohava ti kutya ova itavela muKalunga. Ashike ngeenge owa pula kutya Kalunga oye lyelye, oto ka mona omanyamukulo a yoolokafana. Vamwe ohava ti Kalunga omutokoli omukwanyanya noha kala ashike a hala okutokola ovanhu omolwoilonga yavo ii. Vamwe ohava ti oku li alushe omunahole nohe va dimine po, kashi na nee mbudi kutya ova ninga shike. Ofimbo vamwe va itavela kutya Kalunga oku li kokule navo noke na ko nasha navo. Omolwomatomheno oo, vahapu otashi dulika va kale ve udite kutya itashi shiiva okushiiva kutya Kalunga oye lyelye.
Mbela osha fimana okushiiva kutya Kalunga oye lyelye? Heeno, osha fimana. Okushiiva Kalunga nawa otaku dulu okuweda ko kelalakano nosho yo keityo longhalamwenyo yoye. (Oilonga 17:26-28) Ngeenge owa ehene popepi naKalunga, ota ka kala e ku hole noku ku kwafela. (Jakob 4:8) Eshiivo lokushiiva Kalunga otali dulu yo okutwala komwenyo waalushe. — Johannes 17:3.
Ongahelipi to dulu okushiiva Kalunga? Diladila komunhu oo u shii nawa, kaume koye kopofingo. Oukaume weni owa hovela ngahelipi? Tete owa shiiva edina laye, omaukwatya aye, osho e hole naasho e tonde, osho a ninga naasho ta ka ninga nosho yo oinima imwe vali. Eshi we lihonga kombinga yomunhu oo, oshe ku nanena kuye.
Sha faafana, ohatu dulu okushiiva Kalunga mokutala koinima tai landula:
Oshifo eshi osha nuninwa okuyandja omanyamukulo opaMbiibeli komapulo oo. Oitukulwa oyo itai ku kwafele ashike u shiive kutya Kalunga oye lyelye, ndele otai ku kwafele yo u shiive nghee to dulu okumona ouwa mokukala u na ekwatafano naye.
Otashi dulika yo u hafele oikundafanwa ei
OSHUNGONANGELO
Edina laKalunga olyelye?
Mbela ou shi shii ngoo kutya Kalunga oku na edina lelikalekelwa?
OSHUNGONANGELO
Ohatu dulu ngoo shili okushiiva Kalunga?
Oinima oyo ya kitakana kombinga yaKalunga otai tu kwafele tu ehene popepi naye.
