“Ouhamba woye nau uye” — Ovanhu omamiliyona ohava ilikana eilikano olo
Mbela owa ilikana nande onale Ouhamba waKalunga u uye? Omido da ka lupuka, ovanhu omamiliyona ova kala hava ilikana kutya “Ouhamba woye nau uye.” Omolwashike ovanhu hava ilikana ngaho? Omolwaashi Jesus okwa lombwela ovashikuli vaye va ilikane Ouhamba waKalunga u uye.
Potete, ovashikuli vaJesus kava li ve udite ko oinima aishe oyo a popya i na sha nOuhamba. Pomhito imwe ova li ve mu pula va ti: “Omwene, ouhamba waIsrael oto u tungulula tuu pefimbo eli?” Otashi dulika va li va kumwa eshi Jesus ine va pa enyamukulo lokondadalunde. (Oilonga 1:6, 7) Mbela osho osha hala okutya katu na efiku tu ude ko kutya Ouhamba waKalunga oshike notau uya naini? Hasho nandenande!
Oshungonangelo ei otai ke tu kwafela tu mone omanyamukulo komapulo taa landula:
Omolwashike twa pumbwa Ouhamba waKalunga?
Olyelye Ohamba yOuhamba waKalunga?
Ouhamba waKalunga otau uya okupangela naini kombada yedu?
Ouhamba waKalunga otau uya okuninga shike?
Omolwashike tu na okuyambidida Ouhamba waKalunga paife?
Ouhamba waKalunga oshike?
Otashi dulika yo u hafele oikundafanwa ei
OSHUNGONANGELO
Omolwashike tu na okwiilikana Ouhamba waKalunga u uye?
Ouhamba otau ka ninga shike osho pehe na nande epangelo lopanhu tali dulu oku shi ninga?
OMAHONGO OMBIIBELI A FIMANA
Ouhamba waKalunga oshike?
Eshi Jesus a li kombada yedu, okwa li ha udifa unene kombinga yOuhamba waKalunga. Oule womido, ovashikuli vaye ova kala hava ilikana Ouhamba oo u uye.
