Ngeenge hatu lesha Ombiibeli, ohatu dulu okukonga omamona opamhepo mokuninga omapekapeko. Ndele ongahelipi hatu dulu okumona ouwa pauyadi?

Fa moule momahokololo Ombiibeli. Pashihopaenenwa, tala kutya olyelye a shanga oshitukulwa osho, osha shangelwa lyelye nosho yo kutya osha shangwa naini. Eenghalo oda li da tya ngahelipi, oshike sha ningwa po metetekelo noshike sha ka ningwa po lwanima?

Diladila koilihongomwa oyo to dulu okulihonga mokulipula omapulo ngaashi: ‘Ovanhu ovo va kwatelwa mo ova li ve udite ngahelipi? Ova li va ulika omaukwatya elipi? Omolwashike ndi na okuhopaenena omaukwatya oo, ile okuhenuka oku a kulika?’

Tula moilonga oilihongomwa oyo to lihongo, tashi dulika moukalele, ile eshi to ungaunga novanhu vakweni. Ngeenge owa ningi ngaho, oto ulike ounongo wopakalunga, ngaashi Ombiibeli ya ti: “Ou e nounongo ne shi diladile.” — Eps. 107:​43, KB-13.

• Eetepo: Didilika nghee hatu dulu okutula moilonga osho hatu lihongo moshitukulwa shokwoongala kwomokati koshivike Omamona omEendjovo daKalunga. Oshitukulwa osho luhapu ohashi kala shi na omapulo oo hatu dulu okulipula, oitwa oyo hatu dulu okudilonga kuyo nomafano oo hatu dulu okukonakona.