Omapulo opaMbibeli a nyamukulwa
Ongahelipi ounona tava dulu okulihonga okukala ve hole Kalunga?
Longifa oinima oyo hatu dulu okulihonga meshito u kwafele ounona voye va shiive Kalunga nova kale ve Mu hole
Ounona voye otava dulu ashike okulihonga okukala ve hole Kalunga ngeenge ope na oumbangi oo tau ulike kutya oko e li noku va hole. Ova pumbwa okushiiva Kalunga opo va kale ve mu hole. (1 Johannes 4:8) Pashihopaenenwa, ova pumbwa okushiiva kutya: Omolwashike Kalunga a shita ovanhu? Omolwashike Kalunga a efa okumona oixuna ku kale po? Kalunga ota ka ningila shike ovanhu monakwiiwa? — Lesha Ovafilippi 1:9.
Opo u kwafele ounona voye va kale ve hole Kalunga, ou na oku va ulikila kutya ou mu hole. Ngeenge ova mono kutya ou mu hole, otava ka kala va halelela okushikula oshihopaenenwa shoye. — Lesha Deuteronomion 6:5-7; Omayeletumbulo 22:6.
Ongahelipi to dulu okuhanga omitima dounona voye?
Eendjovo daKalunga odi na eenghono. (Ovaheberi 4:12) Onghee hano, kwafela ounona voye va shiive omahovelohongo Ombibeli. Jesus opo a hange omitima dovanhu, okwa li ha pula omapulo, ha pwilikine nokufatulula Omishangwa. Oto dulu okuhopaenena eenghedi daJesus dokuhonga opo u hange omitima dounona voye. — Lesha Lukas 24:15-19, 27, 32.
Kakele kaasho, omahokololo Ombibeli e na sha nanghee Kalunga a li a ungaunga novanhu otaa dulu okukwafela ounona ve Mu shiive nova kale ve Mu hole. Oishangomwa ya nuninwa okukwafela ounona mwaasho oto dulu oku i hanga ko-www.dan124.com/kj. — Lesha 2 Timoteus 3:16.
Otashi dulika yo u hafele oikundafanwa ei
OUNONA
Ninga kaume kaJehova
Ouvidio va pambafana, omaimbilo, nosho yo oinyangadalwa oyo ya pilindwa ohai kwafele ounona ve lihonge oilihongomwa ya fimana yanghee tava dulu okuhafifa Kalunga
EMBO LANGE LOMAHOKOLOLO OMBIBELI
Embo lange lomahokololo Ombibeli—Etwalemo
Omahokololo oshili a dja membo olo linenenene mounyuni, Ombibeli, oo taa popi ondjokonona younyuni okudja eshi Kalunga a hovela okushita oinima fiyo opefimbo letu.
OMAMBO NOUMBO
