OMOLWASHIKE SHA FIMANA: Ngeenge ovakonakonimbiibeli ohave lilongekida komesho yefimbo, otava ka uda ko nawa nokudimbuluka osho hatu va hongo. Eshi tava ende tava udu ko oinima noku i dimbuluka, otashi ke va kwafela va ninge diva exumokomesho lopamhepo. Nokuli nokonima eshi va ninginifwa, ova pumbwa okukala have lilongekidile okwoongala noukalele opo va dule ‘okukala oupafi.’ (Mat 25:13) Onghee hano, okukala ve na onghedindjikilile yokukonakona, otashi ke va etela ouwa monghalamwenyo yavo aishe. Okudja ashike pehovelo, natu kwafele ovakonakoni vetu va kale have lilongekidile ekonakonombiibeli komesho yefimbo.

NGHEE TO DULU OKU SHI NINGA:

• Kala oshihopaenenwa shiwa. (Rom 2:21) Eshi to lilongekidile ekonakono keshe, kaleka omukonakoni woye momadiladilo. (km 11/15 3) Mu ulikila nghee wa tenda oshishangomwa shoye

• Mu ladipika a kale he lilongekida. Shimha mwa hovele okukonakona, mu lombwela kutya okulilongekida oku li oshitukulwa shekonakonombiibeli noku mu yelifila ouwa oo ta ka mona. Mu lombwela omaetepo e na sha nokukonga efimbo opo e lilongekide. Ovaudifi vamwe ohava mono shiwa okupa ovakonakoni vavo oshishangomwa shavo omo a tale eshi tava konakona opo a mone nghee sha fimana okulilongekida. Kala ho mu pandula ngeenge e lilongekida

• Mu ulikila nghee e na okulilongekida. Ovaudifi vamwe ove hole okulilongekidila ekonakono pamwe novakonakoni vavo opo va mone nghee hashi ningwa ngeenge omunhu to lilongekida