Mondjokonona aishe, ovapiya vaJehova ova pondola oinima ikumwifi, ndele hakeenghono davo vene, ashike okekwafo laYe. Mo 1954, ehangano laJehova ola li la pitifa ofilima yedina Oulikumwe womounyuni mupe ou li metifa. Oya li ya ndulukwa unene kOvabetel, ovo va li vehe na owino wokuninga eefilima. Oshilonga osho shinene osha li ashike sha pondolwa kekwafo lomhepo iyapuki yaJehova. Osho otashi tu shilipaleke kutya ohatu dulu okupondola okuwanifa po oshilonga keshe twa pewa, ngeenge otwe lineekela Jehova. — Sak 4:6.

TALENI OKAVIDIO OKUNDULUKA “OULIKUMWE WOMOUNYUNI MUPE OU LI METIFA,” NDELE TAMU KUNDAFANA OMAPULO TAA SHIKULA:

• Omolwashike kwa li pa ningwa etokolo ku ndulukwe ofilima i na sha neembelewa da kula?

• Ofilima oya ulika ngahelipi kutya oBetel otai yelekanifwa nolutu lomunhu? — 1Ko 12:14-20

• Ovamwatate ova li va shakeneka omashongo elipi eshi va li tava nduluka ofilima, nove a finda ngahelipi?

• Oshimoniwa osho otashi tu hongo shike kombinga yomhepo iyapuki yaJehova?