Konima yo 4026 K.O.P.

“Eyoka” ola etifa po omalimbililo shi na sha noufemba nosho yo onghedi yaJehova yokupangela. Jehova okwa li a udaneka kutya otapa ka holoka ‘oludalo’ olo hauxuuninwa tali ka nyanyaula po eyoka, ile tu tye, Satana. (Genesis 3:1-5, 15) Ashike, Jehova okwa efa ovanhu ve lipangele vo vene oule wefimbo koshi yenwefemo leyoka.

1943 K.O.P.

Jehova okwa li a lombwela Abraham kutya ‘oludalo’ la udanekwa otali ka dja mepata laye. — Genesis 22:18.

Konima yo 1070  K.O.P.

Jehova okwa li a shilipaleka ohamba David nolwanima omonamati wayo, Salomo, kutya “oludalo” otali ka dja mepata lavo. — 2 Samuel 7:12, 16; 1 Eehamba 9:3-5; Jesaja 9:5, 6.

29 O.P.

Jehova okwa holola kutya Jesus oye ‘oludalo’ la udanekwa oo e li Omufyuululi wolukalwapangelo laDavid. — Ovagalati 3:16; Lukas 1:31-33; 3:21, 22.

 33 O.P.

Eyoka, Satana, ola li la twa moshififinwa ‘oludalo’ la udanekwa eshi la dipaifa Jesus. Jehova okwa nyumunina Jesus omwenyo womeulu nokwa tambula ko ongushu yomwenyo waJesus wa wanenena, nokungaho, oludalo laAdam otali dulu okudiminwa po omatimba noku ka mona omwenyo waalushe. — Genesis 3:15; Oilonga 2:32-36; 1 Ovakorinto 15:21, 22.

1914 O.P. ile diva konima yomudo oo

Jesus okwa umbila eyoka, Satana, kedu, noko tali kala la ngabekelwa oule wokafimbo kaxupi. — Ehololo 12:7-9, 12.

Monakwiiwa

Jesus ota ka pandeka Satana oule womido 1 000 nolwanima ote ke mu hanauna po, nokungaho, ota ka nyanyaula omutwe waye oku shi popya pafaneko. Elalakano laJehova lopehovelo li na sha nedu nosho yo ovanhu otali ka wanifwa, edina laye otali ka yapulwa nonghedi yaye yokupangela otai ka yukipalifwa. — Ehololo 20:1-3, 10;21:3, 4.