Eengudu delongifo leenghono otadi hanauna neenghono moHaiti. Ominyonena oda etifa emono loixuna moSouth Africa, moMexico nomoilongo ikwao yokuAmerika lokOlukadi. Nokuli nokoitukulwa oko ihaku longwa naanaa ominyonena, ovanhu ove udite inava amenwa nova tila, molwaashi ohava kundana oimbuluma ngaashi oumbudi nosho yo oushada.

 Ombiibeli otai ti ngahelipi kombinga youkolokoshi oo u li mounyuni aushe?

 Ombiibeli oya xunganeka kutya oukolokoshi otau ka kala edidiliko ‘lomafiku axuuninwa ounyuni ou.’ (Mateus 24:3) Eshi Jesus Kristus a li ta popi shi na sha noiningwanima oyo tai ka kala edidiliko, okwa popya a ti:

•   “Oukolokoshi otau hapupala, nohole yavahapu otai ka talala.” — Mateus 24:12.

 Natango, Ombiibeli oya xunganeka kutya “momafiku axuuninwa” ovanhu otava ka kala ‘vehe na elipangelo, ovakwanyanya novatondi vouwa.’ (2 Timoteus 3:1-5) Omaukwatya oo okuliholamwene oo taa ningifa ovanhu va longe oukolokoshi oo tu wete kunena.

 Ashike nande ongaho, otu na etomheno liwa lokukala tu na eteelelo. Ombiibeli oya udaneka kutya oukolokoshi otau ka xulifwa po mafiku.

•   “Ngeenge pa pita okafimbo kaningholi, omuhenakalunga ita kala po vali, nongeenge to talatala onhele yaye, ke po vali nande. Ndelenee ovananheni vo otava ka fyuulula edu, ndele tava ka hafela ombili inene.” — Epsalme 37:10, 11, KB-13.

 Lihonga shihapu kombinga yetumwalaka lOmbiibeli li na sha neteelelo nosho yo kutya omolwashike hatu dulu okukala noushili kutya oiningwanima oyo tu wete kunena otai wanifa po osho Ombiibeli ya xunganeka. Tala oitukulwa tai shikula.

 “A Real Hope for a Better Tomorrow”

 “What Is the Sign of ‘the Last Days,’ or ‘End Times’?”

 “Did the Bible Predict the Way People Think and Act Today?”