جاستار ٷشىن
9. سەن قاندايسىڭ؟
نەنى بىلدىرەدى؟
سەنىڭ كىم ەكەنىڭدى جانە قانداي ەكەنىڭدى اتى-ٴجونىڭ مەن ٴتۇر-كەلبەتىڭ عانا ەمەس، قۇندىلىقتارىڭ، نانىمدارىڭ مەن مىنەز-قۇلقىڭ انىقتايدى. راسىمەن دە، سەنى «سەن» ەتەتىن — ىشكى جانە سىرتقى دۇنيەڭ.
نەگە ماڭىزدى؟
ەگەر ەرىك-جىگەرىڭ مىقتى ادام بولساڭ، قۇربى-قۇرداستارىڭنىڭ ىرقىنا بەرىلە سالماي، ٶز ۇستانىمدارىڭدا بەرىك تۇراسىڭ.
«كوپ ادام دۇكەندە تۇرعان مانەكەندەرگە ۇقسايدى: ولار نە كيەتىنىن تاڭدامايدى، ولار ٷشىن باسقالار شەشەدى» (ارتۋر).
«مەن ٴتىپتى قيىنعا سوققاندا دا دۇرىس نارسەنى ىستەۋدى ۇيرەندىم. مەنىڭ ناعىز دوستارىم كىم ەكەنىن ولار مەنىڭ قاسىمدا، ال مەن ولاردىڭ قاسىندا ٶزىمدى قالاي ۇستايتىنىما قاراپ ايتا الامىن» (اليسا).
كيەلى كىتاپ كەڭەسى: «وسى زاماننىڭ ٶمىر سالتىن ۇلگى ەتپەڭدەر، قايتا، وي-سانالارىڭدى جاڭارتىپ، تۇبەگەيلى وزگەرىڭدەر» (ريمدىكتەرگە 12:2).
نە ىستەي الاسىڭ؟
مىقتى جانە ٵلسىز جاقتارىڭدى، سونداي-اق نانىمدارىڭدى سارالاي وتىرىپ، قازىر قانداي ادام ەكەنىڭدى جانە بولاشاقتا قانداي ادام بولعىڭ كەلەتىنىن انىقتاپ ال. مۇنى تومەندەگى سۇراقتارعا جاۋاپ بەرۋدەن باستاساڭ بولادى:
مىقتى جاقتارىم: قانداي دارىن-قابىلەتتەرىم بار؟ جاقسى تۇستارىم قانداي؟ (مىسالى: ۋاقتىلى جۇرەتىن اداممىن با؟ ۇستامدىمىن با؟ ەڭبەكقورمىن با؟ جومارتپىن با؟) مەن قانداي يگى ىستەر جاسايمىن؟
كەڭەس: ٶزىڭنىڭ جاقسى تۇستارىڭدى ايتۋ قيىن بولدى ما؟ وندا اتا-اناڭنان يا سەنىم ارتاتىن دوسىڭنان سەنىڭ قانداي مىقتى جاقتارىڭدى جانە قاي كەزدە بايقاعانىن سۇراپ كور.
كيەلى كىتاپ كەڭەسى: «اركىم ٶز ٸس-ارەكەتىن تەكسەرسىن، سوندا ٶزىن باسقالارمەن سالىستىرماي، ٶز ىستەرىنە قۋانادى» (عالاتتىقتارعا 6:4).
ٵلسىز جاقتارىم: تۇزەتۋىم كەرەك قانداي وسال تۇستارىم بار؟ اسىرەسە قاي كەزدە ازعىرىلۋعا بەرىلىپ قالامىن؟ قاي جاعىنان كوبىرەك ۇستامدىلىق دامىتۋىم كەرەك؟
كيەلى كىتاپ كەڭەسى: «ەگەر كۇناسىزبىز دەسەك، ٶز-ٶزىمىزدى الداعانىمىز جانە بىزدە شىندىقتىڭ بولماعانى» (جوحاننىڭ 1-حاتى 1:8).
نانىمدارىم: قانداي ونەگەلىك نورمالارىن ۇستانامىن جانە نەگە؟ قۇدايعا سەنەمىن بە؟ قۇدايدىڭ بار ەكەنىنە قانداي دالەل كوزىمدى جەتكىزەدى؟ قانداي ٸس-ارەكەتتى ادىلەتسىزدىك دەپ ەسەپتەيمىن جانە نەگە؟ بولاشاققا دەگەن كوزقاراسىم قانداي؟
كيەلى كىتاپ كەڭەسى: «سانالىلىق سەنى امان ساقتايدى، پارىقتىلىق سەنى قورعايدى» (ناقىل سوزدەر 2:11).
قىزىقتى بولار مالىمەتتەر
جاستاردى قىزىقتىراتىن 10 سۇراق
مەن قانداي اداممىن؟
ومىرلىك ۇستانىمدارىڭدى، مىقتى ٵرى وسال جاقتارىڭدى، ماقساتتارىڭدى ٶزىڭ ٷشىن انىقتاپ الساڭ، قىسىمعا بەرىلىپ قالماي، دۇرىس شەشىم قابىلداي الاسىڭ.
جاستاردىڭ ساۋالدارى
كىمنەن ۇلگى السام بولادى؟
ۇلگى تۇتاتىن ادامىڭنىڭ بولعانى ساعان پروبلەمالاردى اينالىپ وتۋگە، ماقساتتارىڭا جەتۋگە جانە ومىردە تابىستى بولۋعا كومەكتەسەدى. ٴبىراق كىمنەن ۇلگى الساڭ بولادى؟
