35 تاراۋ
ادامدار ٶلىم ۇيقىسىنان ويانادى!
قۇداي ولگەن ادامدى ٴتىرىلتىپ، ومىرگە قايتارعىسى كەلە مە؟ ~ ٴيا، قايتارعىسى كەلەدى. بۇعان ٵيۇپ ەسىمدى ٵدىل ادام سەنگەن. ول قاتتى اۋىرعاندىقتان، ولەمىن دەپ ويلاپ، قۇدايعا: «سەن مەنى شاقىرعاندا، مەن ساعان جاۋاپ بەرەمىن»،— دەگەن بولاتىن. قايتىس بولعان جاعدايدا، ەحوبا قۇداي ونى ساعىناتىنىن ٵرى قايتا ٴتىرىلتۋدى قاتتى قالايتىنىن ٵيۇپ جاقسى بىلگەن (ٵيۇپ 14:14، 15).
يسا دا بىزگە تۋرا اكەسى سياقتى كومەكتەسكىسى كەلەدى. بىردە الاپەسپەن اۋىراتىن ادام يساعا: «قالاساڭىز بولعانى، مەنى ايىقتىرا الاسىز»،— دەگەندە، ول: «قالايمىن!»— دەپ جاۋاپ بەرگەن. ٴسۇيتىپ، ونى الاپەستەن ساۋىقتىرعان (مارقا 1:40—42).
ەحوبا كىشكەنتاي بالالاردى جاقسى كورەتىنىن قالاي كورسەتتى؟
يسا ٶزىنىڭ اكەسىنەن بالالاردى جاقسى كورۋدى ۇيرەنگەن. ەجەلدە ەحوبا ٶز قىزمەتشىلەرى ارقىلى بالالاردى قايتا تىرىلتكەن بولاتىن. بىردە ٸلياس وزىنە جاقسىلىق جاساعان ٴبىر ايەلدىڭ بالاسىن ٴتىرىلتۋدى ەحوبادان وتىنگەندە، بالا قايتا تىرىلگەن. باسقا جولى ەحوبا ەلىشا دەگەن قىزمەتشىسى ارقىلى كىشكەنتاي بالانى قايتا تىرىلتكەن ەدى (پاتشالىقتار 3-جازبا 17:17—24؛ پاتشالىقتار 4-جازبا 4:32—37).
ەحوبانىڭ ٴبىزدى جاقسى كورەتىنىن بىلگەنىمىزگە قۋانىشتىمىز عوي، ٴيا؟ ~ ٴتىپتى ٶلىپ قالساق تا، ول ٴبىزدى ۇمىتپايدى. ويتكەنى، يسانىڭ ايتۋىنشا، ەحوبانىڭ سۇيىكتى قىزمەتشىسى قايتىس بولسا دا، ونىڭ كوزىندە ول ٴتىرى بولىپ قالا بەرەدى (لۇقا 20:38). كيەلى كىتاپتا بىلاي دەلىنگەن: «ٶلىم دە، ٶمىر دە، قازىرگى نە بولاشاقتاعى نارسەلەر دە ٴبىزدى قۇدايدىڭ سۇيىسپەنشىلىگىنەن ايىرا المايدى» (ريمدىكتەرگە 8:38، 39).
جەردە بولعان كەزدە، يسا ەحوبانىڭ كىشكەنتاي بالالاردى قامقورلايتىنىن كورسەتكەن. ول بالالارعا قۇداي تۋرالى ايتۋ ٷشىن ۋاقىت بولگەنىن بىلەسىڭ. ال قايتىس بولعان بالالاردى قايتا ٴتىرىلتۋ ٷشىن قۇداي يساعا كۇش بەرگەنىن بىلگەنسىڭ بە؟ ~ ەندەشە، يسا جايىر دەگەن كىسىنىڭ ون ەكى جاسار قىزىن قالاي تىرىلتكەنىن كورەيىك.
جايىر ايەلىمەن بىرگە عاليلەيا تەڭىزىنە جاقىن جەردە تۇراتىن. ولاردىڭ جالعىز قىزدارى بار ەدى. ٴبىر كۇنى قىزدارى قاتتى اۋىرىپ قالادى. جايىر ونىڭ ٶلىم اۋزىندا جاتقانىن كورگەندە، يسادان كومەك سۇراعىسى كەلەدى. ويتكەنى ول يسانىڭ ادامداردى ساۋىقتىرا الاتىنىن ەستىگەن بولاتىن. سودان ول يسانى ىزدەپ شىعادى. كوپ ۇزاماي ونى عاليلەيا تەڭىزىنىڭ جاعاسىندا ادامدارعا ٴتالىم بەرىپ وتىرعان جەرىنەن تابادى.
جايىر كوپ حالىقتىڭ اراسىنان ٶتىپ، يسانىڭ الدىنا كەلىپ جىعىلدى دا: «قىزىم قاتتى اۋىرىپ جاتىر. وعان بارىپ، كومەكتەسە كورىڭىز، وتىنەمىن!»— دەدى. سوندا يسا كىدىرمەستەن جايىرمەن بىرگە ٴجۇردى. ۇلى ۇستازدى تىڭداۋعا كەلگەن حالىق تا ولارعا ىلەستى. ٴبىراز جەر جۇرگەننەن كەيىن، الدارىنان حابارشى شىعىپ، جايىرعا: «قىزىڭنان ايىرىلىپ قالدىق. ەندى ۇستازدى اۋرەلەمەي-اق قوي»،— دەپ ايتتى.
حابارشىنىڭ نە دەگەنىن يسا دا ەستىدى. جالعىز قىزىنان ايىرىلعان جايىردىڭ قاتتى قايعىرىپ تۇرعانىن ٴتۇسىنىپ، يسا وعان: «قورىقپا، تەك قۇدايعا دەگەن سەنىمىڭ بولسىن. قىزىڭ جاقسى بولادى»،— دەدى. ولار جايىردىڭ ۇيىنە جەتكەندە، وتباسىنىڭ جاقىندارى جىلاپ، كىشكەنتاي دوستارىنان ايىرىلىپ قالعاندارىنا قاتتى قايعىرىپ وتىر ەكەن. ٴبىراق يسا ولارعا: «جىلاماڭدار! قىز ولگەن جوق، ول ۇيىقتاپ جاتىر»،— دەدى.
بۇنى ەستىگەندە، جۇرت ونى مازاقتاپ كۇلە باستادى، ويتكەنى ولار قىزدىڭ ٶلىپ قالعانىن بىلەتىن. سەنىڭشە، يسا نەگە قىز ۇيىقتاپ جاتىر دەپ ايتتى؟ ~ ول ادامدارعا نەنى تۇسىندىرگىسى كەلدى؟ ~ يسا ٶلىمنىڭ قاتتى ۇيقى سياقتى ەكەنىن ادامداردىڭ بىلگەنىن قالادى. سونداي-اق ول ۇيىقتاپ جاتقان ادامدى وياتۋ قالاي وڭاي بولسا، قۇدايدىڭ كۇشىمەن ولگەن ادامدى ٴدال سولاي وپ-وڭاي تىرىلتە الاتىنىن كورسەتكىسى كەلدى.
يسا جايىردىڭ قىزىن تىرىلتكەن وقيعادان ٴبىز نە بىلدىك؟
يسا ٷيدىڭ ىشىندە قىزدىڭ اتا-اناسىن، پەتىردى، جاقىپ پەن جوحاندى عانا قالدىرىپ، قالعاندارىنا سىرتقا شىعۋدى ٶتىندى. سوسىن، قىز جاتقان بولمەگە كىردى. قىزدىڭ قولىنان ۇستاپ: «قىزىم، تۇرا عوي!»— دەدى. مىنە، عاجاپ! قىز سول ساتتە-اق ورنىنان تۇرىپ، جۇرە باستادى. ال ونىڭ اكە-شەشەسىنىڭ قۋانىشتارىندا شەك بولمادى (مارقا 5:21—24، 35—43؛ لۇقا 8:40—42، 49—56).
ەندى ويلاپ كورشى، جاس قىزدى قايتا تىرىلتكەن يسا باسقالاردى دا تىرىلتە الا ما؟ ~ ول مۇنى شىنىمەن ىستەي مە، قالاي ويلايسىڭ؟ ~ ارينە، ىستەيدى. ويتكەنى ونىڭ ٶزى: «قابىردەگىلەردىڭ ٴبارى مەنىڭ داۋسىمدى ەستيتىن ۋاقىت كەلە جاتىر، سوندا ولار قابىردەن شىعادى»،— دەگەن بولاتىن (جوحان 5:28، 29).
سەن قالاي ويلايسىڭ، يسا ولگەندەردى ٴتىرىلتۋدى قالاي ما؟ ~ كەل، كيەلى كىتاپتاعى كەلەسى ٴبىر وقيعانى قاراستىرايىق. سول وقيعادان يسانىڭ سەزىمىن ٴبىلىپ، وسى سۇراقتىڭ جاۋابىن الامىز.
ادامدار ٴبىر ايەلدىڭ بالاسىن جەرلەۋ ٷشىن ناين قالاسىنان شىعىپ كەلە جاتقان ەدى. بۇل ايەل جاقىندا عانا كۇيەۋىنەن ايىرىلعان، ەندى، مىنە، جالعىز ۇلى دا قايتىس بولدى. قانداي قاسىرەت! ادامدار ولگەن جىگىتتىڭ ٴمايىتىن كوتەرىپ كەلە جاتتى. ال ەڭىرەپ كەلە جاتقان اناسىن ەشكىم جۇباتا الار ەمەس.
سول كۇنى يسا شاكىرتتەرىمەن بىرگە ناين قالاسىنا كەلە جاتقان. قالانىڭ كىرە بەرىسىندە ولار جەرلەۋگە بارا جاتقان الگى ادامداردى كەزدەستىردى. ارالارىندا قاتتى جىلاپ كەلە جاتقان ايەلدى كورگەندە، يسانىڭ جانى اشىپ كەتتى. انانىڭ قايعىسى ونىڭ دا جۇرەگىن اۋىرتتى. سوندىقتان يسا ايەلگە كومەكتەسكىسى كەلدى.
يسا ايەل ەستيتىندەي ەتىپ مەيىرىمدى ٵرى سەنىمدى داۋىسپەن: «جىلاماڭىز!»— دەدى. ونىڭ ٴسوزى مەن ٸس-ارەكەتى ٴبارىن ەلەڭ ەتكىزدى. يسا ولگەن جىگىتتىڭ قاسىنا بارعاندا، حالىق «ول نە ىستەمەكشى ەكەن» دەپ قاراپ تۇردى. يسا: «جىگىت، ساعان ايتامىن، تۇرەگەل!»— دەپ بۇيىردى. سوندا ولگەن جىگىت تۇرەگەلىپ وتىردى دا، سويلەي باستادى (لۇقا 7:11—17).
جىگىتتىڭ اناسى قالاي قۋانعانىن ەلەستەتىپ كورشى. قايتىس بولعان جاقىن ادامىڭ قايتا تىرىلسە، سەن نە سەزىنەر ەدىڭ؟ ~ وسى وقيعا يسانىڭ ادامداردى شىنىمەن جاقسى كورەتىنىن جانە ولارعا كومەكتەسۋدى قالايتىنىن دالەلدەيدى ەمەس پە؟ ~ قۇدايدىڭ جاڭا دۇنيەسىندە قايتا تىرىلگەن ادامداردى قارسى الۋ قانداي كەرەمەت بولادى دەسەڭشى! (پەتىردىڭ 2-حاتى 3:13؛ ايان 21:3، 4).
يسا جەسىر ايەلدىڭ جالعىز ۇلىن تىرىلتۋىمەن نەنى كورسەتتى؟
سول كەزدە ٴبىز تانيتىن ادامدار دا قايتا تىرىلەدى. ولاردىڭ اراسىندا بالالار دا بولادى. ٴبىز ولاردى بىردەن تانيمىز، ويتكەنى جايىر دا قايتا تىرىلگەن قىزىن تانىعان. سونداي-اق جۇزدەگەن، ٴتىپتى مىڭداعان جىل بۇرىن قايتىس بولعان ادامدار قايتا تىرىلەدى. سونشا ۋاقىت بۇرىن قايتىس بولسا دا، قۇداي ولاردى ۇمىتپايدى.
ەحوبا قۇدايدىڭ جانە يسانىڭ ٴبىزدى وسىنشاما جاقسى كورەتىنىن ٴبىلۋ كەرەمەت ەمەس پە؟ ~ ولار ٴبىزدىڭ شەكتەۋلى جىلدار ەمەس، ماڭگى ٶمىر سۇرگەنىمىزدى قالايدى!
كيەلى كىتاپتان ولگەندەرگە قاتىستى قۇدايدىڭ كەرەمەت ۋادەسى جايلى وقىپ كورەيىكشى: يشايا 25:8؛ ەلشىلەردىڭ ىستەرى 24:15 جانە قورىنتتىقتارعا 1-حات 15:20—22.
قىزىقتى بولار مالىمەتتەر
يسا پايعامبار — جول، شىندىق، ٶمىر
قىز ومىرگە ورالدى!
يسا قىزدىڭ ولمەگەنىن، ونى ٴجاي ۇيىقتاپ جاتقانىن ايتقاندا، ادامدار وعان كۇلە باستادى. يسا ولار بىلمەيتىن نەنى ٴبىلدى؟
يسا پايعامبار — جول، شىندىق، ٶمىر
يسا جەسىر ايەلدىڭ ۇلىن ٴتىرىلتتى
كەرەمەتتى كورگەندەر ونىڭ ٴمانىن ٴتۇسىندى.
