ايان 17:1—18
17 جەتى توستاعانى بار جەتى پەرىشتەنىڭ ٴبىرى+ قاسىما كەلىپ، بىلاي دەدى: «كەل، مەن ساعان كوپ سۋلار ۇستىندە وتىرعان ۇلى جەزوكشەنىڭ قالاي جازالاناتىنىن+ كورسەتەيىن.
2 جەر بەتىندەگى پاتشالار ونىمەن ازعىندىق جاسادى+، ال جەرجۇزىنىڭ تۇرعىندارى ونىڭ ازعىندىعىنىڭ* شارابىنا ماس بولدى+».
3 سودان پەرىشتە مەنى كيەلى رۋح ارقىلى ٴشول دالاعا اپاردى. سول جەردە تۇلا بويى قۇدايدى قورلايتىن ەسىمدەرگە تولى، جەتى باستى، ون ٴمۇيىزدى ال قىزىل جىرتقىش اڭنىڭ ۇستىندە وتىرعان ايەلدى كوردىم.
4 ول كۇلگىن جانە ال قىزىل ماتادان كيىم كيىپ+، التىن، اسىل تاستار مەن ٸنجۋ-مارجاننان اشەكەي تاعىپتى+. ال قولىندا جەركەنىشتى جانە ازعىندىعىنان* تۋعان ارام نارسەلەرگە تولى التىن توستاعان بار ەكەن.
5 ماڭدايىنا «ۇلى بابىل — جەزوكشەلەردىڭ+ جانە جەر بەتىندەگى جەركەنىشتى نارسەلەردىڭ+ اناسى» دەگەن قۇپيا ەسىم جازىلىپتى.
6 مەن ونىڭ قاسيەتتىلەر مەن يسانىڭ كۋاگەرلەرىنىڭ قانىنا ماس ەكەنىن كوردىم+.
ونى كورگەندە، قاتتى تاڭىرقادىم.
7 سوندا پەرىشتە ماعان بىلاي دەدى: «نەگە تاڭىرقادىڭ؟ مەن ساعان وسى ايەلدىڭ جانە ول وتىرعان جەتى باستى ون ٴمۇيىزدى جىرتقىش اڭنىڭ+ قۇپياسىن+ ايتىپ بەرەيىن:
8 ٶزىڭ كورگەن جىرتقىش اڭ بۇرىن بولعان، قازىر جوق، ٴبىراق تاياۋدا تۇڭعيىقتان+ شىعادى، سوسىن جويىلادى. جەر بەتىنىڭ تۇرعىندارى — دۇنيەنىڭ نەگىزى قالانعاننان* بەرى ەسىمدەرى ٶمىر شيىرشىعىنا+ جازىلماعاندار — جىرتقىش اڭنىڭ بۇرىن بولعانىنا، قازىر جوق ەكەنىنە، ٴبىراق قايتادان پايدا بولاتىنىنا تاڭعالادى.
9 بۇل اقىل-ويدى جانە دانالىقتى قاجەت ەتەدى: جەتى باس+ — توبەسىندە ايەل وتىرعان جەتى تاۋدى بىلدىرەدى.
10 سونداي-اق جەتى پاتشانى بىلدىرەدى. ولاردىڭ بەسەۋى قۇلادى، بىرەۋى بار، تاعى بىرەۋى ٵلى كەلگەن جوق، ال كەلگەندە از ۋاقىت قانا بولۋى ٴتيىس.
11 بۇرىن بولعان، قازىر جوق جىرتقىش اڭ+ سەگىزىنشى پاتشا دا بولىپ تابىلادى، ٴبىراق ول الگى جەتەۋىنەن شىققان، ٵرى سوڭىندا جويىلادى.
12 ال ٶزىڭ كورگەن ون ٴمۇيىز ٵلى پاتشالىق قۇرماعان ون پاتشانى بىلدىرەدى. ولار جىرتقىش اڭمەن بىرگە پاتشالىق بيلىككە يە بولادى، ٴبىراق ٴبىر ساعاتقا عانا.
13 ولاردىڭ وي-ماقساتى ٴبىر، سوندىقتان كۇش-قۋاتى مەن بيلىگىن جىرتقىش اڭعا بەرەدى.
14 ولار توقتىعا+ قارسى شايقاسقا شىعادى، ٴبىراق يەلەردىڭ يەسى، پاتشالاردىڭ پاتشاسى+ بولعاندىقتان توقتى جەڭىپ شىعادى+. شاقىرىلعان، تاڭداپ الىنعان، سونداي-اق ادال بولعاندار دا ونىمەن بىرگە جەڭىپ شىعادى+».
15 پەرىشتە ماعان مىنانى دا ايتتى: «ٶزىڭ كورگەن جەزوكشە وتىرعان سۋلار بولسا حالىقتار مەن قالىڭ جۇرتتى، ۇلتتار مەن تىلدەردى بىلدىرەدى+.
16 ٶزىڭ كورگەن ون ٴمۇيىز+ بەن جىرتقىش اڭ+ جەزوكشەنى+ جەك كورىپ كەتەدى، ونى تالان-تاراج ەتىپ، جالاڭاشتايدى جانە ٴتانىن جالماپ، تۇگەلدەي ورتەپ جىبەرەدى+.
17 سەبەبى قۇداي ولاردىڭ جۇرەكتەرىنە ٶز ويىن سالىپ، جۇزەگە اسىرتادى+، ياعني ٶز سوزدەرى ورىندالعانشا، پاتشالىق بيلىكتەرىن جىرتقىش اڭعا بەرگىزۋ ارقىلى ولارعا ورتاق ويلارىن جۇزەگە اسىرتادى+.
18 ال سەن كورگەن ايەل+ جەر بەتىندەگى پاتشالارعا ۇستەمدىك ەتەتىن ۇلى قالانى بىلدىرەدى».
سىلتەمەلەر
^ گرەكشە «پورنيا». تۇسىندىرمەنى قاراڭىز.
^ گرەكشە «پورنيا». تۇسىندىرمەنى قاراڭىز.
^ بۇل ادام اتا مەن حاۋا انانىڭ بالالارى تۋىلعان كەزگە نۇسقايدى.
