ايان 8:1—13
8 توقتى+ جەتىنشى ٴموردى اشقاندا+، كوكتە جارتى ساعاتتاي تىنىشتىق ورنادى.
2 سوسىن قۇداي الدىندا تۇرعان جەتى پەرىشتەنى كوردىم+، ولارعا جەتى كەرنەي بەرىلدى.
3 بۇدان كەيىن قولىندا حوش ٴيىستى زات تۇتەتەتىن التىن تاباسى بار باسقا ٴبىر پەرىشتە قۇرباندىق ۇستەلىنىڭ+ قاسىنا كەلىپ تۇردى. وعان قاسيەتتىلەردىڭ دۇعالارى ەستىلگەندە تاق الدىنداعى التىن قۇرباندىق ۇستەلىندە+ تۇتەتۋ ٷشىن كوپ حوش ٴيىستى زات+ بەرىلدى.
4 حوش ٴيىستى زاتتاردىڭ ٴتۇتىنى پەرىشتەنىڭ قولىنان قاسيەتتىلەردىڭ دۇعالارىمەن+ بىرگە قۇدايعا كوتەرىلدى.
5 كەيىن پەرىشتە حوش ٴيىستى زات تۇتەتەتىن تاباعا دەرەۋ قۇرباندىق ۇستەلىندەگى وتتان تولتىرىپ سالدى دا، وتتى جەرگە لاقتىرىپ جىبەردى. سوندا كۇن كۇركىرەپ، داۋىستار شىعىپ، نايزاعاي وينادى+ جانە جەر سىلكىنىسى بولدى.
6 سول كەزدە جەتى كەرنەي ۇستاعان جەتى پەرىشتە+ كەرنەيلەتۋگە دايارلاندى.
7 ٴبىرىنشى پەرىشتە كەرنەيلەتكەندە، قان ارالاس بۇرشاق پەن وت پايدا بولىپ، جەرگە جاۋدى+. جەر بەتى مەن اعاشتاردىڭ ۇشتەن ٴبىر بولىگى جانە جاسىل وسىمدىكتىڭ ٴبارى جانىپ كەتتى+.
8 ەكىنشى پەرىشتە كەرنەيلەتكەندە، جالىنداپ جاتقان ٴزاۋلىم تاۋداي ٴبىر نارسە تەڭىزگە+ لاقتىرىلدى. تەڭىزدىڭ ۇشتەن ٴبىرى قانعا اينالىپ+،
9 ونداعى بويىندا جانى بار تىرشىلىك يەلەرىنىڭ ۇشتەن ٴبىرى قىرىلىپ قالدى+، كەمەلەردىڭ دە ۇشتەن ٴبىرى اپاتقا ۇشىرادى.
10 ٷشىنشى پەرىشتە كەرنەيلەتكەندە، كوكتەن شىراق ىسپەتتى جارقىراعان ٴبىر ۇلكەن جۇلدىز اعىپ ٴتۇستى، ول وزەندەردىڭ ۇشتەن ٴبىر بولىگىنە جانە سۋ كوزدەرىنە قۇلادى+.
11 بۇل جۇلدىزدىڭ اتى — جۋسان. سوندا سۋدىڭ ۇشتەن ٴبىر بولىگى جۋسانداي اشتى بولىپ كەتىپ+، ودان ىشكەن كوپ ادام ٶلىپ قالدى.
12 ٴتورتىنشى پەرىشتە كەرنەيلەتكەندە، كۇننىڭ+، ايدىڭ جانە جۇلدىزداردىڭ ۇشتەن ٴبىر بولىگى زاقىمدالدى. بۇل ولاردىڭ ۇشتەن ٴبىر بولىگىن قاراڭعىلىق باسىپ+، كۇننىڭ جانە ٴتۇننىڭ ۇشتەن ٴبىر بولىگى جارىقسىز قالۋ ٷشىن جاسالدى.
13 سوندا مەن اۋەدە ۇشىپ جۇرگەن بۇركىتتى كوردىم جانە ونىڭ قاتتى داۋىستاپ: «قالعان ٷش پەرىشتە تارتقالى جاتقان كەرنەيلەردىڭ+ ۇنىنەن جەر بەتىندەگىلەر قاسىرەتكە، قاسىرەتكە، قاسىرەتكە قالادى+!»— دەگەنىن ەستىدىم.
