تىموتەگە 1-حات 4:1—16
4 الايدا قۇداي رۋحى مىنانى انىق ايتادى: كەيبىرەۋلەر قۇدايدان كەلگەندەي كورىنەتىن الدامشى سوزدەرگە جانە جىنداردىڭ ىلىمدەرىنە دەن قويىپ، سەنىمنەن تايىپ كەتەتىن كەز كەلەدى+.
2 بۇل ار-ۇجداندارى قىزعان تەمىرمەن كۇيدىرىلگەندەي سەزىمسىز بولىپ قالعان ەكىجۇزدى وتىرىكشىلەردىڭ كەسىرىنەن بولادى+.
3 ولار نەكەگە تۇرۋعا تيىم سالادى+، قانداي دا ٴبىر تاعامداردى جەمەۋدى بۇيىرادى+. ال بۇل تاعامداردى قۇداي سەنىمى بار ٵرى شىندىقتى جاقسى بىلەتىن ادامدار ريزاشىلىق ٴبىلدىرىپ جەۋ ٷشىن+ جاراتقان+.
4 سەبەبى قۇدايدىڭ جاراتىلىستارىنىڭ ٴبارى كەرەمەت+. ريزاشىلىقپەن قابىلدانعان ەشقانداي تاعامنان باس تارتپاعان دۇرىس+.
5 ويتكەنى بۇنداي تاعامدار قۇداي سوزىمەن جانە دۇعا ارقىلى قاسيەتتى بولادى.
6 باۋىرلاستارعا وسى كەڭەستى بەرگەندە، سەن ٴماسىح يسانىڭ ىزگى قىزمەتشىسى، ياعني سەنىم تۋرالى سوزدەردەن جانە ٶزىڭ بەرىك ۇستاناتىن كەرەمەت ىلىمنەن ٴنار الاتىن قىزمەتشى بولاسىڭ+.
7 كەكسە ايەلدەردىڭ قاسيەتتىنى قور قىلاتىن اڭىزدارى ىسپەتتى اڭگىمەلەردەن اۋلاق بول+. ونىڭ ورنىنا، قۇدايعا شىن بەرىلگەندىك دامىتۋدى ماقسات ەتىپ، جاتتىعا بەر.
8 دەنەنى جاتتىقتىرۋدىڭ پايداسى از، ال شىن بەرىلگەندىك بارلىق جاعىنان پايدالى، ويتكەنى ول قازىرگى جانە بولاشاق ومىرگە دەگەن ۋادەمەن بايلانىستى+.
9 بۇل سوزدەر سەنىمدى، ٵرى ونى تولىق قابىلداۋ قاجەت.
10 سوندىقتان دا ٴبىز جان سالا ەڭبەك ەتىپ، كۇش سالىپ ٴجۇرمىز+، سەبەبى ٴتىرى قۇدايعا ٷمىت ارتامىز. ول — ٵرتۇرلى ادامداردىڭ+، اسىرەسە ادال ادامداردىڭ قۇتقارۋشىسى+.
11 وسىلاردى ۇستانۋدى بۇيىر، ٵرى ولاردى ۇيرەتە بەر.
12 ەشكىمنىڭ ٶزىڭدى جاسسىنىپ، مەنسىنبەي جۇرۋىنە جول بەرمە. قايتا، ادال بولىپ جۇرگەندەرگە سوزىڭمەن، ٴجۇرىس-تۇرىسىڭمەن، سۇيىسپەنشىلىگىڭمەن، سەنىمىڭمەن جانە پاك تازالىعىڭمەن ۇلگى كورسەت.
13 مەن بارعانشا، وزگەلەردىڭ الدىندا وقۋدى+، ولارعا ناسيحات ايتۋدى*، ٴتالىم بەرۋدى بار ىقىلاسىڭمەن جالعاستىرا بەر.
14 اقساقالدار كەڭەسى ۇستىڭە قولدارىن قويىپ، ٶزىڭ تۋرالى پايعامبارلىق ەتكەندە العان سيىڭدى ەلەمەي جۇرمە+.
15 وسىلار تۋرالى وي جۇگىرت، ٶزىڭدى سولارعا ارنا، وسىلايشا جەتىستىكتەرىڭ جۇرتتىڭ بارىنە انىق كورىنەتىن بولسىن.
16 وزىڭە جانە بەرىپ جاتقان تالىمىڭە ٵردايىم دەن قوي+. ۇدايى وسىلاردى ىستەي بەر، سوندا ٶزىڭدى دە، تىڭداۋشىلارىڭدى دا قۇتقاراسىڭ+.
سىلتەمەلەر
^ نەمەسە «جىگەرلەندىرۋدى».
