تىموتەگە 1-حات 5:1—25
5 ەسكەرتۋ جاساعاندا، جاسى ۇلكەن كىسىگە قاتتى سويلەمە+، قايتا، ٶز اكەڭدەي كور، جاس جىگىتتەردى ىنىڭدەي،
2 جاسى ۇلكەن ايەلدەردى اناڭداي كور، ال قىز-كەلىنشەكتەرگە قارىنداسىڭداي پاك تازالىقپەن قارا.
3 شىنىمەن مۇقتاجدىق كورىپ جۇرگەن جەسىرلەرگە قامقورلىق كورسەت+.
4 ەگەر جەسىر ايەلدىڭ بالالارى نە نەمەرەلەرى بولسا، بۇلار الدىمەن ٶز ٷي ىشىندە قۇدايعا شىن بەرىلگەندىك تانىتۋدى+ جانە اكە-شەشەسى مەن اتا-اجەسىنىڭ الدىنداعى بورىشىن وتەۋدى ۇيرەنسىن+، ويتكەنى بۇل قۇدايعا ۇنامدى+.
5 شىنىمەن مۇقتاجدىق كورىپ جۇرگەن، ەشكىمى جوق جەسىر ايەل بار ٷمىتىن قۇدايعا ارتىپ+، وعان كۇنى-ٴتۇنى جالبارىنىپ، دۇعا ەتۋمەن بولادى+.
6 ال ٴلاززات-ەرمەككە بەرىلىپ ٶمىر سۇرەتىن جەسىر ايەل ٴتىرى جۇرگەنمەن، ٶلى.
7 سوندىقتان ولار كىناراتسىز بولۋلارى ٷشىن، وسى نۇسقاۋلاردى ۇنەمى ايتىپ تۇر.
8 تۋىستارىنىڭ، اسىرەسە ٷي ٸشىنىڭ، قامىن ويلامايتىن ادام سەنىمنەن باس تارتقان، ول قۇدايعا سەنبەيتىن ادامنان دا جامان+.
9 جاسى الپىستان اسقان، كۇيەۋىنە ادال بولعان* جەسىر ايەلدى تىزىمگە تىركەۋگە بولادى.
10 ونىڭ بالالارى جاقسى تاربيەلەنگەن+، ال ٶزى قوناقجايلىلىق تانىتۋ+، قاسيەتتىلەردىڭ اياقتارىن جۋۋ+، قينالعاندارعا كومەكتەسۋ+، ٶزىن يگى ىستەرگە ارناۋ سياقتى جاقسى ىستەرىمەن تانىمال بولۋ كەرەك+.
11 ال جاستاي جەسىر قالعان ايەلدەردى بۇل تىزىمگە تىركەمە. ويتكەنى جىنىستىق قۇشتارلىقتارى ماسىحكە دەگەن قىزمەتتەرىنە كەدەرگى بولسا، ولار تۇرمىس قۇرعىلارى كەلەدى.
12 ٴسۇيتىپ، العاشقى ۋادەلەرىنەن اينىپ، وزدەرىن ايىپتالۋعا دۋشار ەتەدى.
13 سونىمەن قاتار ۋاقىتتى بوس وتكىزىپ، ٷي-ٷيدى ارالاۋدى ادەتكە اينالدىرادى. بوس جۇرگەندەرىمەن قويماي، وسەك تاسىپ، وزگەنىڭ ىسىنە ارالاسىپ+، ايتپاۋ كەرەك نارسەلەردى ايتادى.
14 سوندىقتان قارسىلاستارىمىز ٴمىن تاقپاۋى ٷشىن، جاس جەسىرلەردىڭ كۇيەۋگە شىعىپ+، بالالى بولىپ+، ٷي شارۋاسىمەن اينالىسقانىن قالايمىن.
15 كەيبىرەۋلەرى تۋرا جولدان تايىپ، شايتاننىڭ جەتەگىنە ەرىپ تە كەتتى.
16 ەگەر سەنۋشى ايەلدىڭ جەسىر قالعان تۋىستارى بولسا، قاۋىمعا اۋىرتپالىق سالماي، ولارعا ٶزى كومەكتەسسىن. سوندا قاۋىم شىنىمەن مۇقتاجدىق كورىپ جۇرگەن جەسىرلەرگە كومەكتەسە الادى+.
17 جاقسى باسشىلىق ەتەتىن اقساقالدار+، اسىرەسە قۇداي ٴسوزىن ايتىپ، ٴتالىم بەرۋدە ايانباي ەڭبەك ەتەتىندەر+، ەكى ەسە قۇرمەتكە لايىق+.
18 سەبەبى جازبالاردا «استىق باستىرىپ جۇرگەن بۇقاعا تۇمىلدىرىق كيگىزبە!»+ جانە «جۇمىسشى ٶز اقىسىن الۋعا لايىق»+ دەلىنگەن عوي.
19 ەگەر ەكى نە ٷش كۋاگەر بولماسا، اقساقالعا قارسى ايتىلعان ايىپقا قۇلاق اسپا+.
20 قالعاندارىنا ەسكەرتۋ بولۋ ٷشىن، كۇنا جاساي بەرەتىندەردى وزگەلەردىڭ الدىندا+ تۇزەت+.
21 قۇدايدىڭ، ٴماسىح يسانىڭ جانە تاڭداۋلى پەرىشتەلەردىڭ الدىندا مىنانى مىقتاپ ەسكەرتەمىن: وسى نۇسقاۋلاردى بىرجاقتى بولماي، الالاماي ورىندا+.
22 بىرەۋدىڭ ۇستىنە قول قويىپ تاعايىنداۋدا اسىعىستىق جاساما+، وزگەلەردىڭ كۇناسىنا ورتاقتاسىپ جۇرمە، ٴجۇرىس-تۇرىسىڭ پاك تازا بولسىن.
23 اسقازانىڭ ٷشىن جانە ٴجيى اۋىراتىندىقتان بۇدان بىلاي تەك سۋ ىشپەي، ازداپ شاراپ تا ٸش.
24 كەيبىرەۋلەردىڭ كۇنالارى بارىنە بەلگىلى بولىپ، بىردەن ايىپتالادى. ال وزگە بىرەۋلەردىكى كەيىنىرەك ايقىن بولادى+.
25 سول سياقتى، يگى ىستەر دە بارىنە بەلگىلى بولادى+، بەلگىلى بولماعاندارى دا جاسىرىن قالا المايدى+.
سىلتەمەلەر
^ سوزبە-ٴسوز «ٴبىر عانا كۇيەۋى بولعان».
