تىموتەگە 1-حات 6:1—21
6 جۇرت قۇدايدىڭ ەسىمى مەن ىلىمىنە ٴتىل تيگىزبەۋ ٷشىن+، قۇلدىقتىڭ مويىنتۇرىعىن كيىپ جۇرگەندەر ٶز قوجايىندارىن زور قۇرمەتكە لايىق دەپ ەسەپتەسىن+.
2 ال قوجايىندارى سەنۋشى بولسا، باۋىرلاسىم عوي دەپ قۇرمەت كورسەتپەي جۇرمەسىن. كەرىسىنشە، ولارعا بارىنشا جاقسى قىزمەت ەتۋ كەرەك. سەبەبى وسىنداي قىزمەتتەرىنىڭ پايداسىن كورەتىندەر سۇيىكتى باۋىرلاستارى عوي.
وسىلاردى ۇيرەتىپ، اقىل-كەڭەس بەرە بەر.
3 ال الدەكىم جالعان ٸلىم تاراتاتىن بولسا جانە يەمىز يسا ٴماسىحتىڭ دۇرىس نۇسقاۋىمەن+ نە قۇدايعا شىن بەرىلگەندىككە ساي ىلىممەن+ كەلىسپەسە،
4 ول كەۋدە كوتەرگەن ٵرى ەش نارسەنى ۇقپايدى+. ونىڭ بار ەسىل-دەرتى — داۋلاسۋ، سوزدەر تۋرالى ايتىسىپ-تارتىسۋ+. ال بۇل قىزعانىش، داۋ-جانجال تۋدىرادى، قورلىق سوزدەر ايتقىزادى، ارام كۇدىككە
5 جانە وي-ساناسى بۇلىنگەن، شىندىقتان الىس ادامداردىڭ بولماشى نارسەلەر ٷشىن ۇزدىكسىز تارتىسىنا اكەلەدى+. ولار قۇدايعا شىن بەرىلگەندىكتى پايدانىڭ كوزى دەپ بىلەدى+.
6 راس، قۇدايعا شىن بەرىلگەندىك پەن قولدا بارعا قاناعات ەتۋ — زور پايدانىڭ كوزى+.
7 ٴبىز بۇل دۇنيەگە ەشتەڭە اكەلگەن جوقپىز، ەشتەڭە الىپ تا كەتە المايمىز+.
8 ەندەشە ىشەر اس، كيەر كيىم جانە باسپانا بولسا، سونى قاناعات ەتەيىك+.
9 ال بايۋعا بەل بۋعاندار ازعىرىلادى، تۇزاققا تۇسەدى+، ٵرى قۇرىپ جويىلۋعا اكەلەتىن كوپتەگەن اقىماق تا زياندى قۇمارلىقتارعا بەرىلەدى+.
10 سەبەبى اقشاقۇمارلىق — بار جاماندىقتىڭ ٴتۇپتامىرى. كەيبىرەۋلەر سوعان بەرىلىپ، سەنىم جولىنان اداستى، ٵرى كوپتەگەن قايعى-قاسىرەتكە ۇشىرادى+.
11 سەن بولساڭ، قۇداي ادامى، بۇلاردان اۋلاق بول. قايتا، ادىلدىك، شىن بەرىلگەندىك، سەنىم، سۇيىسپەنشىلىك پەن تاباندىلىققا جانە جۇمساق بولۋعا ۇمتىل+.
12 سەنىمىڭ ٷشىن ىزگى كۇرەس جۇرگىز، ماڭگىلىك ٶمىردى بەرىك ۇستان. ويتكەنى قۇداي سەنى سول ٶمىردى يەلەنۋگە شاقىردى، ٵرى سەن سول ٶمىردى كوپتەگەن كۋاگەرلەردىڭ الدىندا اشىق جاريالادىڭ.
13 بارلىعىنىڭ ٶمىرىن ساقتاپ وتىرعان قۇدايدىڭ جانە پونتي پيلاتقا باتىلدىقپەن كەرەمەت كۋالىك بەرگەن ٴماسىح يسانىڭ+ الدىندا ساعان مىنانى تاپسىرامىن:
14 يەمىز يسا ٴماسىح اشىق كورىنگەنشە، بەرگەن وسيەتىمدى ەش كىنا تاعىلمايتىنداي ٵرى مۇلتىكسىز ورىندا+.
15 باقىتتى دا جالعىز بيلەۋشى بەلگىلەنگەن ۋاقىتتا ٶزىن اشىق كورسەتەدى. ول — پاتشالاردىڭ پاتشاسى، يەلەردىڭ يەسى+.
16 ولمەستىككە سول عانا يە+، ول جاقىنداۋ مۇمكىن ەمەس جارىقتا مەكەندەيدى+. ونى ادام بالاسى كورمەگەن جانە كورە المايدى+. قادىر-قۇرمەت پەن ماڭگىلىك قۇدىرەت سوعان تيەسىلى. اۋمين.
17 وسى زاماننىڭ* بايلارىنا مىنانى ەسكەرت: مەنمەن بولماسىن، ۇمىتتەرىن تۇراقسىز بايلىققا ەمەس+، ٴبىز راقاتىن كورۋ ٷشىن ٴبارىن مولىنان قامتاماسىز ەتەتىن قۇدايعا ارتسىن+.
18 ولار جاقسىلىق جاساي بەرسىن، يگى ىستەرگە باي ٵرى جومارت بولىپ، بارىمەن بولىسۋگە دايار بولسىن+.
19 وسىلاي شىنايى ٶمىردى بەرىك ۇستانۋ ٷشىن+، وزدەرىنە كەلەشەككە جاقسى نەگىز بولاتىن، ەش قۇرىمايتىن قازىنا جيناسىن+.
20 تىموتە، بالام، وزىڭە سەنىپ تاپسىرىلعاندى امان ساقتا+ جانە قاسيەتتىنى قور قىلاتىن بوس اڭگىمەلەردەن، قاراما-قايشىلىققا تولى جالعان بىلىمنەن اۋلاق بول+.
21 كەيبىرەۋلەر وسىنداي بىلىمدەرىنە ماقتانامىن دەپ، سەنىمنەن تايىپ كەتتى.
قۇداي سەندەرگە راقىمىن جاۋدىرسىن!
سىلتەمەلەر
^ تۇسىندىرمەنى قاراڭىز.
