جاقىپ 3:1—18
3 باۋىرلاستارىم، بىزگە قاتاڭىراق تورەلىك ايتىلاتىنىن بىلەسىڭدەر، سوندىقتان ٴبارىڭ بىردەي ۇستاز بولماڭدار+.
2 ٴبارىمىز دە كوپ سۇرىنەمىز+. كىمدە-كىم سوزدەن سۇرىنبەسە، ول — بۇكىل دەنەسىن اۋىزدىقتاي الاتىن كەمەلدى ادام.
3 ٶز ىرقىمىزعا كوندىرۋ ٷشىن جىلقىعا اۋىزدىق سالساق، بۇكىل دەنەسىن باسقارامىز.
4 كەمە دە سولاي: قانشاما ۇلكەن بولىپ، كۇشتى جەلدىڭ ايداۋىمەن جۇرسە دە، كىشكەنتاي مەڭگەرىكپەن باسقارىلىپ، ونى ۇستاپ تۇرعان كىسىنىڭ قالاعان جاعىنا جۇزەدى.
5 سول ىسپەتتى، ٴتىل دە دەنەنىڭ كىشكەنتاي عانا مۇشەسى بولا تۇرا، تىم كوپ ماقتانادى. قالىڭ ورماندى ورتەۋ ٷشىن كىشكەنە وتتىڭ ٶزى دە جەتەدى!
6 ٴتىل دە — وت+. ول — دەنەنىڭ ادىلەتسىزدىككە تولى مۇشەسى. ويتكەنى ول بۇكىل دەنەنى بىلعايدى+، ٶزى جاھاننامنان* تۇتانىپ، ادامنىڭ ٶمىر جولىن ورتكە ورايدى.
7 ادام جابايى اڭداردىڭ، قۇستاردىڭ، باۋىرىمەن جورعالاۋشىلار مەن تەڭىز جانۋارلارىنىڭ قاي-قايسىسىن دا باعىندىرا الادى، باعىندىرىپ تا ٴجۇر.
8 ٴبىراق ەشبىر ادام ٶز ٴتىلىن باعىندىرا المايدى. ٴتىل باعىندىرۋعا كەلمەيدى، ٵرى جاماندىق پەن كىسى ولتىرەتىن ۋعا تولى+.
9 ٴبىز تىلىمىزبەن ەحوبا اكەنى ماداقتايمىز، سويتە تۇرا سول تىلىمىزبەن «قۇدايعا ۇقساس ەتىپ» جاراتىلعان ادامداردى+ قارعايمىز.
10 وسىلاي ماداق تا، قارعىس تا ٴبىر اۋىزدان شىعادى.
بۇل دۇرىس ەمەس، باۋىرلاستارىم، بۇلاي جالعاسا بەرمەۋ كەرەك+.
11 ٴبىر بۇلاقتان تۇشى دا، اشتى دا سۋ شىعۋشى ما ەدى؟
12 باۋىرلاستارىم، ٸنجىر اعاشى ٴزايتۇن جەمىسىن ياكي ٴجۇزىم بۇتاسى ٸنجىر جەمىسىن بەرە الۋشى ما ەدى+؟ سول سەكىلدى، اشتى سۋ شىعاتىن بۇلاقتان تۇشى سۋ شىقپايدى.
13 ارالارىڭداعى قايسىسىڭ دانا ٵرى سانالىسىڭ؟ ول مۇنىسىن جاقسى ٴجۇرىس-تۇرىسىمەن جانە دانالىققا ٴتان جۇمساقتىقپەن اتقارعان ىستەرىمەن كورسەتسىن.
14 ال ەگەر جۇرەكتەرىڭ ۋداي قىزعانىشقا تولى+، جانجالقۇمار بولساڭدار*+، ماقتانباڭدار+. بۇلاي ەتسەڭدەر، شىندىقتى بۇرمالايسىڭدار.
15 بۇل — كوكتەن كەلگەن دانالىق ەمەس، وسى دۇنيەگە+، ٴتاننىڭ جەتەگىندە جۇرەتىندەرگە، جىندارعا ٴتان دانالىق.
16 ويتكەنى قىزعانىش پەن جانجالقۇمارلىق* بار جەردە تارتىپسىزدىك پەن جاماندىق اتاۋلىنىڭ ٴبارى دە بولادى+.
17 ال كوكتەن كەلگەن دانالىق ەڭ الدىمەن تازا+، سوسىن تاتۋ+، يلىككىش+، مويىنسۇنۋعا دايىن، مەيىرىم مەن يگى ىستەرگە باي+ ٵرى ەشكىمدى الالامايدى+، ەكىجۇزدى دە ەمەس+.
18 ونىڭ ۇستىنە، ادىلدىكتىڭ جەمىسىن اكەلەتىن تۇقىم تاتۋلاستىرۋشىلار+ ٷشىن تاتۋلىق ورناعان جەردە سەبىلەدى*+.
سىلتەمەلەر
^ تۇسىندىرمەنى قاراڭىز.
^ مۇمكىن: «تەك قارا باستارىڭنىڭ ابىرويىن ويلايتىن بولساڭدار».
^ مۇمكىن: «تەك قارا باستىڭ ابىرويىن ويلاۋ».
^ مۇمكىن: «ادىلدىكتىڭ جەمىسىن اكەلەتىن تۇقىمدى تاتۋلاستىرۋشىلار تاتۋلىق ورناعان جەردە سەبەدى».
