جوحاننىڭ 1-حاتى 2:1—29
2 سۇيىكتى بالالارىم، مۇنى كۇنا جاساماۋلارىڭ ٷشىن جازىپ وتىرمىن. ەگەر بىرەۋ كۇنا جاساپ قويسا، اكەنىڭ قاسىندا ٵدىل كومەكشىمىز* يسا ٴماسىح بار+.
2 ول — ٴبىزدى قۇدايمەن تاتۋلاستىراتىن قۇرباندىق*+. بۇل قۇرباندىق ٴبىزدىڭ عانا ەمەس، بۇكىل دۇنيەنىڭ كۇنالارىن+ وتەۋ ٷشىن بەرىلدى+.
3 ونى جاقىننان تانيتىنىمىزدى وسيەتتەرىن ورىنداپ جۇرگەنىمىزدەن بىلەمىز.
4 ونى تانيمىن دەي تۇرا، وسيەتتەرىن ورىندامايتىن ادام — وتىرىكشى ٵرى وندا شىندىق جوق.
5 ال ونىڭ ٴسوزىن ورىندايتىن ادامنىڭ قۇدايعا دەگەن سۇيىسپەنشىلىگى، شىنىمەن دە، كەمەلىنە جەتكەن+. وسى ارقىلى ونىمەن بىرلىكتە ەكەنىمىزدى بىلەمىز+.
6 ونىمەن بىرلىكتەمىن دەيتىن كىسى يسا قالاي ٶمىر سۇرسە، سولاي ٶمىر ٴسۇرۋى ٴتيىس+.
7 سۇيىكتى باۋىرلاستار، سەندەرگە جازىپ وتىرعانىم — جاڭا وسيەت ەمەس، وزدەرىڭدە باستاپقىدان بار كونە وسيەت+. بۇل كونە وسيەت — كەزىندە وزدەرىڭ ەستىگەن ٴسوز.
8 دەگەنمەن مۇنى سەندەرگە جاڭا وسيەت — يسا ۇستانعان، سەندەر دە ۇستاناتىن وسيەت — رەتىندە جازىپ وتىرمىن، ويتكەنى تۇنەك سەيىلىپ بارادى، ال شىنايى نۇر جارىعىن شاشۋدى باستاپ تا قويدى+.
9 كىم نۇردا ٴجۇرمىن دەي تۇرا، باۋىرلاسىن جەك كورسە+، ول ٵلى دە تۇنەكتە ٴجۇر+.
10 كىم باۋىرلاسىن جاقسى كورسە، ول نۇردا ٴجۇر+، سوندىقتان ەش سۇرىنبەيدى.
11 ال ٶز باۋىرلاسىن جەك كورەتىن كىسى تۇنەكتە. ول تۇنەكتە ٴجۇر+، ٵرى ٶزىنىڭ قايدا بارا جاتقانىن بىلمەيدى+، ويتكەنى تۇنەك ونىڭ كوزىن سوقىر ەتكەن.
12 سۇيىكتى بالالارىم، سەندەرگە جازىپ وتىرمىن، ويتكەنى كۇنالارىڭ ونىڭ ەسىمى ٷشىن كەشىرىلدى+.
13 اكەلەر، سەندەرگە جازىپ وتىرمىن، ويتكەنى اۋەل باستان بار بولعاندى تانىپ-بىلدىڭدەر. جاس جىگىتتەر، سەندەرگە جازىپ وتىرمىن، ويتكەنى سەندەر زۇلىمدى* جەڭىپ شىقتىڭدار+. سۇيىكتى بالالار، سەندەرگە جازدىم، ويتكەنى اكەنى تانىپ-بىلدىڭدەر+.
14 اكەلەر، سەندەرگە جازدىم، ويتكەنى اۋەل باستان بار بولعاندى تانىپ-بىلدىڭدەر. جاس جىگىتتەر، سەندەرگە جازدىم، ويتكەنى سەندەر كۇشتىسىڭدەر+ ٵرى قۇداي ٴسوزى جۇرەكتەرىڭنەن ورىن العان+، سونداي-اق سەندەر زۇلىمدى جەڭىپ شىقتىڭدار+.
15 وسى دۇنيەنى دە، ونداعى ەش نارسەنى دە سۇيمەڭدەر+. كىمدە-كىم وسى دۇنيەنى سۇيسە، ونىڭ اكەگە دەگەن سۇيىسپەنشىلىگى جوق+.
16 سەبەبى وسى دۇنيەدەگىنىڭ ٴبارى — ٴتان قۇمارلىعى+، كوزدىڭ قالاۋى+ جانە دۇنيە-مۇلىككە ماقتانۋ — اكەدەن ەمەس، وسى دۇنيەدەن باستاۋ العان.
17 وسى دۇنيە مەن ونىڭ قالاۋى وتەدى دە كەتەدى+، ال قۇدايدىڭ ەركىن ورىنداۋشى ماڭگى ٶمىر سۇرەدى+.
18 سۇيىكتى بالالارىم، بۇل — سوڭعى ۋاقىت. سەندەر ماسىحكە قارسى شىعۋشىنىڭ كەلە جاتقانىن ەستىدىڭدەر+، قازىردىڭ وزىندە ماسىحكە قارسى شىعۋشىلار كوپتەپ پايدا بولدى+. بۇنىڭ سوڭعى ۋاقىت ەكەنىن وسىدان بىلەمىز.
19 ولار ٴبىزدىڭ ارامىزدان شىقتى، ٴبىراق بىزدىكى ەمەس ەدى+. ەگەر بىزدىكى بولسا، بىزبەن بىرگە قالار ەدى. ٴبىراق بىزدىكى ەمەس ەكەندىگى كورىنۋ ٷشىن، ولار ارامىزدان كەتتى+.
20 سەندەردى كيەلى قۇداي رۋحپەن مايلادى+، ٵرى بارىڭدە دە ٴبىلىم بار.
21 مەن سەندەرگە شىندىقتى بىلمەگەندىكتەرىڭنەن ەمەس+، قايتا، ونى بىلگەندىكتەرىڭنەن جازىپ وتىرمىن، ويتكەنى شىندىقتان ەشقانداي وتىرىك تۋمايدى+.
22 يسانىڭ ٴماسىح ەكەنىن مويىندامايتىن ادام وتىرىكشى ەمەي كىم+؟ ول — ماسىحكە قارسى شىعۋشى+. ويتكەنى اكەنى دە، ۇلدى دا مويىندامايدى.
23 كىم ۇلدى مويىنداماسا، اكەنىڭ ىقىلاسىنا يە بولمايدى+. ال كىم ۇلدى مويىنداسا+، اكەنىڭ ىقىلاسىنا يە بولادى+.
24 سەندەر بولساڭدار باستاپقىدا ەستىگەندەرىڭدى جۇرەكتەرىڭدە ساقتاڭدار+. ەگەر باستاپقىدا ەستىگەندەرىڭدى جۇرەكتەرىڭدە ساقتاساڭدار، ۇلمەن دە بىرلىكتە، اكەمەن دە بىرلىكتە قالا بەرەسىڭدەر.
25 بۇعان قوسا، ونىڭ بىزگە ۋادە ەتكەنى — ماڭگىلىك ٶمىر+.
26 مەن سەندەرگە وزدەرىڭدى اداستىرماقشى بولىپ جۇرگەندەر جايلى جازدىم.
27 ال سەندەرگە كەلسەك، ول سەندەردى ٶزىنىڭ رۋحىمەن مايلادى+، ٵرى وسى رۋح ٵردايىم سەندەردە. سوندىقتان بىرەۋدىڭ ۇيرەتكەنىنە مۇقتاج ەمەسسىڭدەر. رۋحپەن مايلانعاندارىڭ وتىرىك ەمەس، شىن، ٵرى ول سەندەردى بارىنە ۇيرەتۋدە+. سول سەبەپتى رۋح ۇيرەتكەندەي، ونىمەن بىرلىكتە قالا بەرىڭدەر+.
28 سونىمەن، سۇيىكتى بالالارىم، ول اشىق كورىنگەندە، سەنىمدىلىكپەن سويلەي الۋىمىز ٷشىن+ جانە ول وسىندا بولعاندا ماسقارالىقپەن ودان الاستاتىلماۋىمىز ٷشىن ونىمەن بىرلىكتە قالا بەرىڭدەر.
29 ونىڭ ٵدىل ەكەنىن بىلسەڭدەر، ٵدىل ارەكەت ەتەتىندەردىڭ بارلىعى قۇدايدان تۋىلعانىن بىلەسىڭدەر+.
