جوحاننىڭ 1-حاتى 3:1—24
3 قاراڭدار، قۇدايدىڭ بالالارى دەپ اتالۋىمىز ٷشىن+ اكەمىز بىزگە زور سۇيىسپەنشىلىك كورسەتتى+. ٴبىز، راسىندا دا، ونىڭ بالالارىمىز. سوندىقتان دا وسى دۇنيە ٴبىزدى بىلمەيدى+، ويتكەنى ولار قۇدايدى تانىپ-بىلگەن جوق+.
2 سۇيىكتى باۋىرلاستار، قازىر ٴبىز قۇدايدىڭ بالالارىمىز+، ٴبىراق قانداي بولاتىنىمىز ٵلى بەلگىسىز+. ول اشىق كورىنگەندە، وعان ۇقساس بولاتىنىمىزدى بىلەمىز، سەبەبى ونىڭ قانداي ەكەنىن كورەمىز.
3 وعان وسىنداي ٷمىت ارتقان اركىم ول سياقتى تازا بولۋ ٷشىن، ٶزىن تازارتادى+.
4 ادامنىڭ كۇنا جاساي بەرگەنى — زاڭسىزدىق جاساي بەرگەنى، سوندىقتان كۇنا — زاڭسىزدىق.
5 سونداي-اق سەندەر يسانىڭ كۇنالارىمىزدان ارىلتۋعا كەلگەنىن دە بىلەسىڭدەر+، ال ونىڭ بويىندا ەش كۇنا جوق.
6 ونىمەن بىرلىكتە بولاتىن اركىم كۇنا جاساي بەرۋىن قويادى+. ال كۇنا جاساي بەرەتىن ادام ونى كورگەن دە، تانىپ-بىلگەن دە ەمەس.
7 سۇيىكتى بالالارىم، ەشكىم سەندەردى اداستىرىپ جۇرمەسىن! ٵدىل ارەكەت ەتەتىن ادام دا، يسانىڭ ٵدىل بولعانى سياقتى، ٵدىل.
8 كىم كۇنا جاساي بەرسە، سول كىسى ىبىلىستەن، سەبەبى ٸبىلىس و باستان كۇنا جاساپ كەلەدى+. ال قۇدايدىڭ ۇلى بولسا ٸبىلىستىڭ ىستەرىن تالقانداۋ ٷشىن كەلدى+.
9 قۇدايدان تۋعان كىسى كۇنا جاساي بەرمەيدى+، ويتكەنى ونىڭ بويىندا قۇدايدىڭ رۋحى* قالا بەرەدى: ول قۇدايدان تۋعاندىقتان+ كۇنا جاساۋىن جالعاستىرا المايدى.
10 قۇدايدىڭ بالالارى مەن ٸبىلىستىڭ بالالارىن مىنادان بىلۋگە بولادى: ٵدىل ارەكەت ەتپەيتىن كىسى دە، باۋىرلاسىن سۇيمەيتىن كىسى دە قۇدايدان ەمەس+.
11 سەبەبى سەندەر باستاپقىدا ەستىگەن حابار مىناۋ: ٴبىز ٴبىر-ٴبىرىمىزدى سۇيۋگە ٴتيىسپىز+.
12 ٸنىسىن جاۋىزدىقپەن ولتىرگەن زۇلىمنىڭ* ادامى قابىل سياقتى بولماۋىمىز كەرەك+. ول ٸنىسىن نە ٷشىن ٶلتىردى؟ ويتكەنى ونىڭ ىستەرى زۇلىم+، ال ىنىسىنىكى ٵدىل ەدى+.
13 باۋىرلاستار، وسى دۇنيەنىڭ وزدەرىڭدى جەك كورەتىنىنە تاڭعالماڭدار+.
14 ٴبىز ولىمنەن ومىرگە وتكەنىمىزدى بىلەمىز+، ويتكەنى باۋىرلاستاردى سۇيەمىز+. ال باۋىرلاسىن سۇيمەيتىن ادام ٶلى كۇيىندە قالا بەرەدى+.
15 باۋىرلاسىن جەك كورەتىن اركىم — كىسى ٶلتىرۋشى+. ال كىسى ولتىرۋشىدە ماڭگىلىك ٶمىر جوق ەكەنىن بىلەسىڭدەر+.
16 ونىڭ ٴبىز ٷشىن ٶز جانىن بەرگەنىنىڭ ارقاسىندا ٴبىز سۇيىسپەنشىلىكتىڭ نە ەكەنىن بىلدىك+، سوندىقتان ٴبىز دە باۋىرلاستارىمىز ٷشىن جانىمىزدى قيۋعا مىندەتتىمىز+.
17 ال دۇنيە-مۇلكى بار بىرەۋ باۋىرلاسىنىڭ مۇقتاجدىق كورىپ جۇرگەنىن بىلە تۇرا، وعان جاناشىرلىق تانىتۋدان باس تارتسا، قالايشا ونىڭ بويىندا قۇدايعا دەگەن سۇيىسپەنشىلىك بار دەۋگە بولادى+؟
18 سۇيىكتى بالالارىم، ٴبىر-ٴبىرىمىزدى ٴسوز جۇزىندە نە اۋىزبەن عانا ەمەس+، ٸس جۇزىندە+ ٵرى شىن جۇرەكتەن سۇيەيىك+.
19 وسىلاي شىندىق جولىندا ەكەنىمىزدى بىلەمىز جانە جۇرەگىمىزدى قۇدايدىڭ ٴبىزدى سۇيەتىنىنە سەندىرەمىز.
20 سەبەبى جۇرەگىمىز ٴبىزدى قالاي ايىپتاماسىن، قۇداي جۇرەگىمىزدەن جوعارى ٵرى ول ٴبارىن بىلەدى+.
21 سۇيىكتى باۋىرلاستار، جۇرەگىمىز ٴبىزدى ايىپتاماسا، قۇدايمەن ەركىن سويلەسە الامىز+.
22 سونداي-اق ودان نە سۇراساق تا، الامىز+، ويتكەنى ٴبىز ونىڭ وسيەتتەرىن ورىنداپ، كوز الدىندا وعان ۇنايتىندى ىستەپ ٴجۇرمىز.
23 ونىڭ وسيەتى مىناۋ: ونىڭ ۇلى يسا ٴماسىحتىڭ ەسىمىنە سەنۋىمىز+ جانە ول وسيەت ەتكەندەي، ٴبىر-ٴبىرىمىزدى ٴسۇيۋىمىز كەرەك+.
24 بۇعان قوسا، ونىڭ وسيەتتەرىن ورىنداعان كىسى ونىمەن، ال ول سول كىسىمەن بىرلىكتە بولادى+. ونىڭ بىزبەن بىرلىكتە ەكەنىن بىزگە بەرگەن كيەلى رۋحى ارقىلى بىلەمىز+.
