جوحان 18:1—40
-
ياھۋدانىڭ يساعا وپاسىزدىق جاساۋى (1—9)
-
پەتىردىڭ سەمسەردى قولدانۋى (10، 11)
-
يسانىڭ انناسقا اپارىلۋى (12—14)
-
پەتىردىڭ يسادان ٴبىرىنشى رەت تانۋى (15—18)
-
يسا انناستىڭ الدىندا (19—24)
-
پەتىردىڭ يسادان ەكىنشى جانە ٷشىنشى رەت تانۋى (25—27)
-
يسانىڭ پيلاتتىڭ الدىندا تۇرۋى (28—40)
-
«مەنىڭ پاتشالىعىم وسى دۇنيەلىك ەمەس» (36)
-
18 وسىنى ايتقان سوڭ، يسا شاكىرتتەرىمەن سول جەردەن شىعىپ، قيدرون اڭعارىنىڭ*+ ارعى بەتىندەگى باققا باردى+.
2 ول جەردى وعان وپاسىزدىق جاسايتىن ياھۋدا دا بىلەتىن، ويتكەنى يسا شاكىرتتەرىمەن سوندا ٴجيى جينالاتىن.
3 ياھۋدا ٴبىر توپ ساربازدى جانە جوعارعى ٴدىني قىزمەتكەرلەر مەن پارىزشىلدار جىبەرگەن ساقشىلاردى ەرتىپ سوندا كەلدى. ولار قولدارىنا شام، الاۋ، قارۋ ۇستاپ العان ەدى+.
4 وزىنە نە بولارىن تۇگەل بىلەتىن يسا العا شىعىپ: «كىمدى ىزدەپ جۇرسىڭدەر؟»— دەگەندە،
5 ولار: «نازارەتتىك+ يسانى»،— دەپ جاۋاپ بەردى. سوندا يسا: «ول — مەنمىن»،— دەدى. وعان وپاسىزدىق جاسايتىن ياھۋدا دا سولاردىڭ قاسىندا تۇردى+.
6 يسانىڭ «ول — مەنمىن» دەگەنىن ەستىگەندە، ولار ارتقا شەگىنىپ، قۇلاپ ٴتۇستى+.
7 سوندا يسا: «كىمدى ىزدەپ جۇرسىڭدەر؟»— دەپ قايتا سۇرادى. ولار: «نازارەتتىك يسانى»،— دەپ جاۋاپ قاتتى.
8 بۇعان يسا: «مەن سولمىن دەپ ايتتىم عوي. ىزدەپ جۇرگەندەرىڭ مەن بولسام، مىنالارعا تيمەڭدەر، كەتە بەرسىن»،— دەدى.
9 ول مۇنى «ماعان بەرگەندەرىڭنىڭ بىردە-بىرەۋىن جوعالتپادىم»+ دەگەن ٴسوزى ورىندالۋ ٷشىن ايتقان ەدى.
10 سوندا سەمسەرمەن جۇرگەن شيمون پەتىر ونى سۋىرىپ الدى دا، باس ٴدىني قىزمەتكەردىڭ قۇلىنىڭ وڭ قۇلاعىن شاۋىپ ٴتۇسىردى+. قۇلدىڭ ەسىمى مالىك ەدى.
11 ٴبىراق يسا پەتىرگە: «سەمسەرىڭدى قىنابىنا سال+! اكەم بەرگەن توستاعاننان* ٸشۋىم كەرەك ەمەس پە+؟»— دەدى.
12 سول كەزدە ساربازدار، مىڭباسى جانە ياھۋدي باسشىلارى جىبەرگەن ساقشىلار يسانى ۇستاپ الىپ، بايلادى دا،
13 الدىمەن انناسقا اپاردى. انناس سول جىلى باس ٴدىني قىزمەتكەر بولعان قاياپانىڭ قايىن اتاسى ەدى+.
14 حالىق ٷشىن ٴبىر كىسىنىڭ ولگەنى وزدەرىڭە جاقسى دەپ، ياھۋدي باسشىلارىنا كەڭەس بەرگەن وسى قاياپا بولاتىن+.
15 شيمون پەتىر مەن تاعى ٴبىر شاكىرت يسانىڭ سوڭىنان ىلەسىپ وتىردى+. بۇل شاكىرت باس ٴدىني قىزمەتكەرمەن تانىس ەدى، سوندىقتان ونىڭ ٷيىنىڭ ىشكى اۋلاسىنا يسامەن بىرگە كىردى.
16 ال پەتىر سىرتتا، قاقپا الدىندا قالدى. باس ٴدىني قىزمەتكەردىڭ تانىسى بولعان الگى شاكىرت سىرتقا شىعىپ، قاقپا كۇزەتەتىن قىزمەتشى قىزبەن سويلەستى دە، پەتىردى ىشكە كىرگىزدى.
17 قىزمەتشى قىز پەتىردەن: «سەن دە وسى كىسىنىڭ شاكىرتتەرىنىڭ ٴبىرى ەمەسسىڭ بە؟»— دەپ سۇراعاندا، ول: «جوق»،— دەپ جاۋاپ قايىردى+.
18 كۇن سۋىق بولعاندىقتان، قۇلدار مەن ساقشىلار وت جاعىپ، جىلىنىپ تۇردى. پەتىر دە سولاردىڭ قاسىندا جىلىنىپ تۇردى.
19 جوعارعى ٴدىني قىزمەتكەر يسادان شاكىرتتەرى مەن تالىمدەرى جونىندە سۇرادى.
20 يسا بىلاي دەدى: «مەن جۇرتقا اشىق سويلەپ، ياھۋديلەر جينالاتىن ٴماجىلىسحانالار مەن عيباداتحانادا ٴتالىم بەرىپ ٴجۇردىم+. ەشتەڭەنى جاسىرىن ايتقان جوقپىن.
21 نەگە مەنەن سۇرايسىز؟ نە ايتقانىمدى مەنى تىڭداعانداردان سۇراڭىز. نە دەگەنىمدى سولار بىلەدى».
22 يسا وسىنى ايتقان كەزدە، سوندا تۇرعان ساقشىلاردىڭ ٴبىرى ونى جاعىنان تارتىپ جىبەرىپ+: «جوعارعى ٴدىني قىزمەتكەرگە قالاي-قالاي سويلەيسىڭ؟»— دەدى.
23 يسا: «دۇرىس ەمەس نارسە ايتقان بولسام، ونى دالەلدە. ال ايتقانىم دۇرىس بولسا، نەگە ۇراسىڭ؟»— دەپ جاۋاپ قاتتى.
24 وسىدان كەيىن انناس يسانى بايلاۋلى كۇيى باس ٴدىني قىزمەتكەر قاياپاعا+ جىبەردى.
25 ال شيمون پەتىر ٵلى وتقا جىلىنىپ تۇرعاندا، قاسىنداعىلار: «سەن دە سونىڭ شاكىرتتەرىنىڭ ٴبىرى ەمەسسىڭ بە؟»— دەدى. ول: «جوق»،— دەپ مويىندامادى+.
26 سوندا باس ٴدىني قىزمەتكەردىڭ قۇلدارىنىڭ ٴبىرى، پەتىر قۇلاعىن شاۋىپ تۇسىرگەن+ كىسىنىڭ تۋىسى: «سەنى ونىمەن بىرگە باقتا كوردىم ەمەس پە؟»— دەدى.
27 پەتىر تاعى مويىندامادى، سول زاماتتا اتەش شاقىردى+.
28 تاڭ سارىدە ولار يسانى قاياپانىڭ ۇيىنەن ٵمىرشى سارايىنا الىپ كەلدى+. ٴبىراق وزدەرى كىرمەدى، ايتپەسە ارامدالىپ+، قۇتقارىلۋ مەيرامىنىڭ اسىن جەي الماي قالار ەدى.
29 سوندىقتان پيلاتتىڭ ٶزى شىعىپ: «مىنا كىسىگە تاعاتىن قانداي ايىپتارىڭ بار؟»— دەپ سۇرادى.
30 ولار: «قىلمىسكەر بولماسا، ونى سىزگە ۇستاپ اكەلمەس ەدىك»،— دەپ جاۋاپ بەردى.
31 پيلات: «ونى وزدەرىڭ الىپ كەتىپ، زاڭدارىڭا ساي سوتتاڭدار»،— دەگەندە+، ولار: «بىرەۋدى ولتىرۋگە ٴبىزدىڭ قاقىمىز جوق»،— دەدى+.
32 بۇل يسانىڭ قالاي ولەتىنىنە قاتىستى ايتقان سوزدەرى ورىندالۋ ٷشىن بولدى+.
33 پيلات قايتادان سارايعا كىردى دە، يسانى شاقىرتىپ الىپ: «سەن ياھۋديلەردىڭ پاتشاسىسىڭ با؟»+— دەپ سۇراعاندا،
34 يسا: «مۇنى ٶزىڭىز ايتىپ تۇرسىز با، الدە مەن تۋرالى سىزگە باسقالار ايتتى ما؟»— دەدى.
35 بۇعان پيلات: «مەن نە، ٴياھۋديمىن بە؟ سەنى ماعان ۇستاپ اكەلگەن ٶز حالقىڭ جانە جوعارعى ٴدىني قىزمەتكەرلەر عوي. نە ىستەپ ەدىڭ؟»— دەدى.
36 يسا: «مەنىڭ پاتشالىعىم وسى دۇنيەلىك ەمەس+. ەگەر وسى دۇنيەلىك بولسا، قىزمەتشىلەرىم ياھۋديلەردىڭ قولىنا تۇسپەۋىم ٷشىن كۇرەسەر ەدى+. ٴبىراق مەنىڭ پاتشالىعىم وسى دۇنيەلىك ەمەس»،— دەپ جاۋاپ بەردى+.
37 سوندا پيلات: «سونىمەن، پاتشاسىڭ عوي؟»— دەدى. يسانىڭ جاۋابى مىناۋ بولدى: «پاتشا ەكەنىمدى ٶزىڭىز ايتىپ تۇرسىز+. مەن شىندىق تۋرالى كۋالىك ەتۋ ٷشىن تۋىلدىم، سول ٷشىن وسى دۇنيەگە كەلدىم+. شىندىقتى جاقتايتىن اركىم مەنىڭ داۋسىما قۇلاق سالادى».
38 پيلات: «شىندىق دەگەن نە؟»— دەدى.
وسىنى ايتقان سوڭ، تاعى دا ياھۋديلەرگە شىعىپ، مىنانى ايتتى: «مەن ودان ەشقانداي ايىپ تاپپادىم+.
39 ٶز سالتتارىڭ بويىنشا قۇتقارىلۋ مەيرامىندا ٴبىر تۇتقىندى بوساتىپ بەرەمىن+. ياھۋديلەردىڭ پاتشاسىن بوساتقانىمدى قالايسىڭدار ما؟»
40 سوندا ولار: «ونى ەمەس، باراببانى!»— دەپ تاعى دا ايقايلادى. ال باراببا قاراقشى بولاتىن+.
سىلتەمەلەر
^ نەمەسە «قيدروننىڭ قىستاعى اعىسى».
^ «توستاعان» يساعا جالعان ايىپ تاعىلىپ، ولتىرىلەتىنىنە قاتىستى قۇدايدىڭ ەركىن بىلدىرەدى.
