جوحان 3:1—36
3 پارىزشىلدار اراسىندا ياھۋديلەردىڭ نىكودەم+ ەسىمدى باسشىسى بار ەدى.
2 ول تۇندە يساعا كەلىپ+: «ۇستاز*+، ٴسىزدىڭ قۇدايدان كەلگەن تالىمگەر ەكەنىڭىزدى بىلەمىز، سەبەبى ٴسىز جاسايتىن كەرەمەتتەردى+ قۇدايدىڭ قولداۋىنسىز ەشكىم جاساي المايدى+»،— دەدى.
3 يسا: «ساعان ناعىز شىندىقتى ايتامىن، كىمدە-كىم قايتادان تۋىلماسا*+، قۇداي پاتشالىعىن كورە المايدى+»،— دەپ جاۋاپ بەردى.
4 سوندا نىكودەم: «ەسەيگەن ادام قالايشا قايتا تۋىلادى؟ شەشەسىنىڭ قۇرساعىنا ەنىپ، ەكىنشى رەت تۋىلۋى مۇمكىن بە؟»— دەپ سۇرادى.
5 يسا بىلاي دەپ جاۋاپ بەردى: «ساعان ناعىز شىندىقتى ايتامىن، كىمدە-كىم سۋدان+ جانە كيەلى رۋحتان+ تۋىلماسا، قۇداي پاتشالىعىنا كىرە المايدى.
6 تاننەن — ٴتان، ال كيەلى رۋحتان — رۋح تۋىلادى.
7 مەنىڭ «سەندەر قايتا تۋىلۋعا تيىسسىڭدەر» دەگەنىمە تاڭعالما.
8 جەل قالاعان جاعىنا سوعادى. ونىڭ گۋىلىن ەستيسىڭ، ٴبىراق قايدان كەلىپ، قايدا كەتكەنىن بىلمەيسىڭ. كيەلى رۋحتان تۋىلعان ٵربىر اداممەن دە سولاي بولادى+».
9 نىكودەم: «بۇل قالاي بولۋى مۇمكىن؟»— دەپ سۇرادى.
10 يسانىڭ جاۋابى مىناۋ بولدى: «يسرايلدىڭ ۇستازى بولا تۇرا، وسىنى بىلمەيسىڭ بە؟
11 ساعان ناعىز شىندىقتى ايتامىن، ٴبىز بىلگەنىمىزدى ايتىپ، كورگەنىمىز جايلى كۋالىك ەتەمىز، ٴبىراق سەندەر كۋالىگىمىزدى قابىلدامايسىڭدار.
12 جەرگە قاتىستى ايتقاندارىما سەنبەسەڭدەر، كوككە قاتىستى ايتقاندارىما قالاي سەنبەكسىڭدەر؟
13 ونىڭ ۇستىنە، كوككە ەشبىر ادام كوتەرىلگەن ەمەس+، ال ادام ۇلى كوكتەن كەلدى+.
14 ٴشول دالادا مۇسانىڭ جىلاندى جوعارى كوتەرىپ قويعانىنداي+، ادام ۇلى دا جوعارى كوتەرىلىپ قويىلۋى ٴتيىس+.
15 سوندا وعان سەنگەن اركىم ماڭگىلىك ومىرگە يە بولادى+.
16 قۇداي ادامزاتتى* سونداي قاتتى سۇيگەندىكتەن، ٶزىنىڭ جالعىز ۇلىن* قۇربان ەتتى*+. ەندى وعان سەنگەن اركىم جويىلماي، ماڭگىلىك ومىرگە يە بولا الادى+.
17 قۇداي ٶز ۇلىن دۇنيەنى سوتتاۋعا ەمەس، قايتا، ۇلى ارقىلى ونى قۇتقارۋعا جىبەردى+.
18 وعان سەنەتىن ادام سوتتالمايدى+. ال سەنبەيتىن ادام قازىردىڭ وزىندە سوتتالىپ قويدى، ويتكەنى قۇدايدىڭ جالعىز ۇلىنىڭ ەسىمىنە سەنبەدى+.
19 سوت مىناعان نەگىزدەلەدى: دۇنيەگە جارىق كەلدى+، ٴبىراق ادامدار جارىقتان گورى تۇنەكتى جاقسى كوردى، سەبەبى ولاردىڭ ىستەرى زۇلىم ەدى.
20 زۇلىمدىق ىستەيتىن ادام جارىقتى جەك كورەدى، ٵرى ىستەرى اشكەرەلەنبەۋ ٷشىن وعان جولامايدى.
21 ال ٵدىل ارەكەت ەتەتىن ادام ىستەرىنىڭ قۇداي ەركىنە ساي ەكەنى پاش ەتىلۋ ٷشىن جارىققا كەلەدى+».
22 بۇدان كەيىن يسا شاكىرتتەرىمەن ياھۋدەيانىڭ اۋىلدى جەرلەرىنە باردى. ول ٴبىراز ۋاقىت سول جەردە شاكىرتتەرىمەن بىرگە بولىپ، شومىلدىرۋ ٴراسىمىن جاساپ ٴجۇردى+.
23 ال جاقيا ٴسالىم قالاسىنا جاقىن اينوندا شومىلدىرۋ ٴراسىمىن جاساپ ٴجۇردى، ويتكەنى سول جەردە سۋ مول ەدى+. ادامدار كەلىپ، سول راسىمنەن ٶتىپ جاتتى+.
24 ول كەزدە جاقيا ٵلى تۇرمەگە جابىلماعان بولاتىن+.
25 جاقيانىڭ شاكىرتتەرى ٴبىر ياھۋديمەن تازارۋ راسىمىنە قاتىستى ايتىسىپ قالدى.
26 ٴسۇيتىپ، ولار جاقياعا كەلىپ: «ۇستاز، قاراڭىزشى، يورداننىڭ ارعى جاعىندا سىزگە كەلگەن ٵرى ٶزىڭىز كۋالىك بەرگەن ادام+ شومىلدىرۋ ٴراسىمىن جاساپ ٴجۇر. جۇرتتىڭ ٴبارى سوعان بارىپ جاتىر»،— دەدى.
27 جاقيا مىناداي جاۋاپ قاتتى: «قۇداي بەرمەسە، ەشكىم ەش نارسە الا المايدى.
28 مەنىڭ «ٴماسىح ەمەسپىن+، ونىڭ الدىنان جىبەرىلگەن اداممىن+» دەگەنىمە وزدەرىڭ كۋاسىڭدەر.
29 قالىڭدىعى بار كىسى — كۇيەۋجىگىت قوي+. ال قاسىندا تۇرعان دوسى ونىڭ داۋسىن ەستىپ، قاتتى قۋانادى. مەنىڭ دە قۋانىشىم قوينىما سيماي تۇر.
30 ول جوعارىلاي، ال مەن تومەندەي بەرۋىم كەرەك».
31 جوعارىدان كەلگەن+ ول بارىنەن ۇلى. جەردەن پايدا بولعان جەردىكى، ٵرى جەرگە ٴتان نارسەلەر تۋرالى ايتادى. كوكتەن كەلگەن بارىنەن ۇلى+.
32 ول كورگەنى مەن ەستىگەنى جايلى كۋالىك ەتەدى+، ٴبىراق ونىڭ كۋالىگىن ەشكىم قابىلدامايدى+.
33 ال ونىڭ كۋالىگىن قابىلداعان ادام قۇدايدىڭ شىنشىل ەكەنىن ٶز مورىمەن راستايدى+.
34 قۇدايدىڭ جىبەرگەن ۇلى ونىڭ سوزدەرىن ايتادى+، ويتكەنى قۇداي وعان كيەلى رۋحىن مولىنان بەرەدى.
35 اكەسى ۇلىن سۇيەدى+، ٵرى بارلىعىن ونىڭ قولىنا تاپسىردى+.
36 كىم ۇلعا سەنسە، ماڭگىلىك ٶمىردى يەلەنەدى+، ال كىم وعان مويىنسۇنباسا، ومىرگە يە بولماي+، قۇدايدىڭ قاھارىنا ۇشىرايدى+.
سىلتەمەلەر
^ سوزبە-ٴسوز «راۆۆي».
^ مۇمكىن: «جوعارىدان تۋىلماسا».
^ نەمەسە «دۇنيەنى».
^ تۇسىندىرمەنى قاراڭىز.
^ سوزبە-ٴسوز «بەردى».
