جوەل 2:1—32
2 سيوندا ٴمۇيىز كەرنەي تارتىڭدار+!
قاسيەتتى تاۋىمدا اتوي سالىپ ايعايلاڭدار.
ەلدىڭ* بارلىق تۇرعىنى ٴدىرىل قاقسىن،ويتكەنى ەحوبانىڭ كۇنى كەلە جاتىر+! ول تاياپ قالدى!
2 سول كۇن — قاراڭعىلىق باسىپ، تۇنەرگەن كۇن+،بۇلت قاپتاپ، قاراۋىتقان كۇن+،ول تاۋدىڭ باسىن عانا شالعان تاڭ شاپاعىنداي.
مىنە، ٴبىر حالىق كەلە جاتىر، ول سانسىز كوپ ٵرى كۇشتى+.
مۇنداي حالىق بۇرىن ەشقاشان بولماعان،كۇللى كەلەر ۇرپاقتاردىڭ زامانىندا دابۇل سياقتى حالىق ەندى قايتىپ بولمايدى.
3 ولاردىڭ الدىندا — جالماعان وت،ال ارتىندا — لاۋلاعان جالىن+.
الدىنداعى ەل ەدەم باعىنداي+ بولسا،ارتىنان قاڭىراعان ٴشول دالا قالادى،ەش نارسە دە ودان قاشىپ قۇتىلا المايدى.
4 ولاردىڭ كەيپى اتتاردىڭ كەيپىندەي،شابىسى سوعىس اتتارىنىڭ شابىسىنداي+.
5 شۋىلى تاۋ-توبەلەردە جۇيتكىگەن اربالاردىكىندەي+،ساباندى ساتىرلاتىپ جالماعان وتتىكىندەي.
ولار سوعىسۋ ٷشىن ساپ قۇرعان كۇشتى اسكەرگە ۇقسايدى+.
6 ولاردى كورگەن حالىقتار ازاپقا تۇسەدى.
ابىرجىعاننان ٴبارىنىڭ ٴجۇزى قىپ-قىزىل بولادى.
7 ولار مىقتى جاۋىنگەرلەردەي شابۋىلدايدى،ساربازدارداي قابىرعاعا ورمەلەيدى،ٴارقايسىسى العان باعىتىنان تايمايدى،ٶز جولىنان اۋىتقىمايدى.
8 ولار ٴبىر-بىرىمەن قاقتىعىسپايدى،ٵربىرى ٶز جولىمەن العا باسادى.
كەيبىرى جاۋ قارۋىنان قۇلاسا دا،وزگەلەرى ساپتى بۇزباي، كەتە بەرەدى.
9 قالاعا لاپ قويىپ، قابىرعاعا جۇگىرىپ شىعادى.
ۇيلەرگە ورمەلەپ، ۇرى ىسپەتتى تەرەزەدەن كىرەدى.
10 ولاردىڭ الدىندا جەر دىرىلدەپ، اسپان شايقالادى.
كۇن مەن ايدى قاراڭعىلىق باسادى+،جۇلدىزدار دا جارقىرامايدى.
11 ەحوبا ٶز اسكەرىنىڭ+ الدىندا داۋىستايدى، ونىڭ قوسى سانسىز كوپ+.
ٴسوزىن ورىندايتىن ول اسا قۇدىرەتتى.
ەحوبانىڭ كۇنى ۇلى دا عالامات+.
كىم وعان شىداي الادى+؟
12 ٵلى دە بولسا شىن جۇرەكتەن ماعان قايتىڭدار،— دەيدى ەحوبا+،—ورازا ۇستاپ+، جىلاپ، زار ەڭىرەڭدەر.
13 كيىمدەرىڭنىڭ ٶڭىرىن ەمەس+، جۇرەكتەرىڭدى جىرتىڭدار+،قۇدايلارىڭ ەحوباعا قايتا ورالىڭدار.
ويتكەنى ول جاناشىر دا مەيىرىمدى، اشۋعا باياۋ+، اينىماس سۇيىسپەنشىلىگى مول+.
اپات جىبەرەمىن دەگەن رايىنان قايتادى.
14 كىم بىلەدى، بالكىم، ول رايىنان قايتىپ، اياۋشىلىق تانىتار+،ٴسۇيتىپ، سەندەردى جارىلقار،سوندا قۇدايلارىڭ ەحوباعا استىق پەن سۇيىق تارتۋ ۇسىنا الارسىڭدار.
15 سيوندا ٴمۇيىز كەرنەي تارتىڭدار!
ورازا جاريالاپ، قاسيەتتى جيىن وتكىزىڭدەر+.
16 حالىقتى جيناپ، قاۋىمدى قاسيەتتى ەتىڭدەر+.
قاريالاردى*، بالالار مەن ەمشەكتەگى نارەستەلەردى جيناڭدار+.
كۇيەۋجىگىت ىشكى بولمەسىنەن، قالىڭدىق تا ٶز بولمەسىنەن شىقسىن.
17 كىرەبەرىس پەن قۇرباندىق وشاعىنىڭ اراسىندا تۇرىپ+،ٴدىني قىزمەتكەرلەر، ەحوبانىڭ قىزمەتشىلەرى، جىلاپ بىلاي دەسىن:
«ۋا، ەحوبا، ٶز حالقىڭدى اياي كور،باسقا حالىقتاردىڭ ٶز مەنشىگىڭە بيلىك ەتىپ،ونى تابالاۋىنا جول بەرە كورمە.
ايتپەسە حالىقتار: —بۇلاردىڭ قۇدايى قايدا؟— دەپ جۇرەر+».
18 سوندا ەحوبا ٶز جەرىن قىزعىشتاي قورعاپ،حالقىنا جاناشىرلىق تانىتادى+.
19 ەحوبا حالقىنا جاۋاپ بەرىپ، بىلاي دەيدى:
«مەن سەندەرگە استىق، جاڭا شاراپ پەن ٴزايتۇن مايىن بەرەمىن.
سوندا سەندەر بارىنشا تويىناسىڭدار+.
ەندى قايتىپ سەندەردى حالىقتارعا قورلاتىپ قويمايمىن+.
20 سولتۇستىكتەن كەلگەندى قاستارىڭنان الىسقا قۋامىن،ونى كەۋىپ قالعان، قاڭىراپ، قۋاڭ تارتقان جەرگە،العى شەپتەگىلەرىن شىعىستاعى تەڭىز* جاققا،ارتىنداعىلارىن باتىستاعى تەڭىز* جاققا بىتىراتامىن.
ودان ساسىق ٴيىس شىعادى،جاعىمسىز ٴيىس مۇڭكىپ تۇرادى+.
سەبەبى قۇداي عالامات ىستەر جاسايدى».
21 ۋا، جەر، قورىقپا!
قۋانىپ، شاتتان، ويتكەنى ەحوبا عالامات ىستەر جاسايدى.
22 دالا اڭدارى، قورىقپاڭدار!
دالاداعى جايىلىمدار كوگەرەدى+،اعاشتار جەمىس بەرەدى+،ٸنجىر مەن ٴجۇزىم مول ٶنىم اكەلەدى+.
23 سيوننىڭ ۇلدارى، ەحوبا قۇدايلارىڭا قۋانىپ، شاتتانىڭدار+!
ول سەندەرگە كەرەگىنشە كۇزگى جاۋىن جىبەرەدى.
بۇرىنعى كەزدەگىدەي نوسەر بەرىپ،كۇزگى جانە كوكتەمگى جاۋىندى جاۋعىزادى+.
24 قىرماندار تازا استىققا تولىپ،استاۋلارىڭدا سىعىلعان جاڭا شاراپ پەن ٴزايتۇن مايى اعىل-تەگىل مول بولادى+.
25 مەن سەندەرگە جىبەرگەن ۇلى اسكەر:
قۇجىناعان شەگىرتكە مەن قاناتسىز شەگىرتكە، وبىر شەگىرتكە مەن جالمايتىن شەگىرتكە جەپ كەتكەن ٶنىمنىڭ+،سول جىلدارى كەلتىرىلگەن زالالدىڭ، ورنىن تولتىرامىن.
26 سەندەر مىندەتتى تۇردە تويىنا جەيسىڭدەر+.
ەحوبا قۇدايلارىڭنىڭ ەسىمىن ماداقتايسىڭدار+،ول سەندەر ٷشىن كەرەمەت ىستەر جاسادى.
مەنىڭ حالقىم بۇدان بىلاي ۇياتقا قالمايدى+.
27 سەندەر مەنىڭ يسرايلدىڭ اراسىندا ەكەنىمدى+،قۇدايلارىڭ ەحوبا ەكەنىمدى+، مەنەن وزگە قۇداي جوق ەكەنىن بىلەتىن بولاسىڭدار.
مەنىڭ حالقىم بۇدان بىلاي ۇياتقا قالمايدى.
28 سوسىن مەن ٵربىر ادامعا رۋحىمدى توگەمىن+،سوندا ۇل-قىزدارىڭ پايعامبارلىق ەتەدى،قاريالارىڭ ٴتۇس كورەدى،جاس جىگىتتەرىڭ ايان الادى+.
29 سول كۇندەرى ٴتىپتىقۇل-كۇڭدەرىمە دە رۋحىمدى توگەمىن.
30 اسپان مەن جەردە بەلگىلەر* كورسەتەمىن.
بۇلار — قان، وت جانە ٴتۇتىن باعانالارى+.
31 ەحوبانىڭ ۇلى دا عالامات كۇنى كەلمەس بۇرىن+،كۇن تۇنەككە، اي قانعا اينالادى+.
32 ەحوبانى اتىن اتاپ شاقىرعان اركىم قۇتقارىلادى+.
ەحوبا ايتقانداي، سيون تاۋى مەن يەرۋساليمدە امان قالعاندار بولادى+،ولار ەحوبا شاقىرعاندىقتان امان قالادى.
سىلتەمەلەر
^ نەمەسە «جەردىڭ».
^ نەمەسە «اقساقالداردى».
^ ياعني ٶلى تەڭىز.
^ ياعني جەرورتا تەڭىزى.
^ نەمەسە «عاجايىپتار».
