ريمدىكتەرگە 9:1—33
-
پاۋىلدىڭ يسرايلدىكتەر ٷشىن قايعىرۋى (1—5)
-
ىبىرايىمنىڭ ناعىز ۇرپاعى (6—13)
-
قۇداي ٶز قالاۋى بويىنشا ارەكەت ەتەدى (14—26)
-
قاھارعا ۇشىرايتىن جانە مەيىرىمدىلىك كورسەتىلەتىن ىدىستار (22، 23)
-
-
تامتىق قانا امان قالادى (27—29)
-
يسرايل سۇرىندىرەتىن تاسقا شالىندى (30—33)
9 يسانىڭ ٸزباسارى بولعاندىقتان وتىرىك ەمەس، شىندىعىن ايتىپ وتىرمىن. ويتكەنى كيەلى رۋحتىڭ باسشىلىعىمەن ار-ۇجدانىم مەنىمەن بىرگە مىناعان كۋالىك ەتەدى:
2 قاسىرەتىم زور، جۇرەگىم سىزداپ قويمايدى.
3 قانداس باۋىرلارىما كومەگى تيسە، سولار ٷشىن قارعىسقا ۇشىراپ، ماسىحتەن الاستاتىلۋعا دا دايىنمىن.
4 قۇداي ولاردى، ياعني يسرايلدىكتەردى، ٶزىنىڭ بالالارى ەتكەن+، ۇلىلىققا بولەگەن، ولارمەن كەلىسىمدەر جاساسقان+. زاڭ+ دا، قاسيەتتى قىزمەت اتقارۋ+ دا، قۇدايدىڭ ۋادەلەرى+ دە سولاردىڭ ۇلەسىندە.
5 سونداي-اق ولار ٴماسىح شىققان اتا-بابالارىمىزدىڭ+ ۇرپاعى+. ٴبارىن بيلەپ وتىرعان قۇداي ماڭگى ماداقتالا بەرسىن! اۋمين.
6 الايدا قۇداي ٴسوزى ورىندالمادى دەۋگە بولمايدى. ويتكەنى يسرايلدەن تاراعانداردىڭ ٴبارى بىردەي ناعىز يسرايلدىك ەمەس+.
7 ولاردىڭ ىبىرايىمنىڭ ۇرپاعى بولعانى دا ٴبارى بىردەي ونىڭ بالالارى ەكەنىن بىلدىرمەيدى+. جازبالاردا: «ۋادە ەتىلگەن ۇرپاق ىسقاقتان شىعادى»+،— دەلىنگەن.
8 باسقاشا ايتقاندا، ىبىرايىمنان تاراعانداردىڭ ٴبارى قۇدايدىڭ ناعىز بالالارى ەمەس+، قۇدايدىڭ ۋادەسى بويىنشا تۋىلعان بالالار+ عانا ۇرپاق بولىپ ەسەپتەلەدى.
9 ويتكەنى قۇداي بىلاي دەپ ۋادە ەتكەن: «كەلەسى جىلى وسى ۋاقىتتا كەلەمىن، سوندا سارانىڭ ۇلى بولادى»+.
10 رابيعاعا دا ۋادە بەرىلىپ، ول ارعى اتامىز ىسقاقتان جۇكتى بولىپ، بويىنا ەگىز ۇل ٴبىتتى+.
11 قۇداي ٶزىنىڭ تاڭداپ الۋعا قاتىستى نيەتى ادامنىڭ ىسىنە ەمەس، كىمدى شاقىرعىسى كەلەتىنىنە بايلانىستى ەكەنىن كورسەتۋ ٷشىن، ەگىزدەر تۋىلماي تۇرىپ، ياعني ەشبىر جاقسىلىق نە جاماندىق جاساماي تۇرىپ، بىرەۋىن تاڭدادى.
12 سوندىقتان رابيعاعا: «ۇلكەنى كىشىسىنىڭ قۇلى بولادى»+،— دەدى.
13 بۇعان قاتىستى جازبادا: «مەن جاقىپتى جاقسى كورىپ، ال ەساۋدى جەك كوردىم»+،— دەلىنگەن.
14 وندا نە دەمەكپىز؟ قۇدايدىڭ ادىلەتسىز بولعانى ما؟ جوق، مۇلدەم ولاي ەمەس+!
15 ول مۇساعا بىلاي دەدى: «مەن كىمگە مەيىرىمدى بولعىم كەلسە، سوعان مەيىرىمدى بولامىن، كىمگە جاناشىرلىق تانىتقىم كەلسە، سوعان جاناشىرلىق تانىتامىن+».
16 دەمەك، قۇدايدىڭ تاڭداپ الۋى ادامنىڭ قالاۋىنا نە كۇش سالعانىنا ەمەس، قۇدايدىڭ مەيىرىمىنە بايلانىستى+.
17 پەرعاۋىن جونىندە كيەلى جازبادا: «سەن ارقىلى قۇدىرەتىمدى كورسەتىپ، بۇكىل جەر بەتىنە ەسىمىمدى جاريا ەتۋ ٷشىن، سەنى ٴتىرى قالدىردىم+»،— دەلىنگەن.
18 سونىمەن، قۇداي ٶز قالاۋى بويىنشا ارەكەت ەتەدى: بىرەۋگە مەيىرىمىن كورسەتسە، وزگە بىرەۋدىڭ قاسارىسۋىنا جول بەرەدى+.
19 سەن ماعان: «وندا نەگە قۇداي ادامداردى ٵلى دە كىنالايدى؟ ونىڭ ەركىنە كىم قارسى شىعا الادى؟»— دەرسىڭ.
20 ەي، پەندە، قۇدايعا قارسى سويلەيتىندەي سەن كىمسىڭ+؟ جاسالعان بۇيىم ٶزىن جاساعانعا: «نەگە مەنى بۇلاي جاسادىڭ؟»— دەۋشى مە ەدى+؟
21 جوق الدە قۇمىراشىنىڭ+ ٴبىر بالشىقتان بىرەۋىن قادىرمەن تۇتىنۋعا، ەكىنشىسىن قاراپايىم قولدانىسقا ارناپ ەكى ٴتۇرلى ىدىس جاساۋعا ەركى جوق پا؟
22 قۇداي قاھارىن توگىپ، قۇدىرەتىن كورسەتكىسى كەلگەنىنە قاراماي، قاھارعا ۇشىرايتىن جويىلۋعا لايىق ىدىستارعا زور شىدامدىلىق تانىتسا، بۇعان نە دەمەكپىز؟
23 قۇداي بۇنى ٶزىنىڭ زور ۇلىلىعىن كورسەتۋ ٷشىن ىستەسە، ٵرى بۇنى ۇلىلىقتى قابىلداۋعا دايىنداپ قويعان مەيىرىمدىلىك كورسەتىلەتىن+ ىدىستار ارقىلى،
24 ياعني ياھۋديلەردەن عانا ەمەس، باسقا ۇلتتاردان+ دا شاقىرىلعان بىزدەر ارقىلى ىستەسە، بۇعان نە دەي الامىز؟
25 وشيا پايعامباردىڭ كىتابىندا ول بىلاي دەگەن: «ٶز حالقىم بولماعان حالىقتى+ ەندى «حالقىم» دەيمىن، سۇيمەگەنىمدى «سۇيىكتىم» دەپ اتايمىن+.
26 ٶزىم ولارعا «مەنىڭ حالقىم ەمەسسىڭدەر» دەپ ايتقان جەردە ولار «ٴتىرى قۇدايدىڭ ۇلدارى» دەپ اتالاتىن بولادى+».
27 ال يشايا پايعامبار يسرايل جايىندا بىلاي دەپ داۋىستاعان: «يسرايل ۇلدارى تەڭىز جاعاسىنداعى قۇم قيىرشىقتارىنداي كوپ بولسا دا، ولاردىڭ تامتىعى عانا امان قالادى+.
28 ەحوبا جەر بەتىنىڭ تۇرعىندارىن جاۋاپقا تارتادى. ول مۇنى تولىقتاي ٵرى تەزدەتىپ جۇزەگە اسىرادى+».
29 سونداي-اق يشايا الدىن الا: «اسكەرباسى ەحوبا ۇرپاعىمىزدى امان الىپ قالماعاندا، ٴبىز سودومداي بولار ەدىك، عومورانىڭ كەبىن كيەر ەدىك»+،— دەگەن.
30 وندا نە دەمەكپىز؟ باسقا ۇلت ادامدارى ادىلدىككە ۇمتىلماسا دا، سەنىمدەرىنىڭ ارقاسىندا+ قۇداي الدىندا ٵدىل بولدى+.
31 ال يسرايل بولسا زاڭدى ورىنداۋ ارقىلى ٵدىل بولۋعا تىرىسقانمەن، ونى ورىنداي المادى.
32 نەلىكتەن؟ سەبەبى ولار سەنىمدەرى ەمەس، ىستەرى ارقىلى ٵدىل بولعىسى كەلدى. ولار «سۇرىندىرەتىن تاسقا» شالىندى+.
33 بۇل جايلى بىلاي دەلىنگەن: «مىنە، مەن سيوندا سۇرىندىرەتىن تاس+، قۇلاتاتىن جارتاس قويىپ جاتىرمىن. وعان سەنگەن اركىمنىڭ ٷمىتى اقتالادى+».
