شەجىرەلەر 2-جازبا 26:1—23
26 سوندا بۇكىل ياھۋدا حالقى 16 جاسار ۇزياحتى*+ الىپ، اكەسى امازياحتىڭ ورنىنا پاتشا ەتىپ قويدى+.
2 پاتشا* اتا-بابالارىنا قوسىلعان سوڭ، ۇزياح ەلاتتى+ قايتا سوعىپ، ياھۋداعا قايتا قوسىپ الدى+.
3 ول+ 16 جاسىندا پاتشا بولىپ، يەرۋساليمدە 52 جىل بيلىك ەتتى. ونىڭ اناسى يەرۋساليمدىك ەحوليا ەدى+.
4 ول اكەسى امازياح سياقتى، ەحوبانىڭ الدىندا ۇنامدى ىستەر ىستەپ ٴجۇردى+.
5 وزىنە شىنايى قۇدايدان قورقۋدى ۇيرەتكەن زاكاريانىڭ كوزى تىرىسىندە ۇزياح تالماستان قۇدايدى ىزدەدى. ەحوبانى ىزدەگەن كەزىنىڭ بارىندە شىنايى قۇداي ونى جارىلقاپ وتىردى+.
6 ۇزياح فىلىستىرلەرمەن+ سوعىسىپ، عات+، يابنەح+، ازوت+ قالالارىنىڭ قابىرعاسىن بۇزىپ كىرىپ، ولاردى جاۋلاپ الدى. بۇدان كەيىن ازوت ايماعى مەن فىلىستىرلەر جەرىندە قالالار سالدى.
7 پاتشا فىلىستىرلەرمەن، عۇرباعالدا تۇراتىن ارابتارمەن+ جانە مەۋنيمدەرمەن سوعىسقاندا، شىنايى قۇداي وعان جەڭىسكە جەتۋگە كومەكتەسىپ وتىردى.
8 امموندىقتار+ بولسا وعان الىم تولەپ تۇردى. ۇزياحتىڭ كۇشەيىپ العانى سونشا — اتاعى مىسىرعا دەيىن جايىلدى.
9 سونىمەن قاتار ول يەرۋساليمدەگى بۇرىش قاقپاسى+ مەن اڭعار قاقپاسىنىڭ+ جانە تىرەكتىڭ جانىنا مۇنارالار سوعىپ+، ولاردى بەكىتتى.
10 مالى كوپ بولعاندىقتان ول ٴشولدى جەرلەردە دە مۇنارالار سوقتى+، سۋ قويمالارىن دا كوپتەپ قازدى*. شەفەلا مەن جازىق جەرلەردە دە سولاي ەتتى. پاتشا اۋىل شارۋاشىلىعىن جاقسى كورەتىن، سوندىقتان تاۋلى وڭىرلەر مەن كارميلدە ونىڭ ەگىنشىلەرى مەن جۇزىمشىلەرى بولدى.
11 بۇعان قوسا، ۇزياحتىڭ جاساقتارعا ٴبولىنىپ، جورىقتارعا باراتىن قارۋلى اسكەرى بولدى. ولاردى ساناپ، تىزىمگە تىركەۋ جۇمىسىن+ پاتشانىڭ قىزمەتكەرلەرىنىڭ ٴبىرى حانانياحتىڭ باسشىلىعىمەن حاتشى جەيەل+ جانە ماعاسەياح باسشى اتقاردى.
12 سول مىقتى ساربازداردىڭ ۇستىنەن قارايتىن اۋلەتباسىلاردىڭ جالپى سانى 2600 ەدى.
13 ولاردىڭ قول استىندا سوعىسقا دايىن 307500 سارباز بولدى. بۇل پاتشانىڭ جاۋعا قارسى سوعىساتىن پارمەندى اسكەرى ەدى+.
14 ۇزياح بۇكىل اسكەرىن قالقان، نايزا+، دۋلىعا، ساۋىت+، ساداق جانە ساقپانمەن اتاتىن تاستارمەن+ جابدىقتادى.
15 سونىمەن قاتار ونىڭ شەبەرلەرى جەبەلەر مەن ٴداۋ تاستار اتقىلايتىن سوعىس قۇرىلعىلارىن جاسادى. پاتشا ولاردى يەرۋساليمدەگى مۇنارالار+ مەن قالا دۋالىنىڭ بۇرىشتارىنا ورناتتى. وسىلاي قۇداي قولداۋ كورسەتىپ وتىرعانىنىڭ ارقاسىندا ول كۇشەيىپ، اتاعى جەر جاردى.
16 ٴبىراق ابدەن كۇشەيىپ العان سوڭ، ۇزياح ٶز سورىنا تاكاپپارلانىپ كەتتى. ول قۇدايى ەحوباعا قارسى وپاسىزدىق جاساپ، ەحوبانىڭ عيباداتحاناسىنا كىرىپ، قۇرباندىق ۇستەلىندە حوش ٴيىستى زات تۇتەتپەك بولدى+.
17 سوندا ٴدىني قىزمەتكەر ازارياح جانە ەحوبانىڭ باسقا دا باتىل 80 ٴدىني قىزمەتكەرى بىردەن ونىڭ ارتىنان كىردى.
18 ولار ۇزياح پاتشاعا قارسى شىعىپ، بىلاي دەدى: «ۇزياح، سەنىڭ ەحوباعا حوش ٴيىستى زات تۇتەتكەنىڭ دۇرىس بولمايدى+. مۇنى تەك ٴدىني قىزمەتكەرلەر ىستەۋ كەرەك. سەبەبى ولار وسى قاسيەتتى قىزمەتكە تاعايىندالعان حاروننىڭ ۇرپاقتارى+. قاسيەتتى بولمەدەن شىق! بۇنىڭ وپاسىزدىق بولادى. مۇنداي قىلىعىڭ ٷشىن ەحوبا قۇداي سەنى داڭققا بولەي قويماس».
19 ٴبىراق قولىندا حوش ٴيىستى زات تۇتەتەتىن ىدىس ۇستاپ تۇرعان ۇزياح اشۋ شاقىردى+. ٴدىني قىزمەتكەرلەرگە اشۋلانعاندا، ولاردىڭ كوز الدىندا پاتشانىڭ ماڭدايىنا الاپەس+ داعى ٴتۇستى. بۇل جاعداي ولار ەحوبانىڭ ۇيىندەگى حوش ٴيىستى زات تۇتەتەتىن ۇستەلدىڭ قاسىندا تۇرعاندا بولدى.
20 جوعارعى ٴدىني قىزمەتكەر ازارياح پەن باسقا دا ٴدىني قىزمەتكەرلەر پاتشاعا قاراعاندا، ونىڭ ماڭدايىندا الاپەس داعىنىڭ پايدا بولعانىن كوردى. سوندىقتان ونى تەزىرەك شىعارىپ جىبەرۋگە تىرىستى. پاتشانىڭ ٶزى دە ەحوبانىڭ جازاسىنا ۇشىراعانىن ٴتۇسىنىپ، سىرتقا شىعۋعا اسىقتى.
21 وسىلاي ول ٶمىرىنىڭ سوڭىنا دەيىن الاپەس اۋرۋىنان ايىقپاي، بولەك ۇيدە تۇردى+، ويتكەنى ول ەحوبانىڭ ۇيىنەن الاستاتىلعان ەدى. ال بۇل ۋاقىتتا ۇلى جوتام سارايداعى ىستەردى باسقارىپ، حالىققا تورەلىك ەتتى+.
22 ۇزياحتىڭ باسقا دا ىستەرىن اموس ۇلى يشايا+ پايعامبار باستان-اياق باياندادى.
23 اقىرىندا ۇزياح اتا-بابالارىنا قوسىلدى دا، سۇيەگى اتا-بابالارىمەن بىرگە قويىلدى. ٴبىراق جۇرت: «ول الاپەسپەن اۋىرعان عوي»،— دەسىپ، ونىڭ ٴمايىتىن پاتشالاردىڭ قابىرىنىڭ سىرتىنا كومدى. ال ورنىنا ۇلى جوتام+ تاققا وتىردى.
سىلتەمەلەر
^ پ2ج 14:21 دە «ازارياح».
^ ياعني اكەسى امازياح.
^ نەمەسە «قاشادى»، جارتاستان بولسا كەرەك.
