شەجىرەلەر 2-جازبا 9:1—31
9 شەبا ەلىنىڭ پاتشايىمى+ سۇلەيمەننىڭ زور داڭقى تۋرالى ەستىدى. سودان ول سۇلەيمەندى قيىن ساۋالدارمەن* سىناماقشى بولىپ جولعا شىقتى. ول نوكەرلەرىن ەرتىپ، ىرعالىپ-جىرعالىپ يەرۋساليمگە كەلدى. پاتشايىم تۇيەلەرىنە حوش ٴيىستى ماي، وتە كوپ التىن+، اسىل تاستار ارتىپ كەلگەن ەدى. ول سۇلەيمەن پاتشامەن كوڭىلىندە جۇرگەننىڭ ٴبارى تۋرالى اڭگىمەلەستى+.
2 سۇلەيمەن ونىڭ بارلىق ساۋالدارىنا جاۋاپ بەردى. ول تۇسىندىرە الماعان سۇراق بولمادى.
3 شەبا پاتشايىمى سۇلەيمەننىڭ دانالىعىن+، سالعان ٷيىن+،
4 داستارقانىنداعى تاماعىن+، قىزمەتشىلەرىنىڭ داستارقان باسىنا قالاي وتىرعىزىلعانىن، داياشىلارىنىڭ قىزمەتى مەن كيىمدەرىن، سونداي-اق شاراپشىلارىنىڭ قىزمەتى مەن كيىمدەرىن، ەحوبانىڭ ۇيىندە شالاتىن قۇرباندىقتارىن+ كورگەندە، دەمىن ىشىنە تارتىپ، قايران قالدى.
5 سوندا ول پاتشاعا بىلاي دەدى: «ٴسىزدىڭ جەتىستىكتەرىڭىز بەن دانالىعىڭىز تۋرالى ەلىمدە ٴجۇرىپ ەستىگەنىمنىڭ ٴبارى راس ەكەن.
6 ٶز كوزىممەن كورمەيىنشە+ بۇعان سەنبەگەن ەدىم. سويتسەم، مەن تەك شەت جاعاسىن عانا ەستىپپىن+. ٴسىزدىڭ دانالىعىڭىز الدەقايدا زور ەكەن+.
7 مىنا ادامدارىڭىز نەتكەن باقىتتى! ۇنەمى الدىڭىزدا ٴجۇرىپ، دانالىعىڭىزدى تىڭداي الاتىن قىزمەتشىلەرىڭىز نەتكەن باقىتتى!
8 قۇدايىڭىز ەحوبا ماداقتالسىن! قۇدايىڭىز ەحوبا ٴسىزدى پاتشا ەتىپ تاعايىنداپ، ٶز تاعىنا وتىرعىزۋدى ۇيعاردى. قۇدايىڭىز يسرايلدى جاقسى كورگەندىكتەن+، ونىڭ قۇرىپ كەتكەنىن قالامايدى. سوندىقتان ول ٴسىزدى حالقىنا ٵدىل ٵرى تۋراشىلدىقپەن بيلىك ەتسىن دەپ پاتشا ەتىپ تاعايىندادى».
9 سوسىن شەبا پاتشايىمى سۇلەيمەنگە 120 تالانت* التىن+، وتە كوپ مولشەردە حوش ٴيىستى ماي جانە اسىل تاستار سيلادى. سۇلەيمەن پاتشاعا وسىنشا كوپ حوش ٴيىستى مايدى بۇدان كەيىن ەشكىم اكەلگەن ەمەس+.
10 بۇعان قوسا، حيرامنىڭ جانە سۇلەيمەننىڭ وپىردان التىن تاسيتىن+ قىزمەتشىلەرى ساندال* اعاشىنىڭ بورەنەلەرى مەن قىمبات تاستار دا اكەلەتىن+.
11 سۇلەيمەن ساندال اعاشىنان ەحوبانىڭ ٷيى مەن پاتشا سارايىنا+ باسپالداقتار+ جانە انشىلەر ٷشىن ارفالار، ىشەكتى اسپاپتار+ جاساتتى. ياھۋدا ەلىندە كۇنى بۇگىنگە دەيىن مۇنداي اسپاپتار بولعان ەمەس ەدى.
12 سۇلەيمەن شەبا پاتشايىمىنا ٶزى اكەلگەننەن دە كوپ سي تارتۋ ەتتى*، بۇعان قوسا، ونىڭ قالاعانى مەن سۇراعانىنىڭ ٴبارىن بەردى. بۇدان كەيىن پاتشايىم بۇكىل قىزمەتشىلەرىمەن ەلىنە قايتتى+.
13 سۇلەيمەن پاتشانىڭ قازىناسىنا جىل سايىن 666 تالانت التىن تۇسەتىن+.
14 وعان ٴتۇرلى ساۋداگەرلەر، ارابيالىق پاتشالار مەن ەلدىڭ ايماق اكىمدەرى اكەپ تۇراتىن التىن-كۇمىستى قوسپاعاندا، وسىنشا التىن تۇسەتىن+.
15 سۇلەيمەن پاتشا التىن قوسپاسىنان 200 ۇلكەن قالقان+ جاساتتى، ولاردىڭ ٴارقايسىسىنا 600 شەكەل* التىن جۇمسالدى+.
16 سونداي-اق 300 شاعىن قالقان جاساتتى، ولاردىڭ ٴارقايسىسىنا 3 مينا* التىن جۇمسالدى. قالقاندار «ليۆان ورمانى» دەپ اتالعان ۇيگە+ قويىلدى.
17 بۇعان قوسا، پاتشا ٴپىل سۇيەگىنەن ۇلكەن تاق جاساتىپ، ساف التىنمەن قاپتاتتى+.
18 تاقتىڭ الدىندا التى باسپالداعى جانە تاققا بەكىتىلگەن تابان تىرەنىشى بولدى. ال ەكى جاعىنا شىنتاق سۇيەنىشتەر جاسالدى، ولاردىڭ ٴارقايسىسىنىڭ جانىندا ٴبىر-ٴبىر ارىستان+ ٴمۇسىنى تۇردى.
19 التى باسپالداقتىڭ ەكى جاعىنا 12 ارىستان+ ٴمۇسىنى قويىلدى. ەشبىر پاتشالىقتا بۇنداي نارسە جاسالىپ كورمەگەن ەدى.
20 سۇلەيمەن پاتشانىڭ سۋسىن ىشەتىن ىدىستارىنىڭ ٴبارى التىننان، ال «ليۆان ورمانى» دەگەن ۇيدەگى بۇيىمدارى ساف التىننان جاسالدى. ەشبىر بۇيىم كۇمىستەن جاسالمادى، ويتكەنى ونىڭ زامانىندا كۇمىس قۇنسىز بولىپ سانالاتىن+.
21 سۇلەيمەن پاتشانىڭ كەمەلەرى حيرامنىڭ+ قىزمەتشىلەرىمەن تارسيسكە+ قاتىناپ تۇراتىن. ٵر ٷش جىلدا تارسيس كەمەلەرى ساپاردان التىن، كۇمىس، ٴپىل سۇيەگىن+، مايمىلدار مەن تاۋىس قۇستارىن اكەلەتىن.
22 سۇلەيمەننىڭ بايلىعى مەن دانالىعى جەر بەتىندەگى كۇللى پاتشالاردىكىنەن اسىپ ٴتۇستى+.
23 دۇنيەجۇزىنىڭ پاتشالارى سۇلەيمەننىڭ شىنايى قۇداي دارىتقان دانالىعىن ەستۋ ٷشىن، ونىمەن كەزدەسۋدى قالايتىن+.
24 پاتشانىڭ الدىنا كەلەتىندەر كۇمىس پەن التىن بۇيىمدار، كيىم-كەشەك+، ساۋىت-سايمان، حوش ٴيىستى ماي، جىلقى مەن قاشىرلاردى سيعا تارتاتىن. بۇل جىلدان-جىلعا جالعاسا بەردى.
25 سۇلەيمەننىڭ اتتارى مەن اربالارىنا ارنالعان 4000 ات قوراسى جانە 12000 جىلقىسى* بار ەدى+. پاتشا ولاردى اربالارعا ارنالعان قالالاردا جانە ٶزىنىڭ قاسىندا، يەرۋساليمدە ۇستادى+.
26 ول ەۆفراتتان فىلىستىرلەر جەرى مەن مىسىردىڭ شەگاراسىنا دەيىنگى بارلىق پاتشالارعا بيلىك جۇرگىزدى+.
27 سۇلەيمەن يەرۋساليمدە كۇمىستى كادىمگى تاس سياقتى كوپ، قاراعاي اعاشتارىن دا شەفەلاداعى ٸنجىر اعاشتارى سياقتى مول ەتتى+.
28 جۇرت مىسىردان+ جانە باسقا ەلدەردىڭ بارىنەن سۇلەيمەنگە جىلقى اكەلەتىن.
29 سۇلەيمەننىڭ ىستەرى+ باستان-اياق ناتان پايعامباردىڭ جازباسىندا+، شيلولىق احيانىڭ پايعامبارلىق سوزىندە+ جانە ايان كورۋشى يددونىڭ نابات ۇلى ەروبوعام+ جونىندە كورگەن ايانى جازىلعان جازباسىندا+ باياندالعان.
30 سۇلەيمەن يەرۋساليمدە يسرايل ەلىنە 40 جىل بيلىك ەتتى.
31 اقىرىندا ول اتا-بابالارىنا قوسىلدى. ونىڭ سۇيەگى اكەسى ٴداۋىتتىڭ قالاسىنا+ قويىلدى. ال ورنىنا روبوعام دەگەن ۇلى تاققا وتىردى+.
سىلتەمەلەر
^ نەمەسە «جۇمباقتارمەن».
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.
^ جوعارى ساپالى بۇيىمدار جاسالاتىن باعالى اعاش.
^ مۇمكىن: «سۇلەيمەن شەبا پاتشايىمىنا ٶزى اكەلگەن سيدىڭ قۇنىنا تەڭ كەلەتىن سي تارتۋ ەتتى».
^ 1 شەكەل 4.11 گرامعا تەڭ. B14 قوسىمشاسىن قاراڭىز.
^ ەۆرەي جازبالارىندا 1 مينا 570 گرامعا تەڭ. B14 قوسىمشاسىن قاراڭىز.
^ نەمەسە «سالت اتتى جىگىتى».
