عالاتتىقتارعا 4:1—31
4 ەندى سەندەرگە ايتارىم — مۇراگەر بارلىق نارسەنىڭ يەسى بولسا دا، بالا كەزىندە ونىڭ قۇلدان ەش ايىرماشىلىعى جوق.
2 اكەسى الدىن الا بەلگىلەگەن ۋاقىتقا دەيىن ول قامقورشىلار مەن ٷي باسقارۋشىلاردىڭ قاراۋىندا بولادى.
3 سول سياقتى، ٴبىز دە بالا كەزىمىزدە وسى دۇنيە قاعيدالارىنىڭ قۇلدىعىندا بولدىق+.
4 ال بەلگىلەنگەن ۋاقىت اياقتالعاندا، قۇداي ٶز ۇلىن جىبەردى. ول ايەلدەن تۋىلدى+ ٵرى زاڭعا باعىنىشتى بولدى+.
5 قۇداي ونى زاڭعا باعىنعانداردى قۇن تولەۋ ارقىلى ازات ەتىپ+، ٴبىزدى ٶزىنىڭ بالالارى ەتۋ ٷشىن جىبەردى+.
6 ەندى سەندەر ونىڭ بالالارى بولعاندىقتان، قۇداي ٶز ۇلىنىڭ بويىندا بار كيەلى رۋحتى+ ٴبىزدىڭ جۇرەگىمىزگە ورنىقتىردى+. وسى رۋح: «اببا*، اكە!»— دەپ شاقىرادى+.
7 ەندەشە سەن ەندى قۇل ەمەس، قۇدايدىڭ بالاسىسىڭ. ال بالاسى بولساڭ، وندا قۇدايدىڭ سەنى مۇراگەر دە ەتكەنى+.
8 قۇدايدى بىلمەي تۇرعاندا، سەندەر جالعان تاڭىرلەردىڭ قۇلى بولىپ كەلدىڭدەر.
9 ال ەندى قۇدايدى بىلگەننەن كەيىن، دۇرىسىن ايتقاندا، قۇداي سەندەردى بىلگەننەن كەيىن، قالايشا بوس+، ەش پايداسىز قاعيدالارعا قايتا ورالىپ، تاعى دا ولارعا قۇل بولعىلارىڭ كەلەدى+؟
10 بەلگىلى ٴبىر كۇندەر، ايلار+، مەزگىلدەر مەن جىلداردى ەرەكشە كورىپ، مۇقيات ۇستانادى ەكەنسىڭدەر.
11 سەندەرگە كومەكتەسۋ ٷشىن تەر توككەنىم زايا كەتتى مە دەپ قورقامىن.
12 باۋىرلاستار، سەندەردەن وتىنەمىن، مەن سياقتى بولىڭدار، سەبەبى ٴبىر كەزدەرى مەن دە سەندەردەي بولعانمىن+. سەندەر ماعان ەش جاماندىق جاساعان جوقسىڭدار.
13 وزدەرىڭە ىزگى حاباردى العاش رەت جاريالاۋعا بارعانىمدا ناۋقاس بولعانىمدى بىلەسىڭدەر.
14 اۋرۋىم سەندەرگە سىناق بولسا دا، ماعان جەككورىنىشپەن نە جيرەنە قاراعان جوقسىڭدار*، قايتا، قۇدايدىڭ پەرىشتەسىندەي، ٴماسىح يسانىڭ وزىندەي قابىلدادىڭدار.
15 سونداعى قۋانىشتارىڭ قايدا؟ ٶزىم كۋامىن، سول كەزدە، مۇمكىن بولسا، كوزدەرىڭدى ويىپ الىپ، ماعان بەرەر ەدىڭدەر+.
16 ال ەندى شىندىقتى ايتقانىم ٷشىن، سەندەرگە جاۋ بولىپ شىقتىم با؟
17 سەندەردى ٶز جاعىنا شىعارۋعا تىرىساتىنداردىڭ نيەتى جاقسى ەمەس. ولار سەندەردى مەنەن اجىراتىپ، وزدەرىنەن ايىرىلماعاندارىڭدى قالايدى.
18 بىرەۋدىڭ سەندەردى ٶز جاعىنا ىزگى نيەتپەن شىعارۋعا تىرىسقانى جاقسى. ٶزىم قاستارىڭدا جۇرگەندە عانا ەمەس، ٵردايىم وسىلاي بولسا،
19 بالالارىم+، بۇل سەندەر ٷشىن جاقسى. مەن سەندەر ٷشىن تاعى دا تولعاق ازابىن شەگۋدەمىن. بويلارىڭنان ٴماسىحتىڭ بولمىسى كورىنگەنشە وسىلاي بولماق.
20 ٴدال قازىر قاستارىڭدا بولىپ، وزدەرىڭمەن جۇمساعىراق سويلەسسەم عوي! سەبەبى سەندەردى تۇسىنە الماي ٴجۇرمىن.
21 زاڭعا باعىنعىسى كەلەتىندەر، ايتىڭدارشى، سول زاڭدا ايتىلعانداردى ەستىپ ٴجۇر ەمەسسىڭدەر مە؟
22 مىسالى، وندا ىبىرايىمنىڭ ەكى ۇلى — ٴبىرى كۇڭنەن+، ەكىنشىسى ەرىكتى ايەلدەن+ — بولعانى جازىلعان عوي.
23 كۇڭنىڭ ۇلى ادەتتەگىدەي تۋىلسا+، ەرىكتى ايەلدىكى قۇدايدىڭ ۋادەسى بويىنشا تۋىلدى+.
24 مۇنىڭ ٴبارىنىڭ استارلى ماعىناسى بار: ەكى ايەل ەكى كەلىسىمدى بىلدىرەدى. ونىڭ ٴبىرى — سيناي تاۋىندا جاسالعان كەلىسىم+، ياعني بالالارىن قۇلدىقتا بولۋ ٷشىن تۋعان اجار.
25 اجار ارابياداعى سيناي تاۋىن+ جانە قازىرگى يەرۋساليمدى بىلدىرەدى، ويتكەنى ول بالالارىمەن بىرگە قۇلدىقتا.
26 ال جوعارىداعى يەرۋساليم ەرىكتى، ٴبىزدىڭ انامىز — سول.
27 كيەلى جازبادا: «قۋان، قۇرساق كوتەرمەگەن بەدەۋ ايەل! تولعاق ازابىن تارتىپ كورمەگەن ايەل، شاتتانا ايعايلا! سەبەبى كۇيەۋى بار ايەلدەن گورى، كۇيەۋى تاستاپ كەتكەن ايەلدىڭ بالالارى كوپ بولادى»،— دەلىنگەن+.
28 ال سەندەر، باۋىرلاستار، ىسقاق سياقتى ۋادە بويىنشا تۋىلعان بالالارسىڭدار+.
29 سول زاماندا ادەتتەگىدەي تۋىلعان بالا رۋح ارقىلى تۋىلعان بالانى قۋدالاعان ەدى+، قازىر دە سولاي+.
30 ٴبىراق كيەلى جازبادا نە ايتىلعان؟ «كۇڭدى ۇلىمەن بىرگە قۋىپ جىبەر، كۇڭنىڭ ۇلى ەرىكتى ايەلدىڭ ۇلىمەن بىرگە مۇراگەر بولماسىن!»+
31 سوندىقتان، باۋىرلاستار، ٴبىز كۇڭنىڭ ەمەس، ەرىكتى ايەلدىڭ بالالارىمىز.
سىلتەمەلەر
^ بۇل ەۆرەي نە ارامەي ٴسوزىنىڭ ماعىناسى «ۋا، اكە!»
^ نەمەسە «جيرەنە تۇكىرگەن جوقسىڭدار».
