ماتاي 4:1—25
4 سوسىن يسا رۋحتىڭ جەتەلەۋىمەن ٴشول دالاعا باردى. سول جەردە ٸبىلىس+ ونى سىنادى+.
2 40 كۇن، 40 ٴتۇن ورازا تۇتقاننان كەيىن، ونىڭ قارنى اشتى.
3 سوندا ازعىرۋشى*+ كەلىپ، وعان: «ەگەر قۇدايدىڭ ۇلى بولساڭ، مىنا تاستار نانعا اينالسىن دەپ بۇيىر»،— دەدى.
4 ٴبىراق يسا: «كيەلى جازبادا «ادام نانمەن عانا ەمەس، ەحوبانىڭ اۋزىنان شىققان ٵربىر سوزىمەن دە ٶمىر ٴسۇرۋى ٴتيىس» دەلىنگەن عوي»،— دەپ جاۋاپ بەردى+.
5 مۇنان سوڭ ٸبىلىس ونى قاسيەتتى قالاعا*+ اپارىپ، عيباداتحانانىڭ توبەسىنە شىعارىپ+:
6 «ەگەر قۇدايدىڭ ۇلى بولساڭ، تومەن قاراي سەكىر، ويتكەنى كيەلى جازبادا «ول سەن تۋرالى پەرىشتەلەرىنە بۇيرىق بەرەدى»، سونداي-اق «اياعىڭدى تاسقا سوعىپ الماۋىڭ ٷشىن، سەنى قولدارىنا الىپ جۇرەدى» دەپ جازىلعان عوي»+،— دەدى.
7 يسا وعان: «ەحوبا قۇدايىڭدى سىناۋشى بولما!» دەپ تە جازىلعان عوي»،— دەپ جاۋاپ قايتاردى+.
8 بۇدان كەيىن ٸبىلىس ونى ٴبىر وتە بيىك تاۋعا اپاردى دا، الەمنىڭ بارلىق پاتشالىقتارى مەن ولاردىڭ ٴسان-سالتاناتىن كورسەتىپ+،
9 بىلاي دەدى: «ەگەر الدىما جىعىلىپ، ماعان ٴبىر رەت تابىنساڭ، وسىنىڭ ٴبارىن ساعان بەرەمىن».
10 سوندا يسا: «كەت قاسىمنان، شايتان! كيەلى جازبادا «ەحوبا قۇدايىڭا عيبادات ەتىپ+، تەك سوعان عانا قىزمەت* ەت!» دەپ جازىلعان عوي»،— دەدى+.
11 سوندا شايتان ونىڭ قاسىنان كەتىپ قالدى+. ال پەرىشتەلەر كەلىپ، وعان قىزمەت كورسەتە باستادى+.
12 يسا جاقيانىڭ تۇتقىندالعانى+ جايلى ەستىپ، عاليلەياعا جول تارتتى+.
13 كەيىن ول نازارەتتەن شىعىپ، زابۋلون مەن نافتاليم ايماقتارىنداعى تەڭىز جاعالاۋىندا ورنالاسقان قاپارناۋمعا+ كەلىپ، سول جەردە تۇردى.
14 وسىلايشا يشايا پايعامبار ارقىلى ايتىلعان مىنا سوزدەر ورىندالدى:
15 «ۋا، تەڭىزگە بارار جولداعى ٵرى يورداننىڭ ارعى جاعىنداعى زابۋلون جەرى مەن نافتاليم جەرى — باسقا ۇلتتار مەكەندەيتىن عاليلەيا!
16 تۇنەكتە وتىرعان حالىق عالامات نۇردى كورىپ، ٶلىم كولەڭكەسىندە وتىرعاندارعا نۇر+ توگىلدى+».
17 سول ۋاقىتتان باستاپ يسا: «كۇنالارىڭا وكىنىڭدەر، ويتكەنى كوك پاتشالىعى تاياپ قالدى»،— دەپ ۋاعىزداۋعا كىرىستى+.
18 عاليلەيا تەڭىزىنىڭ* جاعاسىمەن كەلە جاتىپ، ول پەتىر+ دەپ تە اتالاتىن شيموندى جانە ونىڭ باۋىرى ٵندىردى كوردى. بۇل اعايىندى ەكى جىگىت سۋعا اۋ سالىپ جاتتى. ولار بالىقشىلار ەدى+.
19 يسا ولارعا: «سوڭىمنان ەرىڭدەر، مەن سەندەردى ادام اۋلاۋشى ەتەمىن+»،— دەدى.
20 ولار اۋلارىن تاستاي سالا، ونىڭ سوڭىنان ەردى*+.
21 ول ٵرى قاراي كەتىپ بارا جاتىپ، اعايىندى ەكى جىگىت جاقىپ پەن جوحاندى+ دا كوردى. ولار اكەسى زەبەدەيمەن بىرگە قايىقتا اۋ جاماپ وتىرعان ەدى. يسا ولاردى دا شاقىردى+.
22 ەكەۋى سول زاماتتا قايىقتارىن دا، اكەلەرىن دە تاستاپ، ونىڭ سوڭىنان ەردى.
23 سوسىن ول بۇكىل عاليلەيا ايماعىن ارالاپ+، ٴماجىلىسحانالاردا*+ ٴتالىم بەرىپ، پاتشالىق تۋرالى ىزگى حاباردى ۋاعىزداپ، ادامداردى ٴتۇرلى اۋرۋ-سىرقاۋدان ساۋىقتىرىپ ٴجۇردى+.
24 ول تۋرالى حابار بۇكىل سيرياعا تاراپ، جۇرت وعان ٵرتۇرلى دەرتتەن قاتتى قينالعانداردىڭ ٴبارىن+ — بويىن جىن بيلەگەندەردى+، قويانشىق اۋرۋى بارلاردى+ جانە سال بولعانداردى — اكەلىپ جاتتى، ال يسا ولاردى ايىقتىردى.
25 سوندىقتان عاليلەيا، دەكاپوليس*، يەرۋساليم، ياھۋدەيا مەن يورداننىڭ ارعى بەتىنەن قالىڭ جۇرت ونىڭ سوڭىنان ەرىپ ٴجۇردى.
سىلتەمەلەر
^ نەمەسە «ٵزازىل».
^ ياعني يەرۋساليمگە.
^ سوزبە-ٴسوز «قاسيەتتى قىزمەت». تۇسىندىرمەدەگى «قاسيەتتى» ٴسوزىن قاراڭىز.
^ «گەنەسارەت كولى»، «كينەرەت تەڭىزى»، «تيبەريا تەڭىزى» دەپ تە اتالادى.
^ مۇندا «سوڭىنان ەرۋ» دەگەن تىركەس يسانىڭ ٸزباسارى بولۋ ماعىناسىندا قولدانىلعان.
^ تۇسىندىرمەنى قاراڭىز.
^ نەمەسە «ون قالا ٶڭىرى».
