ناقىل سوزدەر 14:1—35
14 اقىلدى ايەل شاڭىراعىن نىعايتار+،اقىلسىز ايەل ونى ٶز قولىمەن ويران قىلار.
2 تۋرا جولمەن جۇرگەن ادام ەحوبادان قورقادى،قيسىق جولعا تۇسكەن ونى مەنسىنبەيدى.
3 اقىماقتىڭ تاكاپپار ٴتىلى تاياق بوپ تيەر،ال دانانىڭ اۋزى وزىنە قورعانىش بولار.
4 مالى جوق ٷيدىڭ ناۋاسى تازا تۇرادى،ال بۇقانىڭ كۇشىمەن مول ٶنىم جينالادى.
5 ادال كۋاگەر وتىرىك ايتپايدى،جالعان كۋاگەردىڭ ٵربىر ٴسوزى — وتىرىك+.
6 مىسقىلشىل دانالىق ىزدەگەنمەن تاپپايدى،تۇسىنىگى بار ادام ٴبىلىمدى قاعىپ الادى+.
7 اۋلاق ٴجۇر ناداننىڭ قاسىنان،ٴبىلىم تاپپاسسىڭ+ ونىڭ اۋزىنان.
8 پاراساتتى دانالىقپەن ٶز جولىن بىلەدى،ال اقىماق ٶز اقىماقتىعىمەن اداسادى*+.
9 نادان قاتەنى مويىنداۋدى* كۇلكى قىلار+،ٵدىل جان تاتۋلىققا ۇمتىلار.
10 ٶز قايعىسى جۇرەكتىڭ وزىنە ايان،قۋانىشىن دا تۇسىنبەس باسقا جان.
11 زۇلىمنىڭ ٷيى كۇيرەيدى+،ٵدىلدىڭ* كەرەگەسى كەڭەيەدى.
12 ادامعا تۋرا بولىپ كورىنەتىن جول بار+،ٴبىراق تۇبىندە ول ولىمگە اپارادى+.
13 كۇلگەندە دە، جۇرەك سىزدار،كۇلكىنىڭ سوڭى قايعىعا ۇلاسار.
14 وپاسىز ٶز جولىنىڭ زاردابىن تارتادى+،جاقسى ادام ٸس-ارەكەتىنىڭ جەمىسىن كورەدى+.
15 اڭعال* ٵربىر سوزگە سەنەدى،پاراساتتى ٵر قادامىن ويلاپ باسادى+.
16 دانا ساق ٵرى جاماندىقتان اۋلاق،اقىماق بەيقام* ٵرى وزىنە تىم سەنىمدى.
17 اشۋشاڭ اقىماقتىق جاسار+،ويلانىپ-تولعاناتىن جەككورىنىشتى بولار.
18 اڭعالدىڭ* ۇلەسىنە اقىماقتىق تيەر،پاراساتتى ٴبىلىمدى باسىنا ٴتاج ەتىپ كيەر+.
19 جاماندار جاقسىنىڭ الدىندا باس يەر،زۇلىمدار ٵدىلدىڭ قاقپاسىنىڭ الدىندا تاعزىم ەتەر.
20 كەدەيدى ٴتىپتى جاقىن ادامى جەك كورەر+،ال بايدىڭ دوستارى كوپ بولار+.
21 ماڭايىنداعى ادامدى جاقتىرمايتىن كۇنا جاسايدى،بەيشاراعا جاناشىرلىق تانىتقان باقىتتى+.
22 زۇلىمدىق ويلاستىراتىن اداسپاي ما؟!
يگىلىك ويلايتىنعا مەيىرىم* مەن ادالدىق تانىتىلار+.
23 ٵر بەينەتتىڭ زەينەتى بار،قۇر ٴسوز جوقشىلىققا ۇشىراتار+.
24 دانانىڭ الار ٴتاجى — بايلىق،اقىماقتىڭ الار ۇلەسى — ناداندىق+.
25 ادال كۋاگەر ادامنىڭ جانىن ساقتار،جالعان كۋاگەردىڭ اۋزىنان تەك وتىرىك شىعار.
26 ەحوبادان قورىققان وعان نىق سەنىم ارتادى+،ال ونىڭ بالالارى پانا تابادى+.
27 ەحوبادان قورقۋ — ٶمىر بۇلاعى،ادامدى ٶلىم تۇزاعىنان ساقتايدى.
28 حالىقتىڭ كوپتىگى — پاتشانىڭ سالتاناتى+،ال ونىڭ ازدىعى — بيلەۋشىنىڭ كۇيرەگەنى.
29 اشۋعا باياۋ ٵر نارسەنىڭ پارقىن ايىرادى+،شىدامسىز اقىماقتىعىن پاش ەتەدى+.
30 جۇرەكتەگى تىنىشتىق تانگە شيپا بولار،ال قىزعانىش سۇيەكتى شىرىتەر+.
31 بەيشارانى الداعان ونىڭ جاراتۋشىسىن قورلايدى+،جارلىعا جاناشىرلىق كورسەتكەنجاراتقاندى ماداقتايدى+.
32 زۇلىمدى زۇلىمدىعى قۇلاتار،ٵدىلدىڭ مىنسىزدىگى وعان پانا بولار+.
33 دانالىق تۇسىنىگى باردىڭ جۇرەگىندە تىنىش جاتار+،ال اقىماقتاردىڭ اراسىندا جاريا بولار.
34 ادىلدىك حالىقتىڭ مارتەبەسىن اسىرادى+،كۇنا بولسا ەلدى ابىرويىنان ايىرادى.
35 پاتشا تۇسىنىكپەن ارەكەت ەتەتىن قىزمەتشىگە ريزا بولادى+،ال ارسىز قىزمەتشىگە قاھارىن توگەدى+.
سىلتەمەلەر
^ مۇمكىن: «اداستىرادى».
^ نەمەسە «تۇزەتۋدى».
^ نەمەسە «تۋرا ٴجۇرىپ-تۇراتىننىڭ».
^ نەمەسە «تاجىريبەسىز».
^ نەمەسە «ىزاقور».
^ نەمەسە «تاجىريبەسىزدىڭ».
^ نەمەسە «اينىماس سۇيىسپەنشىلىك».
