يشايا 33:1—24
33 ەي، ٶزى ٵلى جويىلماعان قىرىپ-جويۋشى+،وزىنە ٵلى وپاسىزدىق جاسالماعان وپاسىز، سەن قاسىرەتكە قالاسىڭ!
قىرىپ-جويىپ بىتكەنىڭدە، ٶزىڭ دە جويىلاسىڭ+.
وپاسىزدىق جاساپ بىتكەنىڭدە، وزىڭە دە وپاسىزدىق جاسالادى.
2 ۋا، ەحوبا، ىقىلاسىڭدى تۇسىرە كورشى+،ٴبىز ساعان ٷمىت ارتامىز.
كۇندە تاڭەرتەڭ كۇش-قۋاتىمىز بولشى+،ٴيا، قيىن شاقتاردا قۇتقارۋشىمىز بولشى+.
3 كۇركىرەگەن داۋسىڭنان حالىقتار قاشا جونەلەدى،تۇرەگەلگەنىڭدە، ۇلتتار بىتىراپ كەتەدى+.
4 حالقىڭنىڭ ولجاسى وبىر شەگىرتكەلەر جالماعانداي تالان-تاراجعا سالىنادى؛جۇرت وعان ٷيىرلى شەگىرتكەدەي لاپ قويادى.
5 ەحوبا اسقاقتايدى،سەبەبى زاڭعار كوكتە مەكەندەيدى.
ول سيوندا ادىلدىك ورناتادى.
6 قۇداي سەنىڭ زامانىڭدا تۇراقتىلىق سيلايدى،ونىڭ قازىناسى*: زور قۇتقارىلۋ+، دانالىق، ٴبىلىم جانە ەحوبادان قورقۋ+.
7 مىنە، ولاردىڭ باتىرلارى كوشەدە ايقايلاپ جاتىر،ٴبىتىم جاساسۋعا جىبەرىلگەن حابارشىلارى زار يلەپ جاتىر.
8 داڭعىل جولدار بوس قالدى،جولداردا ەشقانداي جولاۋشى جوق.
جاۋ كەلىسىمدى بۇزدى،قالالاردى مەنسىنبەدى.
ول ەشكىمدى ادام قۇرلى كورمەيدى+.
9 ەل زار يلەپ جوقتاپ جاتىر*، ابدەن تيتىقتادى.
ليۆان ماسقارا بولدى+، قۇرىپ كەتتى.
سارون قۇلا تۇزگە ۇقسادى،باشان مەن كارميل جاپىراقتارىن تاستادى+.
10 ەحوبا بىلاي دەيدى: «ەندى مەن تۇرەگەلەمىن،ەندى مەن اسقاقتايمىن+، داڭقىمدى اسىرامىن.
11 سەندەر قۋراعان شوپكە جۇكتى بولىپ، دۇنيەگە سابان اكەلەسىڭدەر.
ٶز پيعىلدارىڭ وت ىسپەتتى سەندەردى جالماپ قويادى+.
12 حالىقتار كۇيدىرىلگەن اكتاستاي بولادى.
ولار شاۋىپ تاستالعان تىكەندەي، وتقا جاعىلادى+.
13 ەي، الىستاعىلار، مەنىڭ نە ىستەيتىنىمدى تىڭداڭدار!
ەي، جاقىنداعىلار، مەنىڭ قۇدىرەتىمدى مويىنداڭدار!
14 سيونداعى كۇناكارلاردى ۇرەي بيلەدى+،قۇدايدان بەزگەندەر دىردەك قاعىپ:
—ارامىزدا كىم جالمايتىن وتتىڭ جانىندا ٶمىر سۇرە الادى+؟
كىم سونبەيتىن وتتىڭ قاسىندا ٶمىر سۇرە الادى؟— دەيدى.
15 مۇنى ادىلدىك جولىنان تايمايتىن+،تۋرالىقتى ايتاتىن+،ارام پايدادان باس تارتاتىن،پارا الۋ ٷشىن قولىن سوزبايتىن+،قانتوگىس جايلى اڭگىمەنى تىڭداماي، قۇلاعىن بىتەيتىن،جامان نارسەنى كورمەۋ ٷشىن كوزىن جۇماتىن ادام ىستەي الادى.
16 ول بيىك تاۋلاردا ٶمىر سۇرەدى،جارتاستاعى قامالدى وزىنە پانا ەتەدى،ول جەيتىن نانسىز قالمايدى،ىشەتىن سۋى ەش سارقىلمايدى+».
17 سەنىڭ كوزدەرىڭ ٴسان-سالتاناتقا كەنەلگەن پاتشانى،شالعايداعى ەلدى كورەتىن بولادى،
18 سەن بويىڭدا ۇرەي تۋدىرعان جايتتى ەسكە الىپ:
«حاتشى قايدا؟
الىم تولەيتىن ادام قايدا+؟
مۇنارالاردى سانايتىن ادام قايدا؟»— دەيسىڭ.
19 سەن بۇدان بىلاي تىلدەرى تۇسىنىكسىز،سوزدەرىن ۇعىنۋ قيىن، ورەسكەل حالىقتى كورمەيسىڭ+.
20 مەيرامدارىمىزدى تويلايتىن سيون قالاسىنا قاراشى+!
سەن يەرۋساليمدى، جايباراقاتتىق ورناعان مەكەندى،ەشقاشان قوزعالمايتىن شاتىردى ٶز كوزىڭمەن كورەسىڭ+.
ونىڭ قازىقتارى ەشقاشان سۋىرىلمايدى،جىپتەرىنىڭ ەشقايسىسى ۇزىلمەيدى.
21 ايبىندى قۇداي ەحوبا ٴبىز ٷشىنوزەندەرى مەن شالقار سالالارى بار ولكە ىسپەتتى بولادى.
ول جەردەن بىردە-ٴبىر اسكەري كەمە كەرۋەنى دە،ەشقانداي الىپ كەمەلەر دە ٴجۇزىپ وتپەيدى.
22 ويتكەنى ەحوبا — تورەشىمىز+،ەحوبا — زاڭ شىعارۋشىمىز+،ەحوبا — پاتشامىز+.
ٴبىزدى قۇتقاراتىن — سول+.
23 جاۋ كەمەلەرىنىڭ ارقاندارى بوساپ كەتەدى،دىڭگەكتەرىن دە مىقتاپ ۇستاي المايدى، جەلكەندەرى دە جايىلماي قالادى.
سول كەزدە اعىل-تەگىل ولجا بولىسكە تۇسەدى؛ٴتىپتى اقساقتار دا مول ۇلەس الادى+.
24 ەشكىم*: «مەن ناۋقاسپىن»،— دەمەيتىن بولادى+.
ەل تۇرعىندارىنىڭ كۇنالارى كەشىرىلەدى+.
سىلتەمەلەر
^ مۇمكىن: «ونىڭ بەرەتىن قازىناسى».
^ مۇمكىن: «كەۋىپ قالدى».
^ نەمەسە «ەشبىر تۇرعىن».
