يشايا 54:1—17
54 —ەي، قۇرساق كوتەرمەگەن بەدەۋ ايەل، قۋانا داۋىستا+!
ەشقاشان تولعاق ازابىن كورمەگەن ايەل+، شاتتان، قۋانا ايعايلا+!
سەبەبى كۇيەۋى* بار ايەلدەن گورى،كۇيەۋى تاستاپ كەتكەن ايەلدىڭ بالالارى كوپ بولادى+،— دەيدى ەحوبا.
2 —شاتىرىڭدى كەڭەيت+،ۇلكەن شاتىرىڭنىڭ جاپقىشىن كەڭىرەك جاي.
جىپتەرىن بارىنشا ۇزارت،قازىقتارىن نىعايت+.
3 سەن شەگارالارىڭدى وڭعا دا، سولعا دا كەڭەيتەسىڭ.
ال ۇرپاقتارىڭ ۇلتتارعا يەلىك ەتىپ،قاڭىراپ بوس قالعان قالالارعا قونىس تەبەدى+.
4 ەش قورىقپا+، ويتكەنى سەن ۇياتقا قالمايسىڭ+،ەش ارلانبا، ويتكەنى ٷمىتىڭ اقتالماي قالمايدى.
جاس كۇنىڭدە ۇياتقا قالعانىڭدى ۇمىتاسىڭ،جەسىر قالىپ ماسقارا بولعانىڭدى ەندى قايتىپ ەسىڭە المايسىڭ.
5 سەنىڭ ۇلى جاراتۋشىڭ+ كۇيەۋىڭ* ىسپەتتى+،ونىڭ ەسىمى — اسكەرباسى ەحوبا.
يسرايلدىڭ كيەلى قۇدايى — قۇنىڭدى وتەۋشى+.
ول جەرجۇزىنىڭ قۇدايى دەپ اتالاتىن بولادى+.
6 ەحوبا سەنى كۇيەۋى تاستاپ، جان ازابىنا تۇسكەن،جاس كۇنىندە تۇرمىس قۇرىپ، كەيىن كۇيەۋى تالاق ەتكەن ايەلدى شاقىرعانداي شاقىرىپ الدى+،— دەيدى سەنىڭ قۇدايىڭ.
7 —مەن سەنى از ۋاقىتقا تاستاپ كەتتىم،ٴبىراق زور مەيىرىممەن قايتارىپ اكەلەمىن+.
8 قاھارىمدى توككەندە، از ۋاقىتقا سەنەن ٴجۇزىمدى جاسىرعان ەدىم+،ٴبىراق ماڭگىلىك اينىماس سۇيىسپەنشىلىگىممەن ساعان مەيىرىم تانىتامىن+،— دەيدى قۇنىڭدى وتەۋشى+ ەحوبا.
9 —مەن ٷشىن بۇل نۇحتىڭ زامانىنا ۇقسايدى+.
سوندا ەندى قايتىپ جەر بەتىن توپان سۋ قاپتامايدى دەپ انت ەتكەنىمدەي+،ەندى قايتىپ ساعان قاھارىمدى توكپەيمىن، جازالامايمىن دەپ انت ەتەمىن+.
10 تاۋلار ورنىنان قوزعالار،قىرلار شايقالار،ال مەنىڭ ساعان دەگەن اينىماس سۇيىسپەنشىلىگىم سۋىمايدى+،تاتۋلىق كەلىسىمىم مىزعىمايدى+،— دەيدى ساعان مەيىرىن تۇسىرگەن ەحوبا+.
11 —ەي، بەيشارا ايەل+! داۋىل سابالاعان، جۇبانىش كورمەگەن ايەل+!
مەن تاستارىڭدى مىقتى ەرىتىندىمەن،ىرگەتاسىڭدى جاقۇتپەن قالايمىن+.
12 دۋالىڭداعى مۇنارالاردى لاعىلدان،قاقپالارىڭدى شوقتاي قىزىل تاستاردان،شەگارا اتاۋلىڭدى اسىل تاستاردان جاسايمىن.
13 بالالارىڭنىڭ ٴبارى ەحوبادان ٴتالىم الادى+.
ولاردىڭ تىنىشتىعى ۇشان-تەڭىز بولادى+.
14 سەن ادىلدىكتى بەرىك نەگىز قىلاسىڭ+.
قىسىمشىلىقتىڭ نە ەكەنىن بىلمەيتىن بولاسىڭ+،سەنى ەشتەڭە قورقىتپايدى، شوشىتپايدى دا.
مۇنداي نارسە ساعان جولامايدى+.
15 بىرەۋ ساعان شابۋىلداسا،ول مۇنى مەنىڭ بۇيىرۋىممەن جاسامايدى.
ساعان شابۋىل جاسايتىنداردىڭ ٴبارى جەڭىلىسكە ۇشىرايدى+.
16 ٴبىلىپ قوي، الاۋلاعان شوقتاردى ۇرلەپ،قارۋ جاسايتىن ۇستانى ٶزىم جاراتقانمىن.
تالقانداۋ ٷشىن قىرىپ-جوياتىن ادامدى دا مەن جاراتتىم+.
17 ساعان قارسى جاسالعان ەشبىر قارۋ جەڭىسكە جەتپەيدى+.
سەن سوتتا وزىڭە قارسى سويلەگەن كەز كەلگەن ٴتىلدى ايىپتايسىڭ.
ەحوبانىڭ قىزمەتشىلەرى يە بولاتىن مۇرا — مىنە، وسى.
مەن ولاردى ٵدىل دەپ سانايمىن،— دەيدى ەحوبا+.
