يشايا 61:1—11
61 الەمنىڭ ٵمىرشىسى ەحوبا ماعان رۋحىن قوندىردى+،ويتكەنى ەحوبا مەنى مومىندارعا ىزگى حاباردى جاريالاۋعا تاعايىندادى+.
ول مەنى جۇرەگى جارالىلاردى ساۋىقتىرۋعا جىبەردى،تۇتقىندار بوساتىلاتىنىن،قاماۋدا وتىرعانداردىڭ كوزدەرى اشىلاتىنىن+،
2 ەحوبانىڭ ىقىلاس تۇسىرەتىن جىلىن،قۇدايىمىزدىڭ كەك الاتىن كۇنىن جاريالاۋعا جىبەردى+.
قايعىرىپ جۇرگەندەردىڭ ٴبارىن جۇباتۋعا+،
3 سيوندى ويلاپ قايعىرىپ جۇرگەندەرگەباستارىنا شاشقان كۇل ورنىنا اشەكەيلى باسكيىم بەرۋگە،قايعى ورنىنا قۋانىش مايىن جاعۋعا،مۇڭلى رۋح ورنىنا داڭققا بولەيتىن كيىم كيگىزۋگە جىبەردى.
ولار ادىلدىكتىڭ الىپ اعاشتارى،ٶزىن ماداقتاۋ ٷشىن وتىرعىزعان ەحوبانىڭ كوشەتى دەپ اتالاتىن بولادى+.
4 ولار ەجەلگى ۇيىندىلەردى قايتا سالادى،بۇرىننان قاڭىراپ جاتقان جەرلەردى قالپىنا كەلتىرەدى+،قيراپ جاتقان قالالاردى قايتا تۇرعىزادى+،ۇرپاقتان ۇرپاققا بوس جاتقان جەرلەردى قالپىنا كەلتىرەدى+.
5 «جاتجەرلىكتەر كەلىپ، وتارلارىڭدى باعادى،شەتەلدىكتەر+ ەگىنشىلەرىڭ مەن جۇزىمشىلەرىڭ بولادى+.
6 ال سەندەر ەحوبانىڭ ٴدىني قىزمەتكەرلەرى دەپ اتالاسىڭدار+.
ولار سەندەردى قۇدايىمىزدىڭ قىزمەتشىلەرى دەپ اتايدى.
سەندەر حالىقتاردىڭ بايلىقتارىمەن تاماقتانىپ+،سولاردان كەلگەن قازىنالاردى ماقتان تۇتاسىڭدار.
7 مەنىڭ حالقىم ماسقارالىق ورنىنا ەكى ەسە ۇلەس الادى،قورلىق ورنىنا العان ۇلەستەرىنە قۋانىپ ٵن سالادى.
ٴيا، ولار ٶز ەلدەرىندە ەكى ەسە ۇلەس الادى+،ماڭگىلىك قۋانىشقا كەنەلەدى+.
8 سەبەبى مەن، ەحوبا، ادىلدىكتى جاقسى كورەمىن+،ال توناۋشىلىق پەن ادىلەتسىزدىكتى جانىم سۇيمەيدى+.
مەن حالقىما ادالدىقپەن قارىمتاسىن قايتارامىن،ولارمەن ماڭگىلىك كەلىسىم جاساسامىن+.
9 ولاردىڭ ۇرپاقتارى ۇلتتار اراسىندا تانىمال+،ٷرىم-بۇتاعى حالىقتار اراسىندا بەلگىلى بولادى.
كورگەندەردىڭ ٴبارى ولاردىڭ ەحوبا جارىلقاعان ۇرپاق ەكەنىن بىلەتىن بولادى+».
10 مەن ەحوبانى ويلاپ شات-شادىمان بولامىن.
قۇدايىمدى ويلاپ جان-تانىممەن قۋانامىن+.
ويتكەنى ول ماعان قۇتقارۋىن كيىم ەتىپ كيگىزدى+،ادىلدىكتى شاپان ەتىپ جاپتى؛مەنى ٴدىني قىزمەتكەر سياقتى، شالما وراعان+ كۇيەۋجىگىتتەي،اشەكەيلەرىن تاعىنعان قالىڭدىقتاي ساندەندىردى.
11 جەر وزىنەن وسكىن شىعارادى،باق تا سەبىلگەن ٴداندى وسىرەدى.
تاپ سولاي الەمنىڭ ٵمىرشىسى ەحوبا داكۇللى ۇلتتار الدىندا ادىلدىك+ پەن ماداقتى قاۋلاتادى+.
