ٴزابۇر 102:1—28
قىسىم كورىپ، بويىن ۇمىتسىزدىك بيلەگەن ادامنىڭ ەحوبانىڭ الدىندا مۇڭىن شاققان دۇعاسى+.
102 ۋا، ەحوبا، دۇعامدى ەستىشى+،كومەك سۇراپ جالبارىنعان داۋسىم ساعان جەتسىنشى+.
2 قينالعان شاعىمدا ٴجۇزىڭدى جاسىرماشى+،ەڭكەيىپ ماعان قۇلاق سالشى،شاقىرعانىمدا تەزىرەك جاۋاپ قاتشى+.
3 ويتكەنى كۇندەرىم تۇتىندەي سەيىلىپ بارادى،سۇيەكتەرىم قىزعان شوقتاي الاۋلايدى+.
4 تاماققا تابەتىم بولماي،جۇرەگىم قان جىلاپ، شوپتەي قۋراپ قالدى+.
5 قاتتى قينالىپ ىڭقىلداعانىمنان+
جۇدەپ، تەرىم سۇيەگىمە جابىسىپ قالدى+.
6 مەن قۇلا تۇزدەگى بىرقازانعا،ۇيىندىلەر اراسىنداعى بايعىزعا ۇقسايمىن.
7 كوز ىلمەي وياۋ جاتامىن*،ٷي توبەسىندەگى جالعىز قۇس سياقتىمىن+.
8 دۇشپاندارىم كۇنۇزاققا مەنى قورلايدى+،مازاق قىلىپ، مەنىڭ اتىممەن قارعانادى.
9 كۇلدى نان سياقتى جەيمىن+،سۋسىنىما كوز جاسىمدى ارالاستىرىپ ىشەمىن+.
10 سەن اشۋ شاقىرىپ، كارىڭدى توككەندىكتەن وسىلاي ىستەيمىن.
لاقتىرىپ تاستاۋ ٷشىن سەن مەنى جوعارى كوتەردىڭ.
11 كۇندەرىم جوعالىپ بارا جاتقان كولەڭكەدەي+،مەن شوپتەي قۋراپ بارامىن+.
12 ال سەن، ۋا، ەحوبا، ماڭگى بار بولاسىڭ+،ەسىمىڭ ۇرپاقتان ۇرپاققا جالعاسادى+.
13 ورنىڭنان تۇرەگەلىپ، مىندەتتى تۇردە سيونعا مەيىرىمدىلىك تانىتاسىڭ+،ويتكەنى وعان ىقىلاسىڭدى تۇسىرەتىن ۋاقىت كەلدى+.
بەلگىلەنگەن ۋاقىت كەلىپ جەتتى+.
14 قىزمەتشىلەرىڭ ونىڭ تاستارىنان قۋانىش تاپتى+،توپىراعىن دا جاقسى كورىپ كەتتى+.
15 كۇللى ۇلتتار ەحوبانىڭ ەسىمىنەن قورقاتىن بولادى،جەر بەتىنىڭ بارلىق پاتشالارى دا ونىڭ ۇلىلىعىنان قايمىعادى+.
16 ويتكەنى ەحوبا سيوندى قايتا تۇرعىزادى+،قۇداي ٶز سالتاناتىمەن پايدا بولادى+.
17 ول قارىپ-قاسەرلەردىڭ دۇعاسىنا دەن قويادى+،ولاردىڭ ٴمىناجاتىن ەلەۋسىز قالدىرمايدى+.
18 بۇل كەلەشەكتە پايدا بولاتىن حالىق ەحوبانى* ماداقتاسىن دەپ،كەلەر ۇرپاق ٷشىن جازىلدى+.
19 ويتكەنى ەحوبا زاڭعار بيىكتەگى كيەلى ورنىنان تومەن قارايدى+،كوكتەن جەرگە كوز تاستايدى.
20 مۇنى تۇتقىندا وتىرعان ادامنىڭ كۇرسىنىسىن ەستۋ ٷشىن+،ولىمگە كەسىلگەندەردى بوساتۋ ٷشىن جاسايدى+.
21 سوندا سيوندا ەحوبانىڭ ەسىمى جاريالانادى+،يەرۋساليمدە داڭقى ارتادى.
22 بۇل حالىقتار مەن پاتشالىقتارەحوباعا قىزمەت ەتۋ ٷشىن جينالعاندا جۇزەگە اسادى+.
23 ول مەنى قاۋقارىمنان تىم ەرتە ايىردى،كۇندەرىمدى قىسقارتتى.
24 سوندا مەن بىلاي دەدىم: «ۋا، قۇدايىم،سەن ماڭگى بار بولاتىن قۇدايسىڭ+،ٶمىرىمدى بەل ورتاسىنان ۇزە كورمەشى.
25 سەن اتام زاماندا جەردىڭ نەگىزىن قالادىڭ،اسپاندى دا ٶز قولىڭمەن جاراتتىڭ+.
26 ولار قۇرىپ كەتەدى، ٴبىراق سەن قالاسىڭ.
اسپان مەن جەر كيىم ىسپەتتى توزادى،سەن ولاردى كويلەك ىسپەتتى اۋىستىراسىڭ، سوندا ولار جوق بولادى.
27 ال سەن ەش وزگەرمەيسىڭ، عۇمىرىڭ دا ەش تاۋسىلمايدى+.
28 قىزمەتشىلەرىڭنىڭ بالالارى قاۋىپسىز ٶمىر سۇرەدى،ولاردىڭ ۇرپاقتارى دا الدىڭدا قاۋىپسىز عۇمىر كەشەدى+».
سىلتەمەلەر
^ مۇمكىن: «ابدەن جۇدەپ-جادادىم».
^ سوزبە-ٴسوز «ياح». ياح — ەحوبا دەگەن ەسىمنىڭ قىسقا ٴتۇرى.
