ٴزابۇر 132:1—18
قالاعا ورلەپ بارا جاتقاندا ايتىلاتىن ٵن.
132 ۋا، ەحوبا، ٴداۋىتتى دە،ونىڭ كورگەن بار قيىندىعىن دا+ ەسىڭدە ساقتاشى.
2 ەحوباعا بەرگەن انتىن،جاقىپتىڭ قۇدىرەتتى قۇدايىنا بەرگەن مىنا ۋادەسىن+ ۇمىتپاشى:
3 «مەن شاتىرىما، ٶز ۇيىمە+ كىرمەيمىن،توسەگىمە دە جاتپايمىن.
4 كوزىمنىڭ ىلىنۋىنە،كىرپىكتەرىمنىڭ ايقاسۋىنا جول بەرمەيمىن،
5 ەحوباعا ٷي سالاتىن جەر تاپپايىنشا،جاقىپتىڭ قۇدىرەتتى قۇدايىنا تۇراق تاپپايىنشا تىنىم كورمەيمىن+».
6 مىنە، ٴبىز ول تۋرالى ەفراتادا+ ەستىدىك،ونى ورماندى دالادان تاپتىق+.
7 جۇرىڭدەر، قۇدايدىڭ تۇراعىنا كىرەيىك+،ونىڭ تابان تىرەنىشىنە بارىپ، تاعزىم ەتەيىك+.
8 ۋا، ەحوبا، ورنىڭنان تۇرىپ، تۇراعىڭا كەلشى+،ٶزىڭ دە، كۇشىڭدى بەينەلەيتىن ساندىعىڭ دا سوندا بولسىنشى+.
9 لايىم ٴدىني قىزمەتكەرلەرىڭ ادىلدىكتى كيىمدەي كيسىن،ادال قىزمەتشىلەرىڭ قۋانا اندەتسىن.
10 قىزمەتشىڭ ٴداۋىت ٷشىن مايلانعانىڭنان ٴجۇزىڭدى تەرىس بۇرماشى+.
11 ەحوبا داۋىتكە انت بەردى،ٵرى مىنا سوزىنەن باس تارتپايدى:
«وزىڭنەن تاراعان ۇرپاعىڭنىڭ ٴبىرىنسەنىڭ تاعىڭا وتىرعىزامىن+.
12 ۇلدارىڭ مەنىڭ كەلىسىمىمنەن تايماسا،ٶزىم ۇيرەتكەن ەسكەرتۋلەرىمدى ۇستانسا+،ولاردىڭ ۇلدارى دا ماڭگى وتىرادى سەنىڭ تاعىڭدا+».
13 ويتكەنى ەحوبا سيوندى تاڭدادى+،ونى ٶز تۇراعى ەتۋدى قالاپ+ بىلاي دەدى:
14 «مەن وسىندا ماڭگى تۇراتىن بولامىن،وسى جەردە مەكەندەيمىن+، ويتكەنى مەن وسىنى قالايمىن.
15 مەن ونى مول اسپەن جارىلقايمىن،جارلىلارىن نانعا تويدىرامىن+.
16 ٴدىني قىزمەتكەرلەرىنە قۇتقارىلۋدى كيىمدەي كيگىزەمىن+،وزىمە ادال جاندار قۋانا اندەتەدى+.
17 سول جەردە ٴداۋىتتىڭ كۇشىن ارتتىرامىن.
مەن مايلانعانىما شىراعدان دايارلاپ قويعانمىن+.
18 جاۋلارىن ۇياتقا قالدىرامىن،ال ونىڭ باسىنداعى ٴتاجىن جارقىراتامىن+».
