ٴزابۇر 138:1—8
ٴداۋىتتىڭ جىرى.
138 بار جۇرەگىممەن، قۇدايىم، ٶزىڭدى ماداقتايمىن+،باسقا قۇدايلاردىڭ الدىندا وزىڭە ماداق ٵنىن ايتامىن*.
2 كيەلى عيباداتحاناڭا قاراپ تاعزىم ەتەمىن+،اينىماس سۇيىسپەنشىلىگىڭ مەن ادالدىعىڭ ٷشىن ەسىمىڭدى دارىپتەيمىن+.
ويتكەنى سەن ٴسوزىڭ مەن ەسىمىڭدى ٴبارىنىڭ ۇستىنەن اسقاقتاتتىڭ*.
3 ٶزىڭدى شاقىرعان كۇنى ماعان جاۋاپ بەردىڭ+؛بويىما باتىلدىق، كۇش دارىتتىڭ+.
4 ۋا، ەحوبا، جەردىڭ بارلىق پاتشالارى سەنى ماداقتايدى+،ويتكەنى بەرگەن ۋادەلەرىڭ قۇلاقتارىنا جەتتى.
5 ولار ەحوبانىڭ جولدارى جايلى ٵن شىرقايدى،ويتكەنى ەحوبانىڭ ۇلىلىعى زور+.
6 ەحوبا جوعارى بولسا دا، كىشىپەيىل جاندى بايقايدى+،ال تاكاپپار ادامدى ماڭىنا جۋىتپايدى+.
7 قاۋىپ-قاتەردىڭ ورتاسىندا جۇرسەم دە، سەن مەنى امان ساقتايسىڭ+.
اشۋلى جاۋلارىما قولىڭدى سوزاسىڭ،مەنى وڭ قولىڭمەن قۇتقاراسىڭ.
8 ەحوبا ماعان دەگەن نيەتىن تولىق جۇزەگە اسىرادى.
ۋا، ەحوبا، سەنىڭ اينىماس سۇيىسپەنشىلىگىڭ ماڭگى+،قولىڭنان شىققان جاراتىلىسىڭنان باس تارتپاشى+.
سىلتەمەلەر
^ مۇمكىن: «باسقا قۇدايلارعا قارسى تۇرىپ، وزىڭە ٵن-كۇي ارنايمىن».
^ مۇمكىن: «ٴسوزىڭدى ٴتىپتى ٶز ەسىمىڭنەن جوعارى اسقاقتاتتىڭ».
