ٴزابۇر 44:1—26
ٵن-كۇي جەتەكشىسىنە. قوراح ۇلدارىنىڭ جىرى+. ماسكيل*.
44 ۋا، قۇداي، ٴبىز ٶز قۇلاعىمىزبەن ەستىدىك،اتا-بابالارىمىز ايتىپ جەتكىزدى+.
سولاردىڭ زامانىندا، بايىرعى زاماندا، ىستەگەن ىستەرىڭ قۇلاعىمىزعا جەتتى.
2 سەن قۇدىرەتتى قولىڭمەن حالىقتاردى قۋىپ شىقتىڭ+،ال ورنىنا اتا-بابامىزدى قونىستاندىردىڭ+.
سەن حالىقتاردى تالقانداپ، قۋىپ تاستادىڭ+.
3 بابالارىمىز بۇل جەردى ٶز سەمسەرلەرىنىڭ جۇزىمەن يەمدەنگەن جوق+،جەڭىسكە دە ٶز بىلەكتەرىنىڭ كۇشىمەن جەتكەن جوق+.
مۇنى ىستەگەن — سەنىڭ وڭ قولىڭ، بىلەگىڭنىڭ كۇشى+ ٵرى ٴجۇزىڭنىڭ نۇرى.
ٴيا، سەن مۇنى ولارعا وڭ كوزبەن قاراعاندىقتان ىستەدىڭ+.
4 ۋا، قۇداي، سەن مەنىڭ پاتشامسىڭ+!
جاقىپقا تۇبەگەيلى جەڭىس سيلاشى.
5 سەنىڭ قۇدىرەتىڭمەن جاۋىمىزدى قۋىپ شىعامىز+،سەنىڭ ەسىمىڭە سەنىپ، قارسىلاستارىمىزدى تاپتاپ تاستايمىز+.
6 ويتكەنى مەن ساداعىما ارقا سۇيەمەيمىن،سەمسەرىم دە مەنى قۇتقارا المايدى+.
7 جاۋىمىزدان قۇتقارعان ٶزىڭ ەدىڭ+،ٴبىزدى جەك كورەتىندەردى ماسقارا قىلعان دا سەن ەدىڭ.
8 قۇدايىمىز، ٶزىڭدى كۇنى بويى داڭقتايمىز،ەسىمىڭە ماڭگى باقي ريزاشىلىق بىلدىرەمىز. (سەلا)
9 ال ەندى سەن ٴبىزدى تاستاپ كەتىپ، ماسقارا قىلدىڭ،جاساعىمىزبەن بىرگە اتتانبايتىن بولدىڭ.
10 دۇشپاندارىمىزدان قاشۋعا ٴماجبۇر ەتىپ وتىرسىڭ+،قاستاستارىمىزعا ٴبىزدى توناتىپ قويدىڭ.
11 ٴبىزدى قوي سياقتى جالماسىن دەپ قولدارىنا بەردىڭ،حالىقتار اراسىنا بىتىراتىپ جىبەردىڭ+.
12 حالقىڭدى تىم ارزانعا ساتتىڭ+،بۇدان ٴتىپتى پايدا دا كورمەدىڭ.
13 ٴبىزدى كورشىلەرىمىزگە قورلاتتىڭ،ماڭايىمىزداعىلاردىڭ بارىنە كۇلكى ەتىپ، مازاقتاتىپ قويدىڭ.
14 ۇلتتار اراسىندا ٴبىزدى ماتەلگە اينالدىردىڭ+،حالىقتار بىزگە قاراپ باستارىن شايقايتىن بولدى.
15 مەن كۇنى بويى ماسقارا بوپ،ۇياتتان باسىمدى تومەن سالىپ جۇرەمىن.
16 ٴبىز ولاردىڭ تىلدەپ جاتقاندارىن، قورلاعاندارىن ەستيمىز،سەبەبى جاۋىمىز بىزدەن كەك الۋدا.
17 وسىنىڭ ٴبارى باسىمىزعا تۇسسە دە، سەنى ۇمىتپادىق،كەلىسىمىڭدى دە بۇزبادىق+.
18 جۇرەگىمىز سەنەن تايقاقتامادى،اياعىمىز دا جولىڭنان تايمادى.
19 ٴبىراق سەن ٴبىزدى شيبورىلەر جينالاتىن جەردە تاس-تالقان ەتتىڭ،ٴبىزدى قارا تۇنەكپەن قورشادىڭ.
20 ەگەر قۇدايىمىزدىڭ اتىن ۇمىتساقنە بوتەن قۇدايعا قول جايىپ سيىنساق،
21 قۇدايعا بۇل ايان بولادى ەمەس پە؟
ويتكەنى ول جۇرەك تۇكپىرىندەگى قۇپيالاردى بىلەدى+.
22 سەن ٷشىن ٴبىز كۇن سايىن ولىممەن بەتپە-بەت كەلەمىز،ٴبىز سويىلاتىن قوي ەسەبىندەمىز+.
23 تۇرەگەلشى، ۋا، ەحوبا! قاشانعى ۇيقىدا بولاسىڭ+؟
ويانشى! بىزدەن ماڭگىگە باس تارتپاشى+.
24 نەگە بىزدەن ٴجۇزىڭدى جاسىراسىڭ؟
نەگە قاسىرەتىمىز بەن كورگەن قىسىمىمىزدى ۇمىتاسىڭ؟
25 ٴبىز جەرگە قۇلادىق،ٴتانىمىز جەرمەن-جەكسەن بولدى+.
26 تۇرەگەلىپ، كومەكشىمىز بولشى+!
اينىماس سۇيىسپەنشىلىگىڭمەن قۇنىمىزدى وتەپ الشى+!
سىلتەمەلەر
^ تۇسىندىرمەنى قاراڭىز.
