ٴزابۇر 45:1—17
ٵن-كۇي جەتەكشىسىنە. «لالاگۇلدەر» اۋەنىمەن ايتۋعا ارنالعان. قوراح ۇلدارىنىڭ جىرى+. ماسكيل*. ماحاببات ٵنى.
45 ٴبىر ىزگىلىك جۇرەك قىلىن شەرتتى دە،مەن: «پاتشا جايلى ٵن ايتايىن»،— دەدىم+.
لايىم ٴتىلىم شەبەر كوشىرمەشىنىڭ قالامىنداي+ بولسىن+.
2 سەن ادام بالاسىنىڭ ەڭ كوركەمىسىڭ.
نەتكەن جاعىمدى اۋزىڭنان شىققان سوزدەرىڭ+!
سوندىقتان دا قۇداي سەنى ماڭگىلىككە جارىلقادى+.
3 ۋا، باتىر+، سەمسەرىڭدى+ بەلىڭە اسىن،ۇلىلىق پەن سالتاناتقا بولەن+.
4 سالتاناتپەن جەڭىسكە ۇمتىل+،شىندىق، كىشىپەيىلدىلىك پەن ادىلدىك ٷشىن تۇلپارىڭدى قامشىلا+،وڭ قولىڭ تاڭعاجايىپ ىستەر جاساسىن*.
5 ۇشكىر جەبەلەرىڭ پاتشانىڭ قاستاستارىنىڭ قاق جۇرەگىنە قادالادى،الدىڭدا ادامدار سۇلاپ جاتادى+.
6 قۇدايدىڭ ٶزى ماڭگى باقي تاعىڭ بولادى+؛پاتشالىعىڭنىڭ اساتاياعى — ادىلدىكتىڭ اساتاياعى+.
7 سەن ادىلدىكتى ٴسۇيىپ+، زۇلىمدىقتى جەك كوردىڭ+،سوندىقتان دا قۇداي، سەنىڭ قۇدايىڭ،باسقا پاتشالارعا قاراعاندا سەنى قۋانىش مايىمەن+ كوبىرەك مايلادى+.
8 بارلىق كيىمىڭنەن ٴمۇر، الوە، كاسسيانىڭ جۇپار ٴيىسى اڭقيدى،ٴپىل سۇيەگىمەن بەزەندىرىلگەن ٴزاۋلىم سارايىڭداعى ىشەكتى اسپاپ اۋەنى كوڭىلىڭدى كوتەرەدى.
9 ٶزىڭ ارداقتايتىن ايەلدەر اراسىندا پاتشا قىزدارى دا تۇر،ال وڭ جاعىڭدا وپىر التىنىمەن+ ساندەنگەن پاتشايىم تۇر.
10 قىزىم، دەن قويىپ، سوزىمە قۇلاق ٴتۇر؛حالقىڭدى دا، اكەڭنىڭ ٷيىن دە ۇمىت قالدىر.
11 پاتشا سەنىڭ سۇلۋلىعىڭدى اڭسايتىن بولادى،ول — سەنىڭ يەڭ،سوندىقتان وعان ٴيىلىپ، تاعزىم ەت.
12 تير قىزى تارتۋ-تارالعىسىن اكەلەدى،ەڭ داۋلەتتى كىسىلەر ىقىلاسىڭا يە بولعىسى كەلەدى.
13 سارايدا وتىر پاتشا قىزى بار ٴسان-سالتاناتىمەن،ۇستىندەگى كيىمى التىنمەن ارلەنگەن.
14 ۇلدە مەن بۇلدەگە ورانعان* ول پاتشاعا اكەلىنەدى،پاك قۇربى قىزدارى دا ونىڭ الدىنا* اكەلىنەدى.
15 ولار زور قۋانىش، شاتتىقپەن اكەلىنەدى؛پاتشا سارايىنا سالتاناتپەن ەنەدى.
16 ۇلدارىڭ بابالارىڭنىڭ ورنىن باسادى.
سەن ولاردى بۇكىل جەرجۇزىنە امىرشىلەر ەتىپ قوياسىڭ+.
17 مەن ەسىمىڭدى كەلەر ۇرپاقتىڭ بارىنە تانىمال ەتەمىن+.
سوندىقتان حالىقتار سەنى ماڭگى باقي دارىپتەي بەرەدى.
سىلتەمەلەر
^ تۇسىندىرمەنى قاراڭىز.
^ سوزبە-ٴسوز «ىستەرگە سەنى ۇيرەتسىن».
^ مۇمكىن: «كەستەلى كيىم كيگەن».
^ سوزبە-ٴسوز «سەنىڭ الدىڭا».
