ٴزابۇر 72:1—20
سۇلەيمەنگە قاتىستى جازىلعان جىر.
72 ۋا، قۇداي، پاتشاعا شەشىمدەرىڭە ساي تورەلىك ەتۋدى ۇيرەتشى،پاتشا ۇلىنا ادىلدىگىڭدى سيلاشى+.
2 ول حالقىڭنىڭ ٸسىن ادىلدىكپەن جۇرگىزىپ،بەيشارا جاندارىڭدى ادىلەتتىككە ساي قورعاسىن+.
3 حالىققا تاۋلار تىنىشتىق،قىراتتار ادىلدىك اكەلسىن.
4 پاتشا ەلدەگى بەيشارالاردى قورعاسىن،بالالارىن دا امان ساقتاسىن،ال قاناۋشىلاردىڭ كوزىن قۇرتسىن+.
5 ۋا، قۇداي، ولار سەنەن قورقاتىن بولادى،كۇن نۇرىن شاشىپ، اسپاندا اي تۇرعان كەزدىڭ بارىندە —ۇرپاقتان ۇرپاققا — سولاي بولادى+.
6 پاتشا ٴشوبى ورىلعان شابىندىققا جاۋعان جاڭبىرداي،جەردى سۋاراتىن نوسەردەي بولادى+.
7 ونىڭ زامانىندا ٵدىل جان وركەندەيدى+،اسپاندا اي تۇرعان كەزدىڭ بارىندە شارتاراپتا تىنىشتىق بولادى+.
8 ول تەڭىزدەن تەڭىزگە دەيىن،ەۆفراتتان جەردىڭ شەتىنە دەيىن بيلىك قۇرادى+.
9 ٴشول دالانىڭ تۇرعىندارى وعان باس ۇرادى،جاۋلارى توپىراق جالايتىن بولادى+.
10 تارسيس پەن ارالداردىڭ پاتشالارى وعان الىم تولەيدى+،شەبا مەن سەبا پاتشالارى سي-تارتۋلار اكەلەدى+.
11 ونىڭ الدىندا كۇللى پاتشالار باس يەدى،كۇللى حالىقتار قىزمەت ەتەدى.
12 پاتشا كومەك سۇراعان جارلى-جاقىبايدى،
ەشبىر كومەكشىسى جوقتار مەن بەيشارالاردى دا قۇتقارادى.
13 بەيشارا مەن كەدەيگە جانى اشيدى،جارلىلاردىڭ ٶمىرىن امان ساقتايدى.
14 قاناۋشى مەن زۇلىم بيلەۋشىدەن قۇندارىن وتەپ الادى.
ولاردىڭ قانىن باعالى دەپ سانايدى.
15 پاتشانىڭ ٶمىرى ۇزاق بولسىن، شەبانىڭ التىنى بەرىلسىن+.
جۇرت ول ٷشىن ۇدايى دۇعا ەتە بەرسىن،كۇن سايىن وعان باتا بەرىلسىن.
16 جەر بەتىنە استىق مول شىعادى+،تاۋلاردىڭ باسىندا دا اعىل-تەگىل بولادى.
پاتشانىڭ ەگىنى ليۆان ورمانىنداي جايقالادى+،قالالارداعى حالىق جەر بەتىندەگى شوپتەي كوپ بولادى+.
17 ونىڭ ەسىمى ماڭگى باقي وشپەسىن+،كۇن نۇرىن شاشىپ تۇرعان كەزدىڭ بارىندە داڭقى ارتا بەرسىن.
پاتشا ارقىلى حالىق باتاعا يە بولسىن+؛ۇلتتاردىڭ ٴبارى ونى باقىتتى دەپ جار سالسىن.
18 كەرەمەت ىستەر جاسايتىن جالعىز قۇداي+ —يسرايلدىڭ قۇدايى ەحوبا ماداقتالسىن+!
19 ونىڭ ۇلى ەسىمى ماڭگى دارىپتەلسىن+،ونىڭ سالتاناتى جەرجۇزىن تولتىرسىن+.
اۋمين، ٴيا، اۋمين.
20 وسىمەن ەسەي ۇلى ٴداۋىتتىڭ+ دۇعالارى اياقتالدى.
