ٴزابۇر 80:1—19
ٵن-كۇي جەتەكشىسىنە. «لالاگۇلدەر» اۋەنىمەن ايتۋعا ارنالعان. ەسكەرتۋ. اساپتىڭ+ جىرى. ٵن.
80 ۋا، يسرايلدىڭ باعۋشىسى، تىڭداشى،سەن ٴجۇسىپتى وتارىڭداي باستاپ الىپ ٴجۇرسىڭ+.
كەرۋبتەردىڭ ۇستىندە* تاقتا وتىرعان سەن+ جارقىراي بەرشى.
2 ەفرەمنىڭ، بەنيامين مەن ماناسانىڭ الدىندا قۇدىرەتىڭدى پاش ەتشى+،كەلىپ، ٴبىزدى قۇتقارشى+.
3 ۋا، قۇداي، بىزگە قايتادان ىقىلاسىڭدى ٴتۇسىرشى+.
امان قالۋىمىز ٷشىن، ٴجۇزىڭنىڭ نۇرىن توكشى+.
4 ۋا، اسكەرباسى ەحوبا، حالقىڭنىڭ دۇعاسىنا قاشانعى جەككورىنىشپەن قارايسىڭ+؟
5 سەن ولارعا كوز جاستارىن نانشا جەگىزدىڭ،كوز جاستارىن ابدەن ىشكىزدىڭ.
6 ٴبىزدى كورشىلەرىمىزدىڭ تالاسىنا سالىپ قويدىڭ،جاۋلارىمىز ٴبىزدى بىلگەندەرىنشە مازاق ەتەدى+.
7 ۋا، اسكەرباسى، بىزگە قايتادان ىقىلاسىڭدى ٴتۇسىرشى،امان قالۋىمىز ٷشىن، ٴجۇزىڭنىڭ نۇرىن توكشى+.
8 سەن مىسىردان ٴجۇزىم بۇتاسىن+ اكەلدىڭ،حالىقتاردى قۋىپ تاستاپ، ونى وتىرعىزدىڭ+.
9 سوعان ارناپ ورىن دايىندادىڭ،ول تامىر جايىپ، ەلدى جايلادى+.
10 ونىڭ كولەڭكەسى تاۋلاردى جاپتى،ساباقتارى قۇدايدىڭ قاراعايلارىن باستى.
11 بۇتاقتارى تەڭىزگە دەيىن سوزىلدى،وركەندەرى ەۆفرات وزەنىنە دەيىن جەتتى+.
12 ەندەشە نەگە جۇزىمدىكتىڭ تاس دۋالدارىن قيراتىپ+،جەمىستەرىن وتكەن-كەتكەنگە جۇلدىرتىپ قويدىڭ+؟
13 ونى ورمان قاباندارى ويرانداپ،ٴتۇزدىڭ جابايى اڭدارى جالماپ جاتىر+.
14 ۋا، اسكەرباسى، قايتا ورالشى،كوكتەن جەرگە كوز قىرىڭدى سالشى!
مىنا جۇزىمدىكتىڭ قامىن جاساشى+.
15 وڭ قولىڭمەن وتىرعىزعان بۇتانى+ قامقورلاشى،ٶزىڭ ٷشىن نىعايتقان ۇلىڭا نازار سالشى+.
16 ول شاۋىپ تاستالدى، وتقا جاعىلدى+،سەنىڭ سوگىسىڭنەن حالىق قۇرىپ بارادى.
17 وڭ جاعىڭداعى كىسىگە قولىڭمەن دەمەۋ بەرشى،ٶزىڭ ٷشىن نىعايتقان ادام ۇلىن قولداشى+.
18 سوندا سەنەن تەرىس اينالمايمىز.
ٶمىرىمىزدى ساقتاشى، سەنىڭ ەسىمىڭدى شاقىرايىق.
19 ۋا، اسكەرباسى ەحوبا، بىزگە قايتادان ىقىلاسىڭدى ٴتۇسىرشى،امان قالۋىمىز ٷشىن، ٴجۇزىڭنىڭ نۇرىن توكشى+.
سىلتەمەلەر
^ مۇمكىن: «اراسىندا».
