ٴزابۇر 91:1—16
91 اللا تاعالانىڭ قۇپيا جەرىندە مەكەندەيتىن اركىم+
قۇدىرەتى شەكسىز قۇدايدىڭ ساياسىن پانالايدى+.
2 مەن ەحوباعا: «سەن مەنىڭ پانام ٵرى قورعانىمسىڭ+،ارقا سۇيەيتىن قۇدايىمسىڭ+»،— دەيمىن.
3 ويتكەنى ول سەنى قۇس اۋلاۋشىنىڭ تۇزاعىنان،اجالدى ىندەتتەن قۇتقارادى.
4 قاۋىرسىندارىمەن قالقالايدى،سەن ونىڭ قاناتىنىڭ استىن پانالايسىڭ+.
ونىڭ ادالدىعى+ ساعان ۇلكەن قالقان+، قورعايتىن قابىرعا بولادى.
5 تۇنگى ۇرەيدەن شوشىنبايسىڭ+،كۇندىز اتىلعان جەبەدەن دە قورىقپايسىڭ+،
6 قارا تۇنەكتە جايلايتىن ىندەتتەن،تال تۇستە قىراتىن اپاتتان ۇرەيلەنبەيسىڭ.
7 قاسىڭدا مىڭى قۇلايدى،وڭ جاعىڭدا ون مىڭى سۇلايدى،ٴبىراق ساعان ەش جاماندىق بولمايدى+.
8 وسىلاردىڭ بارىنە قاراپ قانا تۇراسىڭ،زۇلىمداردىڭ جازالانعانىنىڭ كۋاسى بولاسىڭ.
9 سەبەبى سەن: «ەحوبا — مەنىڭ پانام»،— دەدىڭ،اللا تاعالانى مەكەندەيتىن تۇراعىڭ* ەتتىڭ+.
10 باسىڭا ەش جاماندىق تۇسپەيدى+،شاتىرىڭا دا اپات تونبەيدى.
11 سەبەبى ول سەن تۋرالى پەرىشتەلەرىنە+ بۇيرىق بەرەدى،ولار سەنى قايدا بارساڭ دا قورعاپ جۇرەدى+.
12 اياعىڭدى تاسقا سوعىپ الماۋىڭ ٷشىن،سەنى قولدارىنا الىپ جۇرەدى+.
13 جاس ارىستان مەن كوبرانى اياعىڭمەن تاپتايسىڭ،ابدان ارىستان مەن ابجىلاندى جانشىپ تاستايسىڭ+.
14 قۇداي بىلاي دەدى: «ول مەنى جاقسى كورگەندىكتەن، مەن ونى قۇتقارامىن+.
ەسىمىمدى بىلگەندىكتەن، ونى قورعايتىن بولامىن+.
15 ول مەنى شاقىرادى، ال مەن جاۋاپ قاتامىن+.
قيىن شاقتاردا قاسىنان تابىلامىن+.
مەن ونى قۇتقارىپ، مەرەيىن اسىرامىن.
16 وعان ۇزاق عۇمىر سيلايمىن+،قۇتقاراتىن كۇشىمدى پاش ەتەمىن+».
سىلتەمەلەر
^ مۇمكىن: «قامالىڭ؛ پاناڭ».
