ەزرا 6:1—22
6 داريي پاتشا بۇيرىق بەرىپ، بابىلداعى قازىنا قويمالارىندا ساقتالعان مۇراعاتتاردى تەكسەرتتى.
2 سوندا ميديا ايماعىندا ورنالاسقان ەكباتاناداعى قامالدان شيىرشىق تابىلدى. وندا كەلەسىدەي مالىمەت جازىلعان ەكەن:
3 «كير پاتشا ٶزىنىڭ بيلىك قۇرعان ٴبىرىنشى جىلىندا يەرۋساليمدەگى قۇداي ۇيىنە قاتىستى مىناداي جارلىق شىعاردى+: «قۇرباندىق ۇسىنا الۋلارى ٷشىن، ياھۋديلەر ٷيدى قايتا سوعىپ، ىرگەتاسىن بۇرىنعى ورنىنا قالاسىن. ونىڭ بيىكتىگى 60 شىنتاق*، ەنى 60 شىنتاق بولسىن+.
4 قابىرعاسى ۇلكەن-ۇلكەن تاستاردان ٷش قاتار ەتىپ، ال ۇستىنە ٴبىر قاتار بورەنەلەر قويىلىپ سوعىلسىن+. ال كەتەتىن شىعىن پاتشانىڭ قازىناسىنان تولەنسىن+.
5 سونداي-اق كەزىندە ناۆۋحودونوسور يەرۋساليمدەگى عيباداتحانادان الىپ، بابىلعا اكەتكەن قۇداي ٷيىنىڭ التىن-كۇمىس ىدىستارى+ قايتارىلىپ، يەرۋساليمدەگى عيباداتحاناداعى، قۇداي ۇيىندەگى، ٶز ورىندارىنا قويىلسىن+».
6 سودان داريي پاتشا مىناداي بۇيرىق بەردى: «ەۆفراتتىڭ باتىس ولكەسىنىڭ ٵمىرشىسى تاتەناي، شەتار-بوزەناي مەن ولاردىڭ ارىپتەستەرى، ياعني ەۆفراتتىڭ باتىس ولكەسىندەگى كىشى امىرشىلەر+، سەندەر بۇل ماسەلەگە ارالاسپاڭدار.
7 قۇداي ٷيىنىڭ قۇرىلىسىنا بوگەت جاساماڭدار. ياھۋديلەردىڭ ٵمىرشىسى مەن اقساقالدارى قۇداي ٷيىن بۇرىنعى ورنىنا تۇرعىزا بەرسىن.
8 بۇعان قوسا، ياھۋدي اقساقالدارى قۇداي ٷيىن قايتا سوعا الۋلارى ٷشىن، سەندەرگە مىنانى بۇيىرامىن: جۇمىس توقتاپ قالماس ٷشىن، پاتشا قازىناسىنان+، ەۆفراتتىڭ باتىس ولكەسىنەن جينالاتىن سالىقتان، تەز ارادا قاراجات ٴبولىنسىن+.
9 سونىمەن قاتار قاجەتتىنىڭ ٴبارى ولارعا كۇن سايىن ۇزدىكسىز بەرىلىپ تۇرسىن. اتاپ ايتقاندا، يەرۋساليمدەگى ٴدىني قىزمەتكەرلەردىڭ سۇراعاندارىنا ساي، كوكتەگى قۇدايعا تۇگەل ورتەلەتىن قۇرباندىقتار ٷشىن جاس بۇقالار+، قوشقارلار+ مەن توقتىلار+، بيداي+، تۇز+، شاراپ+، ماي+ بەرىلسىن.
10 وسىلايشا ولار كوكتەگى قۇدايعا ۇنامدى قۇرباندىقتاردى ٵردايىم ۇسىنىپ، پاتشا مەن ونىڭ ۇلدارىنىڭ ساۋلىعى ٷشىن دۇعا ەتە الادى+.
11 كىمدە-كىم وسى جارلىقتى بۇزاتىن بولسا، ونىڭ ۇيىنەن ٴبىر بورەنە سۋىرىپ الىنىپ، ول سوعان ٸلىنىپ قويىلسىن، ال ٷيى كوپشىلىك باراتىن اجەتحاناعا* اينالسىن.
12 وسى جارلىقتى بۇزىپ، قۇدايدىڭ ٶز ەسىمى ٷشىن تاڭداپ العان يەرۋساليمدەگى ٷيىن+ قيراتپاق بولعان كەز كەلگەن پاتشانى نە حالىقتى ول جازالاسىن. مەن، داريي، وسى جارلىقتى شىعاردىم. بۇل جارلىق بىردەن جۇزەگە اسىرىلسىن».
13 سوندا ەۆفراتتىڭ باتىس ولكەسىنىڭ ٵمىرشىسى تاتەناي جانە شەتار-بوزەناي+ مەن ولاردىڭ ارىپتەستەرى داريي پاتشانىڭ بارلىق بۇيرىعىن دەرەۋ ورىندادى.
14 حاگەي پايعامبار مەن يددونىڭ نەمەرەسى زاكاريانىڭ پايعامبارلىعىنان جىگەر العان+ ياھۋدي اقساقالدارى قۇرىلىستى جالعاستىرىپ، ىستەرى العا باستى+. ٴسۇيتىپ، ولار يسرايل قۇدايىنىڭ بۇيىرۋىمەن+ جانە كيردىڭ+، داريي+ مەن پەرسيا پاتشاسى ارتاكسەركستىڭ جارلىعىمەن+ ٷيدى سالىپ ٴبىتىردى.
15 ونى ادار* ايىنىڭ ٷشىنشى كۇنى، داريي پاتشانىڭ بيلىك ەتۋىنىڭ التىنشى جىلى اياقتادى.
16 يسرايلدىكتەر، ٴدىني قىزمەتكەرلەر، لەۋىلىكتەر+ مەن جەر اۋدارىلۋدان ورالعانداردىڭ ٴبارى زور قۋانىشپەن قۇداي ٷيىنىڭ باعىشتالۋ ٴراسىمىن وتكىزدى.
17 ولار قۇداي ٷيىن باعىشتاۋ راسىمىنە ارناپ 100 بۇقا، 200 قوشقار، 400 توقتى شالدى، ال كۇنا ٷشىن قۇرباندىققا يسرايل رۋلارىنىڭ سانىنا سايكەس 12 تەكە ۇسىندى+.
18 سونداي-اق مۇسانىڭ كىتابىندا جازىلعانعا ساي، ٴدىني قىزمەتكەرلەر مەن لەۋىلىكتەردى توپ-توپقا ٴبولىپ، يەرۋساليمدەگى قۇداي ۇيىندە قىزمەت ەتۋ كەزەكتەرىنە تاعايىندادى+.
19 ەلىنە ورالعاندار ٴبىرىنشى ايدىڭ ون ٴتورتىنشى كۇنى قۇتقارىلۋ مەيرامىن اتاپ ٶتتى+.
20 ٴدىني قىزمەتكەرلەر مەن لەۋىلىكتەر ٴبىرى قالماي تازارۋ راسىمىنەن ٶتتى+، ٴسۇيتىپ، ٴبارى تازا بولدى. ولار ەلىنە ورالعاندار ٷشىن، ٴدىني قىزمەتكەر باۋىرلارى جانە وزدەرى ٷشىن قۇتقارىلۋ مەيرامىنىڭ قۇرباندىعىن شالدى.
21 قۇرباندىقتىڭ ەتىنەن ەلگە ورالعان يسرايلدىكتەر دە، قۇداي حالقىنا قوسىلعاندار دا جەدى. بۇلار يسرايلدىڭ قۇدايى ەحوباعا عيبادات ەتۋ ٷشىن باسقا ۇلتتاردىڭ ارام نارسەلەرىنەن تازارعاندار ەدى+.
22 سونىمەن قاتار ولار جەتى كۇن بويى اشىماعان نان مەيرامىن* تويلاپ+، شات-شادىمان بولدى. ويتكەنى ەحوبا ولاردى قۋانىشقا كەنەلتكەن ەدى، سونداي-اق يسرايل قۇدايىنىڭ ٷيىن سوعۋعا قولداۋ كورسەتۋى ٷشىن، اسسيريا پاتشاسىنىڭ جۇرەگىن جىبىتكەن بولاتىن+.
سىلتەمەلەر
^ شامامەن 7.26 مەتر B14 قوسىمشاسىن قاراڭىز.
^ مۇمكىن: «كۇل-قوقىس نە تەزەك تاستايتىن جەرگە».
^ B15 قوسىمشاسىن قاراڭىز.
^ تۇسىندىرمەنى قاراڭىز.
