ەۆرەيلەرگە 3:1—19
3 سونىمەن، قاسيەتتى باۋىرلاستار، كوككە شاقىرىلعاندار+، ٶزىمىز ەلشى ٵرى باس ٴدىني قىزمەتكەر دەپ مويىندايتىن يسا+ تۋرالى وي جۇگىرتىڭدەر.
2 مۇسا پايعامبار قۇدايدىڭ بۇكىل ۇيىنە قىزمەت ەتكەندە ادال بولعانىنداي+، ول دا ٶزىن تاعايىنداعان قۇدايعا ادال بولدى+.
3 ٷيدىڭ وزىنەن گورى ونى سالعان ادام كوبىرەك قۇرمەتكە لايىق، سول سياقتى، يسا دا مۇساعا قاراعاندا كوبىرەك داڭقتالۋعا لايىق+.
4 ارينە، ٵربىر ٷيدىڭ سالۋشىسى بار، ال ٴبارىنىڭ جاراتۋشىسى — قۇداي.
5 مۇسا قۇدايدىڭ بۇكىل ۇيىندە قىزمەتىن ادال اتقاردى. ونىڭ وسى قىزمەتى كەيىنىرەك ايتىلاتىن نارسەلەرگە كۋالىك ەتتى.
6 ال ٴماسىح قۇدايدىڭ ٷيىن باسقارۋدا ونىڭ ۇلى رەتىندە ادال بولدى+. ەگەر سويلەۋ ەركىندىگىن جانە ماقتان تۇتاتىن ٷمىتىمىزدى سوڭىنا دەيىن بەرىك ۇستانساق، وندا ٴبىز قۇدايدىڭ ٷيىمىز+.
7 سوندىقتان، كيەلى رۋح ارقىلى جازىلعانداي*+، «بۇگىن سەندەر ونىڭ داۋسىن ەستىسەڭدەر،
8 جۇرەكتەرىڭدى قاسارىستىرىپ، اتا-بابالارىڭ سياقتى بولماڭدار. ولار مەنى ٴشول دالادا سىناعان كۇنى+ قاتتى اشۋلاندىردى.
9 سول كەزدە، قىرىق جىل بويى ىستەرىمدى كورسە دە، ولار مەنى سىنادى+.
10 مىنە، سول سەبەپتى بۇل ۇرپاقتان جەركەنىپ: —ايتقاندارىما جۇرەكتەرى ەشقاشان مويىنسۇنبايدى، ولار مەنىڭ جولدارىمدى تانىپ-بىلمەدى،— دەدىم.
11 سوندىقتان اشۋلانىپ: —ولار مەنىڭ دەمالۋ ٷشىن دايىنداعان جەرىمە كىرمەيدى+!— دەپ انت ەتتىم».
12 باۋىرلاستار، ساق بولىڭدار! ەشقايسىسىڭ دا ٴتىرى قۇدايدان الىستاپ، جۇرەكتەرىڭ زۇلىم ٵرى سەنىمنەن ادا بولىپ جۇرمەسىن+!
13 قايتا، ٵلى دە «بۇگىن»+ دەپ اتالاتىن ۋاقىت بىتپەي تۇرعاندا، ەشقايسىسىڭ كۇناعا ازعىرىلىپ، جۇرەكتەرىڭ قاسارىسىپ كەتپەۋ ٷشىن، كۇن سايىن ٴبىر-ٴبىرىڭدى جىگەرلەندىرىپ وتىرىڭدار.
14 العاشقى سەنىمدىلىگىمىزدى سوڭىنا دەيىن بەرىك ۇستانساق قانا، ماسىحپەن ۇلەستەس بولامىز+.
15 جازبادا: «بۇگىن سەندەر ونىڭ داۋسىن ەستىسەڭدەر، جۇرەكتەرىڭدى قاسارىستىرىپ، اتا-بابالارىڭ سياقتى بولماڭدار، ولار مەنى قاتتى اشۋلاندىردى»+،— دەلىنگەن.
16 قۇدايدىڭ داۋسىن ەستىسە دە، ونى قاتتى اشۋلاندىرعان كىمدەر ەدى؟ مۇسا مىسىردان الىپ شىققانداردىڭ ٴبارى ەمەس پە+؟
17 سونداي-اق قۇداي قىرىق جىل بويى كىمدەرگە جەركەنە قارادى+؟ كۇنا جاساپ، سۇيەگى ٴشول دالادا قالعاندارعا ەمەس پە+؟
18 ول كىمدەرگە ٶزىنىڭ دەمالۋ ٷشىن دايىنداعان جەرىنە كىرمەيدى دەپ انت ەتتى؟ وزىنە مويىنسۇنباعاندارعا ەمەس پە؟
19 سونىمەن، سەنىمدەرى بولماعاندىقتان ولاردىڭ سول جەرگە كىرە الماعانىن كورىپ وتىرمىز+.
سىلتەمەلەر
^ سوزبە-ٴسوز «كيەلى رۋح ايتقانداي».
