ماسىحشىلىك ٶمىرىمىز
سامۋيلدىڭ ٴتالىم بەرەر ۇلگىسى
سامۋيل بۇكىل ٶمىرىن ەحوباعا ارناعان ادال كىسى ەدى. بالا كەزىندە ول ەليدىڭ ارسىز ۇلدارى وپني مەن پىنەحەسكە ەرگەن جوق (س1ج 2:22—26). ەحوبا ەر جەتىپ جاتقان ٴسامۋيلدى جارىلقاپ وتىردى (س1ج 3:19). قارتايعان شاعىندا دا ونىڭ ٶز ۇلدارى ەحوبانىڭ جولىمەن جۇرمەسە دە، ول اق جولدان ەش تايمادى (س1ج 8:1—5).
ادال بولعان سامۋيلدەن نە ۇيرەنسەك بولادى؟ سەن جاس بولساڭ مىناعان سەنىمدى بول: ەحوبا سەنىڭ قيىندىعىڭدى بىلەدى، سەنىڭ ىشكى سەزىمدەرىڭدى تۇسىنەدى، ساعان قاجەت بولسا باتىلدىق تا بەرەدى (يش 41:10، 13). ٴسىز اتا-انا بولساڭىز جانە بالاڭىز ەحوباعا قىزمەت ەتپەي كەتسە، ٴسامۋيلدى قالاي ۇلگى ەتە الاسىز؟ سامۋيل ەرەسەك ۇلدارىن ەحوبانىڭ تالاپتارىن ورىندا دەپ كۇشتەي المادى. ول ٴبارىن ەحوباعا تاپسىرىپ، ٶز مىنسىزدىگىمنەن اينىمايمىن دەپ بەكىندى. وسىلايشا كوكتەگى اكەسىنىڭ ىقىلاسىنا بولەندى. كىم بىلەدى، بالاڭىز ٴسىزدىڭ ۇلگىڭىزدى كورىپ، ەحوباعا ٴبىر كۇنى قايتىپ كەلەر.
«جاقسىدان ۇيرەن، جاماننان جيرەن: سامۋيل» دەگەن بەينەروليكتى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
بالا سامۋيل قالاي باتىل ارەكەت ەتتى؟
-
دەنني قالاي باتىلدىق تانىتتى؟
-
قارت سامۋيل قاي جاعىنان ۇلگى؟
-
دۇرىستى ىستەۋگە بەكىنگەندەردى ەحوبا قولدايدى
دەننيدىڭ اتا-اناسىنان نە ۇيرەنۋگە بولادى؟
